YOHANES 4:46 - KITAB NU TUMPU ALLA LELE MA'IMAI'

⁴⁶ Lapas aijo' i Yesus ninsusule'mo i Kana i tano' nu Galilea, kiijo' mae Ia toho'mo nongabali' uee tinimbali anggur. I kota kiijo' daagi' ko samian anu ko pangkat bakalaja i pamalentah, anaknyo hau-haunyo masakit kiijo' i Kapernaum.

YOHANES 4:46 ပူးပေါင်းရင်းမြစ်များ

MAZMUR 50:15

Pongkakase mae hi Beleng-Ku de nu tokaimo nu kasusa'an, Aku mompobebasmo belemiu, ka' opuji'mo nu belemiu na Aku.”

MAZMUR 78:34

De Tumpu nompateimo pa' aha sangkuka na aha, sangga'at mompele-pele'mo ka' po'ule'mo balatobat hi Ia.

HOSEA 5:15

Mian-Ku anu palesayamo Ku pala'imo sampe aha talalomo hondo sansala kalana iwi-iwi' na dosa'nu aha lantas aha molioje Aku. Ku gantang i unoje nu kasusa'an nu aha, aha pagalaje molio Aku.”

MATIUS 15:22

Samian na boune nu Kana'an lengkat mae i da'erah aijo', tinoka hi Yesus ka' nolo-noloboo', “Anak i Daud, kalibosi na aku! Anakku boune pininsoopanmo nu roh ma'idek. Ka'ada'annyo masakit hondo.”

MATIUS 4:13

Ia nompala'imo Nazaret, lantas jinojoongmo i Kapernaum i biwi nu Dowiwi Galilea i tano' nu Zebulon tiba Naftali.

MATIUS 9:18

Hau-haunyo i Yesus notatae hi anu saja' mombatuki Yohanes anu Mompalamandikan, tinokamo na samian anu monjagai laigan pogalejaan. Ia tinolodadupu i ahop hi Yesus ka' notatae, “Anakku boune sala'je sinilaka. Panyo de timbali toka mae kanyangakon, da ia po'ule' tumuu'.”

LUKAS 4:23

Lantas i Yesus notatae hi aha, “Tantu komiu mompake kantuang aiya hi beleng-Ku, ‘Dokoten posi opa'alin na butong-Um. Anu okabangangi i hongomo mami binauum i Kapernaum, soba baumo i posi kampung-Um.’ ”

LUKAS 7:2

I kiijo' daagi' ko suludadu nu Roma anu ko posaihonnyo, anu talalo nu kalibosi. Posaihonnyo aijo' masakit, me ise-ise' sinilakamo.

LUKAS 8:42

kalana samba-sambatunyomo na anaknyo boune umunnyo sampulu'mo ohua' na taun, me ise-ise' sinilakamo. Hau-haunyo i Yesus laja-lajang mokiijo' i laigan i Yairus, to mia-mian nogogensotanmo mokiijo' hi Ia anu lengkat iyayamae.

YOHANES 2:12

Lapas aijo' i Yesus nambamo i Kapernaum tiba tina-Nyo, to utu-utus-Nyo, ka' anu saja' mombatuki Ia. Aha jinojoong kiijo' mae tino pia-piansinaamo na kopinnyo.

YOHANES 21:2

Ko sansinaan i Simon Petrus, i Tomas anu osanggohi Hapi, i Natanael lengkat mae i Kana i tano' Galilea, ana-anak i Zebedeus, ka' ua'aha na anu saja' mombatuki Yesus sangga'at hau-haunyo sinilimu'mo.

YOSUA 19:28

Ebron, Rehob, Hamon, tiba Kana, kojo'onnyo toka-toka i Sidon.