YOHANES 4:23 - KITAB NU TUMPU ALLA LELE MA'IMAI'

²³ Panyo tokaje na tempo'nyo, ka' memang tinokamo kalana Roh-je nu Tumpu na mongkuasai sahingga to mia-mian monsombah Tuuma salaku Tumpu anu totu-totu'u susumo anu nunu kahanda'i nu Tuuma.

YOHANES 4:23 ပူးပေါင်းရင်းမြစ်များ

1 TAWARIKH 29:17

Ku sumbu' toto samian o uji' nu Belento na kinyonyoanyo ka' oka'ima'i nu Belento na kinyonyoa nu mian anu lomas. Tiba kinyonyoa sanang ka' sahondo-hondonyo ku sombahkonmo na iwi-iwi' aiya hi belento. Tinoangkumo mosia na mian anu pinalesayamo hi belento anu sinilimu'mo i aiya nomboa mae anu nu sombahkon nu aha hi belento, kinyonyoa nu aha sanang hondo.

MAZMUR 147:11

Tumpu sanang hi mian anu tulu-tulutan, hi mian anu sabole-boleh montaha'imani kalibosan-Nyo mae.

MAZMUR 17:1

Do'a i Daud. Potombihingakon mae na anu ku poita aiya mongkakase ka'adilan, tutugiakon mae na do'angku aiya anu sahondo-hondonyo, o Tumpu.

MAZMUR 32:2

Mohumpak ka'ima'an na kantumuu'an nu mian anu palabuatannyo ma'i-ma'idek madi'mo nu palahatikan nu Tumpu ka' suele anu madi' ka'oho' mongakali.

MAZMUR 51:6

Hi Belentomo, hi Belentomo na binaladosa'anku, ka' binaungkumo na anu nu anggap nu Belento ma'idek. Sahingga konanyomo ahi' na Belento mohukumo mae aku, adin memang na kaputusan nu Belento.

AMSAL 15:8

Tumpu montalima do'a nu mian anu manonong; panyo Ia mongka'ideki palasombahan nu mian anu ma'idek na kinyonyoanyo.

NYANYIAN ANU TALASANGGO 2:14

O malapati'ku anu i olo-olot nu batu, patisulukannyo ikeles anu matungebe, de timbali da aku montoa ohup nu beleyum, ka' mohongo potatae nu beleyum, kalana ohup nu beleyum handa hondo, potatae nu beleyum suele ma'ima' hondo.

YESAYA 10:20

Tempo'nyo tokamo saidi' mae, tuha' nu bansa Israel anu madi' pinatean madi'mo daagi' saja' montaha'imani kantumuu'annyo hi bansa anu balakuasa anu me ise-ise' nompateimo aha, panyo hi Tumpumo ahi nu aha Israel anu susi'.

YESAYA 29:13

Tumpu motataemo, “Mian haha aijo' ola monsombah Aku nu potatae nu aha panyo kinyonyoa nu aha na majo'on ahi' hi beleng-Ku. Agama nu aha ola atulan nu manusia anu opokihapan.

YESAYA 43:21

Ahamo na bansa anu pinojading-Kumo da mombau anu Ku palentahkon, da timbali mombebakon anu bau pompuji' Aku.”

YESAYA 58:2

Aha monsombah Aku sansina-sinaa, ka' mongka'ima'i monsumbu' kahanda'-Ku da kokoonyo aha nombaumo anu ma'ima', ka' nontulutimo atulan-Ku. Aha notatae, tukoonyo nu aha sanang hondo na aha monsombah Aku ka' mongka'ima'i atulan-Ku anu adin.”

YEREMIA 3:10

Salatan nombaumo iwi-iwi' aijo' Yehuda anu madi'mo tinulu-tulutan aijo' ninsusule'mo mae hi beleng-Ku, panyo ola ahi' nimpula-pula kalana kinyonyoanyo madi' ahi' sahondo-hondonyo. Aku, Tumpu notataemo.”

YEREMIA 4:2

De belemiu basumpa' i uno nu sanggong-Ku ka' belemiu tumuu' ahi' sahondo-hondonyo, adin ka' madi' mombau kasala'an, saba' iwi-iwi' na bansa momoitamo mae hi belengku da Ku balakati na aha, ka' aha mompuji'mo mae Aku.”

YEHEZKIEL 22:30

Aijo' hi aha mian nu Israel haha aijo' Ku lio na mian anu timbali mompotinjo pagan mesen kabai tuminjo itampat-tampat anu ko anumo nohobo' na pagan nyo mesen da timbali montinjohakon lipu' aijo' de aku mohansunimo kalana Aku talalomo notambuha'; panyo mau samian madi' ahi' ko anu kinabot-Ku.

YOHANES 1:17

Atulan nu Tumpu otalimanto hi Musa. Panyo liibos ka' kanonongan nu Tumpu pinonyata'-Nyomo hi Yesus Kristus.

YOHANES 12:23

I Yesus notatae hi aha, “Tempo'nyomo Anak nu Mian opopodaka'.

