YOHANES 4:20 - KITAB NU TUMPU ALLA LELE MA'IMAI'

²⁰ “Mompolee' mami monsombah Tumpu i bungkutnyo aiya, panyo bansanto Tuan montaloakon ola i Yerusalem na tampatnyo mian monsombah Tumpu.”

YOHANES 4:20 ပူးပေါင်းရင်းမြစ်များ

1 TOMU-TOMUNDO' 9:3

Tumpu nompoto'i hi ia, “Do'a nu beleyum i hongong-Kumo ka' tiba jalan aiya Laigan anu binaumo nu beleyum aiya, uuka aiya Ku poto'imo timbalimo tampat samata-mata bau ponsomban Aku sampe toka sidu-sidutu'. Saja'mo-Ku toa ka' Ku jagai na tampat aiya.

1 TAWARIKH 21:26

Lapas atu i Tomundo' Daud nompotinjomo saangu na mezbah hi Tumpu, ka nom-palasombahkan koloban anu opotunu ka koloban pompodame lapas aijo binala do'amu na i Tomundo' Daud, do'anyo aijo tinaman nu Tumpu tiba adu anu tinudun lengkat i langit nompapui koloban-koloban ata i mezbah aijo.

1 TAWARIKH 22:1

Sahingga notataemo na i Daud, “I tampatmo aiya na tionyo ahi pompopontinjoan Laigan nu Tumpu Allah. Ka' i Mezbahmo aiya na mian nu Israel tionyo ahi' monsombahkon koloban nu aha hi Tumpu.”

2 TAWARIKH 7:12

Tumpu po'ule' mule' nanintoa hi ia pihi-pihi. Tumpu notataemo hi ia, “Do'a nu beleyum i hongongkumo ka' Ku alamo na laigan aiya salaku tampat anu samata-mata bau ponsombahkonan koloban hi belengku.

2 TAWARIKH 7:16

Iwi-iwi' aijo' tionyo ahi ku bau kalana tampat aiya pinile'an-Kumo ka' tinantukan-Kumo bau samata-mata timbali tampat ponsomban Aku sampe toka sidu-sidutu'. Aku sabole-bole mompalahatikan ka' monjagai sampe toka sidu-sidutu'.

MAZMUR 132:13

Kalana Tumpu nompile'imo Sion; Ia mongkahanda'i tampat bau kajojoongan-Nyo.

MAZMUR 78:68

Anu pinile'an-Nyo aijo'mo tulunan nu bansa i Yehuda, ka' Puge'nyo nu Sion anu kina'ima'an-Nyomo.

YESAYA 66:1

Tumpu notatae, “Langit atina'mo na kajojoongan-Ku, ka' tano' katinjoan nu tengkeng-Ku. Jadi laigan anu mosia na anu nu bauakon hi beleng-Ku, ka' tampat iya mae na pombauan nu beleyum bau jojoongan-Ku?

LUKAS 9:53

Panyo to mia-mian i kampung aijo' madi' mongka'oho' montalima i Yesus, kalana i nyata'mo taalu' Ia hau-haunyomo kiijo'mo i Yerusalem.

YOHANES 4:12

I Yakub, tuuma nu mompolee' mami, na nombee' bubung aiya hi kami. Ia mongala uee anu o inum i aiya; sumo aitu mule' na to ana-anaknyo tiba to bina-binatang potuu'onnyo. Te osangkanto Tuan, i Tuan lebe daka' molingkudui Yakub?”

PO'ULE' INGULIT 11:29

De nuboamo nu Tumpu Allah nu belemiu na belemiu minsoop i lipu' anu saidi' mae ojojoongimo nu belemiu, balakat aijo' tionyo aha otaloakon nu belemiu aita' mae i Bungkutnyo nu Gerizim ka' kutuk aijo' aita' mae i Bungkutnyo nu Ebal. (

PO'ULE' INGULIT 27:12

“De belemiu moko potaapmo i Kaunyo nu Yordan, tulunan nu bansa Simeon, Lewi, Yehuda, Isakhar, Yusuf ka' Benyamin tionyo ahi' tuminjo aita' i Bungkutnyo nu Gerizim de otaloakonmo na balakat hi bansa aiya.