YOHANES 4:53 - KITAB NU TUMPU ALLA LELE MA'IMAI'

⁵³ Lantas tuuma nu anak aijo' tinonginau'mo saba' tempo'mo ai-aijo' na i Yesus notatae hi ia, “Anakum ma'alinmo.” Sahingga ia ka' iwi-iwi' na anu sampoto utusannyo pinalesayamo hi Yesus.

YOHANES 4:53 ပူးပေါင်းရင်းမြစ်များ

MAZMUR 107:20

Ia nompa'alinmo aha ola pinalentah-Nyo, ka' nompolapasmo aha da boli minsoop i bolo nu kubun.

MAZMUR 33:9

Kalana Ia notatae, lantas iwi-iwi' pinotimbalimo Ia nompalentahmo, sahingga iwi-iwi' daagi'mo.

MATIUS 8:13

Lantas i Yesus notatae hi suludadu aijo', “Pinsusule'mo, apaa na anu nu palesaya aijo' tionyo timbali.” Ka' tempo'nyo aitu mule' posaihonnyo aijo' na'alinmo.

LUKAS 19:9

Lantas koonyo i Yesus, “Sinaa aiya beleyum tiba komiu sampoto utusanum pinosalamatmo nu Tumpu, ka' binee'annyomo kantumuu'an bu'ou, kalana beleyum suele lee' i Abraham.

YOHANES 4:51

I tonga' nu jalan, to posa-posaihon tinokamo hi ia, ka' nompoto'i, “Anak i Tuan na'alinmo.”

YOHANES 4:52

Lantas pinokilawanyo hi aha, jam sangkuka na anak aijo' nontampu'unimo ma'alin. Aha nontaami, “Nabongi kila-kila jam sambatu sonsu'un na sinaa, panasnyo na'alinmo.”

SISIKON NU TO RASUL-RASUL 11:14

Ia nompotokamo hi komiu lele anu momposalamat beleyum ka' to utu-utusum.’

SISIKON NU TO RASUL-RASUL 16:15

I Lidia ka' aha iwi-iwi' isi nu laigannyo pinalamandikanmo. Noko palamandikan ia nolagamo kami. Ia notatae, “De to Utu-utus mongoa'i aku totu-totu'u pinalesayamo hi Tumpu Yesus, imbo'mo da sonsoo' i laiganku.” Lantas ia sabole-bole nompoita kami da otuluti na pongka'oho'nyo.

SISIKON NU TO RASUL-RASUL 16:34

Lapas aijo' ia nomboa i Paulus ka' i Silas nokiijo' i laigannyo ka' nombee'i nongkaan aha. Ia ka' iwi-iwi' to Utu-utusnyo sinanangmo hondo kalana aha uuka aiya pinalesayamo hi Tumpu.

SISIKON NU TO RASUL-RASUL 18:8

Panyo i Krispus anu mongkapalai laigan pogalejaan aijo' tiba iwi-iwi' na potoutusannyo pinalesayamo hi Tumpu Yesus. Ka' da'isan suele na to mia-mian nu Korintus sangga'atannyo nohongomo lele anu pinotokakon i Paulus, ka' aha pinalesayamo hi Yesus lantas pinalamandikanmo.

SISIKON NU TO RASUL-RASUL 2:39

Kalana anu jinanji'mo nu Tumpu aijo' bau bagi miu tiba lee' miu, tiba bau bagi nu to mia-mian anu daagi' kiijo' mae i tampat-tampat anu majo'on – aijo'mo iwi-iwi' na mian anu i laga nu Tumpu Tumpunto da toka hi Ia.”