YOHANES 16:2

Komiu osabatakon i laigan anu saja-saja' pogalejaan. Ka' tokaje na tempo'nyo saba' mian anu mompatei komiu tukoonyo ia mombau anu nu palentahkon nu Tumpu.

YOHANES 16:32

O'inau'! Tempo'nyo tokaje mae, aitu pe'e tinokamo, komiu oposungkehetmo. Komiu minsusule' i posi laigan ka' mompala'i Aku sausa'. Panyo Aku madi' posi sausa', kalana Tuuma na mosangalu ka' Aku.

YOHANES 4:21

“Palesayamo,” na koonyo i Yesus hi ia, “tokaje na tempo'nyo mian monsombah Tuuma, misa'mo i bungkutnyo aiya, ka' misa' mule' i Yerusalem.

YOHANES 5:25

Palesayamo: Tokaje na tempo'nyo – aitu pe'e tinokamo na tempo'nyo – mian mate mohongo potatae nu Anak nu Tumpu. Ka' mian anu mohongo Ia tumuu'.

YOHANES 5:28

Boli komiu bangang na mohongo han aiya, kalana tokaje na tempo'nyo saba' iwi-iwi' na mian anu natemo mohongo potatae-Nyo,

ROMA 1:9

Aku saja' monginau' komiu de aku balado'a. Tumpu na nonsakisi apaa na anu tinaloakonkumo aijo' memang totu'u. Iamo na Tumpu anu kuku hongo-hongo buke-buke' na kinyonyoangku, aijo'mo mompolele Lele Ma'ima' mongkona Anak-Nyo.

ROMA 8:15

Kalana Roh nu nubee' nu Tumpu hi komiu, madi' monsaduakon komiu timbali botuan, sahingga komiu tumuu' i uno nu kabuhukan. Ola o, Roh nu Tumpu aijo' mompotimbali komiu to ana-anak nu Tumpu. Ka' kalana kuasa nu Roh nu Tumpu aijo', kita molaga Tumpu aijo', “Tuuma, o Tuumangku!”

ROMA 8:26

Sumo aitumo na Roh nu Tumpu toka montulungi kita de kita madi' mahoson. Kalana madi' osumbu'to mosia na tionyo kita balado'a; posi Roh aijo' na mangadap hi Tumpu mompoita kon apa-apaa na anu opalaluinto, kalana kapalaluan anu talalomo manjoo', sahingga madi'mo opoko taloakon.

GALATIA 4:6

Kalana komiu to ana-anakmo nu Tumpu, Tumpu nonsaimo mae Roh nu Anak-Nyo da minsoop i uno nu kinyonyoa nu kita Utus ka' i kinyonyoangku, aijo'mo Roh anu notatae, “Tuuma, o, Tuumangku.”

EFESUS 6:18

Bau na iwi-iwi' aijo' ka' balado'a salaku pompoita tulung hi Tumpu. Iwi-iwi' na kasampatan tionyo balado'a susumo anu pinotiju'mo nu Roh nu Tumpu hi komiu. Tionyo ahi' komiu saja' mogogau' ka' boli mangaku matundu'mo. Saja' odo'akon na mian iwi-iwi' anu palesayamo hi Tumpu.

FILIPI 3:3

Padahan kitamo na to mia-mian anu nontalimamo sunat anu totu-totu'u misa' aha. Kita monsombah Tumpu posi Roh nu Tumpu na nompotuka', ka' kita montalima kase kalana kita tumuu' nosa'ngu'mo tiba i Kristus Yesus. Kita madi' taha'iman i to ada-adat anu ola mombatuki kabiasa'an nu dunia.

YOSUA 24:14

“Jadi, uuka aiya,” koonyo mule' i Yosua, “o'adati na Tumpu. Opalesaya ka' o hongo-hongo na Ia nu kinyonyoa anu totu-totu'u ka' boli panggaga. Bolimo mompalesaya to pilo-pilogot sangga'at anu sinombah nu mompolee' miu naipuan mae tempo'nyo i Mesopotamia ka' i Mesir. Anu opalesaya ka' o hongo-hongo ola samata-mata Tumpu.

1 PETRUS 2:9

Panyo belemiu bansa anu pinile'anmo, to ima-imam anu mohongo ka' mombau palentah nu tomundo, bansa anu susi' matungka' bau kapentingan nu Tumpu, mian anu nu Tumpu. Tumpu Allah nompile'imo belemiu ka' nolagamo belemiu nosabat mompala'i mae kapintungan da minsoop i uno nu jingka-Nyo anu lonyingkaban, kahanda'nyo da belemiu mombebakon lele mongkona apa-apaa na anu binau-Nyomo anu madi' opoko lingkudui.

1 SAMUEL 12:24

O adati na Tumpu ka' otuluti na Ia, ka' ohongo-hongo ka' okinyonyoai ahi' nu belemiu totu-totu'u. Sabole-bole o inau' na hahan anu daka' anu binaumo nu Tumpu hi belemiu.