YOHANES 4:7 - KITAB NU TUMPU ALLA LELE MA'IMAI'

^7-8 Ka' anu saja' mombatuki Yesus nambamo i kota mongoli anu okaan. Lantas tinoka na boune nu Samaria montauk uee. I Yesus notatae hi ia, “Kita tina, de timbali Aku mompoita monginum?”

YOHANES 4:7 ပူးပေါင်းရင်းမြစ်များ

KAJADIAN 24:17

Posaihon i Abraham nopadeka'mo nongohani ia ka' notatae, “Tulungi mae, Anak, bee'i mae da aku monginum atina' i gumbang nu beleyum.”

KAJADIAN 24:43

Aku sinaintinjomo koko bubung aiya. De samian na langkoyang toka mae montauk uee, ku poitaje hi ia da nu po'inumi.

1 TOMU-TOMUNDO' 17:10

Sahingga nambamo na i Elia nokiijo' i Sarfat. Salatan tinokamo i sabatan nu kota aijo', ia nontoamo samian na balu hau-hauno mongala kau' anu oposun. Lantas notataemo na i Elia hi balu aijo', “O pontina'on, tulungiakon mae alapi uee sangkiding na aku da ku inum.”

MATIUS 10:42

De ihe na mompo'inumi, mau mule' ola uee lop hi sala'samian to mia-mian anu madi' ko angga'nyo, kalana ia anu saja' mombatuki Aku, palesayamo ia tantu montalima tamboonyo!”

YOHANES 19:28

Sinumbu'mo i Yesus uuka aiya iwi-iwi' ilapasmo, ka' da apaa na tinulismo i uno nu Kitab nu Tumpu aijo' sidamo, Ia notataemo, “Aku negotmo.”

YOHANES 4:10

I Yesus nontaami, “De beleyum monsumbu' apaa na anu nubee' nu Tumpu ka' ihe na mompoita monginum hi beleyum tantu beleyum na momoita monginum hi Ia, ka' Ia tionyo mombee'i beleyum uee kantumuu'an.”

YOHANES 4:6

I kiijo' daagi' ko bubung i Yakub. I Yesus nalawemo hondo kalana i lumajang, kalana aitu Ia sinumuhang i sohipi' nu bubung. Tempo'nyo aijo' kila-kila jam sampulu'mo ka' ohua' sonsu'unmo na sinaa.