YOHANES 4:36 - KITAB NU TUMPU ALLA LELE MA'IMAI'

³⁶ Mian anu mompadak montampu'unimo montalima tamboonyo, ka' molimu' hasinnyo da bau kantumuu'an anu talakana' sampe toka sidu-sidutu'. Sahingga mian anu montugan tiba mian anu mompadak timbali mongoa'i kasanangan hingga-hinggat.

YOHANES 4:36 ပူးပေါင်းရင်းမြစ်များ

AMSAL 11:18

Ka'untungan nu mian anu ma'idek na kinyonyoanyo madi' totu'u; panyo ka'untungan nu mian anu mombau anu ma'ima' aijo'mo na ka'untungan anu memang sahondo-hondonyo ahi'.

AMSAL 11:30

Mian anu palesaya totu-totu'u saidi' mae mohumpakmo kantumuu'an ma'ima; mian anu pande mintuang na anu mombatuki.

DANIEL 12:3

To pola-polaya' anu to pande-pande jongkilabanmo susumo jingka nu langit. Ka' mule' aha anu nongajanmo manjoo' na mian da mombau apaa na anu ma'ima' tiba anu adin, majingkamo susumo to manda-mandala' sampe toka sidu-sidutu'.”

MATIUS 19:29

Ka' batu-batu mian anu nompala'imo laigan, kabai utus mo'ane, kabai utus boune, kabai tina tuuma, kabai to ana-anak, kabai ale', kalana Aku, mian aijo' montalimaje mule' pinsa'atu lipat. Ka' ia montalimaje mule' kantumuu'an anu talakana' ka' sampe toka sidu-sidutu'.

YOHANES 3:36

Mian anu palesaya hi Anak aijo' tionyo mohumpak kantumuu'an talakana' ka' toka sidu-sidutu'. Panyo mian anu madi' montapali Anak aijo', madi' mohumpak kantumuu'an. Ia ohukum nu Tumpu sidu-sidutu'.

YOHANES 4:14

“panyo mian anu monginum uee anu Ku bee', madi'mo daagi' megot sidu-sidutu'. Kalana uee anu Ku bee' aijo' timbalimo mata nu uee i uno nu butongnyo anu mo'ili mosabat ka' mombee'i ia kantumuu'an talakana' sampe toka sidu-sidutu'.”

YOHANES 5:24

Totu-totu'u hondo na anu Kutaloakon aiya; mian anu mongintomakon potataeng-Ku, ka' palesaya hi Ia anu nonsai mae Aku, ko kantumuu'an anu talakana' ka' toka sidu-sidutu'. Ia madi' o hukum, ia nolapasmo lengkat i kapatean ka' nohumpakmo kantumuu'an.

ROMA 1:13

To Utu-utusku! Ku indi da osumbu' miu taalu' saja'mo na aku mompai kahanda'i montoa komiu, panyo saja' ko anu monsalempodi. Ku indi da itina' hi komiu suele kalajangku ko hasinnyo susumo kalajangku anu kinohasinnyomo hi to mia-mian anu misa' Yahudi i tampat-tampat sangga'at.

ROMA 2:7

Tumpu mombee'i kantumuu'an kopian ka' sidu-sidutu' hi aha anu sabaan mombau anu ma'ima' da pohumpakan anu ko angga'nyo, anu opopodaka' ka' toka sidu-sidutu'.

ROMA 6:22

Panyo uuka aiya komiu pinobebasmo i dosa', ka' tinimbalimo posaihon nu Tumpu. Ka'untunganum aijo'mo kita Utus tumuu' matungka' bagi nu Tumpu ka' han aijo' mohasinakon tumuu' kopian ka' toka sidu-sidutu'.

ROMA 6:23

Kalana kapatean aijo' tambo nu dosa'; panyo tumuu' kopian ka' toka sidu-sidutu' tiba i Kristus Yesus Tumpunto, aijo'mo tajuu anu i halala'akonmo nu Tumpu.

1 KORINTUS 9:17

Bisuannyo aku mompojalan kalaja aijo' ola posi kahanda'ku, tantu aku timbali montaha'imani da mohumpak tambo. Panyo aku mompolele Lele Ma'ima' aijo' ola ahi' kalana pinokaumo nu Tumpu Allah da mompojalan kalaja aijo'.

1 KORINTUS 9:18

Desumo aijo', tambongku apaa? Aiya na tambonyo: aijo'mo aku moko ala mompolele Lele Ma'ima' aijo' madi' pilenje mompiboati samian pe'e da mongongkosi aku, kalana aku madi' mompagala momoita te hak ku salaku anu mompolele Lele Ma'ima' aijo'.

1 TESALONIKA 2:19

Komiumo na anu otaha'imani mami ka' okalame'akon mami. Kalana de Tumpu Yesus tokamo, ka' kita mangadapmo hi Ia, saba' komiumo na anu timbali obuulakon mami!

1 TIMOTIUS 4:16

Ojagai na butongum ka' ojagai mule' na pangajalanum. Tionyo ahi' beleyum saja' mombau iwi-iwi' aijo', kalana tiba jalan anu sumo aijo' beleyum momposalamatmo mau posi butongum mau mule' to mia-mian anu mohongomo beleyum.