YOHANES 4:25 - KITAB NU TUMPU ALLA LELE MA'IMAI'

²⁵ Boune aijo' notatae hi Yesus, “Kusumbu' Tomundo anu Momposalamat (anu osanggohi Kristus) tokaje mae. De Ia tokamo iwi-iwi' na apa-apaa nu poto'ije hi kita.”

YOHANES 4:25 ပူးပေါင်းရင်းမြစ်များ

MATIUS 27:17

Jadi, tempo'nyo mian da'isan sinilimu'mo, i Pilatus nompokilawamo hi aha, “Ihe na anu oka'oho' miu, da ku lapasakon hi komiu? I Yesus Barabas kabai i Yesus anu osanggohi i Kristus?”

MATIUS 27:22

“Desumo aitu, apaa na kubau hi Yesus anu osanggohi Kristus?” i Pilatus nompokilawa hi aha. “Salibmo na Ia!” tinaaman nu aha iwi-iwi'.

LUKAS 2:11

Sinaa aiya i kota Daud i hampemo na Tomundo anu Momposalamat komiu, aijo'mo i Kristus, Tumpu.

YOHANES 1:49

“Kita Tuumangku Gulu',” na koonyo i Natanael, “Kita Tuuma Anak nu Tumpu! Kitamo Tuuma na Tomundo bansa nu Israel!”

YOHANES 4:29

“Imbo', mamba toa na mian anu nompoto'i hi belengku iwi-iwi' na anu toho'mo binaungku. Ugaat Iamo ai-aijo' na Tomundo anu Momposalamat?”

YOHANES 4:39

Da'isan na mian nu Samaria anu jojoong i kota aijo' pinalesayamo hi Yesus, kalana boune aijo' notatae, “Ia nontaloakonmo hi belengku iwi-iwi' na anu toho'mo binaungku.”

YOHANES 4:42

Aha notatae hi boune aijo', “Kami palesayamo uuka aiya, misa' ola kalana apaa na anu tinaloakonmo nu beleyum hi kami, panyo kalana posi ihongomo mami na Ia, ka' nonsumbu'mo taalu' memang Ia anu Momposalamat dunia.”