YOHANES 4:10 - KITAB NU TUMPU ALLA LELE MA'IMAI'

¹⁰ I Yesus nontaami, “De beleyum monsumbu' apaa na anu nubee' nu Tumpu ka' ihe na mompoita monginum hi beleyum tantu beleyum na momoita monginum hi Ia, ka' Ia tionyo mombee'i beleyum uee kantumuu'an.”

YOHANES 4:10 ပူးပေါင်းရင်းမြစ်များ

MAZMUR 10:17

O, Tumpu Belento nohongomo do'a nu mian anu madi' mingkaliangan na kantumuu'annyo ka' nompohosonmo kinyonyoa nu aha.

MAZMUR 46:4

maumo ahi' ambai motomuhukmo ka' mule' bokolonmo ka' puge'nyo iwi-iwi' gayu'anmo kalana hosonnyo nu bokon.

NOSABATMO 17:6

Aku tuminjoje i ahop nu beleyum aita' i batu anu daka' i Bungkutnyo nu Sinai. Sapahi na batu aijo' da uee mosabat sahingga to mia-mian timbalimo monginum.” I Musa nombaumo sumo aijo' sinakisian nu to pola-polaya' nu aha mian Israel.

NYANYIAN ANU TALASANGGO 4:15

Mata nu uee i ale'ku molubatakon uee kantumuu'an anu mo ilii mae lengkat i Libanon!

YESAYA 12:3

Susumo uee lop momposanang kinyonyoa nu mian anu negotmo, sumo aijo'mo na belemiu lame'mo kalana nu posalamatmo nu Tumpu.”

YESAYA 35:6

Mian anu kinapi'mo maha lumpatanmo susumo jonga, mian anu imomo'mo lewa'mo molo ais kalana ilame'mo. Kalana mata nu uee lubatmo ipadang tampat anu mateges, kaunyo mo ilimo ipadang tampat anu ewa.

YESAYA 42:6

“Aku, Tumpu nolagamo ka' nombee'imo pakalaja'an beleyum da mompojalanmo ka adilan. Beleyum Lewa'mo Ku pangajali ka' mule' Ku potuu'mo da baumo palajanjian hi aha mian ka' mule' baumo jingka hi aha iwi-iwi' na bansa.

YESAYA 43:20

Binatang anu ma'ela' moholomatimo Aku; serigala tiba tomonsi' unta mompuji'mo Aku, kalana Aku nompojalanmo uee i padang tampat anu mateges, ka' kaunyo i padang tampat anu ewa, da bau pompo inumi mian anu pinile'an-Kumo.

YESAYA 44:3

Kalana Ku bulokakonmo mae na ujan aiya itano' anu notismo, ka' nompojalanmo kaunyo itano' anu nategesmo. Ku bee'mo na kakuasa'an-Ku hi lee' nu beleyum, ka' mombalakatimo makumpu nu beleyum.

YESAYA 49:10

Aha madi'mo megot ka' mo'ohop, ka' madi'mo nu kona nu singit ipadang tampat anu mateges. Kalana Tumpu mongkalibosimo aha ka' mompotiju'mo aha, ka' montaka'mo mamba i mata nu uee.

YESAYA 9:6

Ia mompalentah salaku tomundo' lee' mae i Daud, kakuasa'annyo daka' hondo. Lipu'nyo saja'mo dame ka' mohumpakmo kantumuu'an ma'ima'; pamalentahannyo montoongi atulan tiba ka'adilan mulai uuka aiya sampe toka sidu-sidutu'. Tumpu Anu Daka' na Kuasanyo na tionyo mombau aijo'.

YEREMIA 2:13

Mian anu palesayamo hi belengku nombaumo ohua' na ngahan nu dosa': aha nohikumo mae Aku, mata nu uee anu mombee'i kantumuu'an hi manusia; aha nombaumo kolam nu butong nu aha, kolam anu losut madi' moko ala montahan ueenyo.”

YEHEZKIEL 16:35

O, Yerusalem, anu saja' masala', potombihing mae apaa na anu tinaloakonmo nu Tumpu Anu Matangkas na Kuasanyo, “Beleyum nongukatmo baju' nu beleyum, ka' salaku mian anu saja' masala' binee'mo nu beleyum na butong nu beleyum hi to sinta-sinta nu beleyum tiba hi to pilo-pilogot nu beleyum anu okahegati aijo'. To ana-anak nu beleyum pinateanmo nu beleyum ka' kinolobanakonmo nu beleyum hi pilogot haha aijo'.

ZAKHARIA 13:1

Tumpu Anu Daka' na Kuasanyo notatae, “I sinaa aijo' mimpusesemo mae sa'angu' na mata nu uee da momposusi' lee' mae i Daud tiba mian anu jojoong i Yerusalem da madi'mo baladosa' ka' mule' palasombahan hi pilogot anu lewa-lewa'mo binau nu aha.

ZAKHARIA 14:8

I sinaa aijo' uee anu molino hondo mo ilimo mae lengkat i Yerusalem; sambagian na ueenyo mo ili mamba i Ambai Mate ka' sambagian mule' mamba i Ambai anu i Totonga'nyo. Uee aijo' mo ili motau-taun na kopinnyo mau i tempo'nu ehua mau i tempo' nu posinaa.

LUKAS 11:13

Mau mule' komiu ma'idek, komiu ahi' monsumbu' mombee' anu ma'ima' hi anakum. Apaa mule' Tuuma i suluga'! Ia mombee' Roh-Nyo hi aha anu momoita hi Ia!”

YOHANES 16:3

Aha mombau sumo aijo' hi komiu kalana aha ma'isa monsumbu' Tuuma tiba suele Aku.

YOHANES 17:3

Aiyamo na kantumuu'an kopian ka' toka sidu-sidutu'; da mian monsumbu' kita Tuuma, ola sa'a-sa'angu'nyomo na Tumpu anu totu'u, ka' monsumbu' i Yesus Kristus anu sinai mae nu kita Tuuma.

YOHANES 3:16

Kalana sumo aitu na Tumpu mongkalibosi mian i dunia aiya, sahingga Ia nombee' Anak-Nyo samba-sambatunyo da ihehe na mian anu palesaya hi Ia madi' mohumpak ka'idekan, panyo mohumpak kantumuu'an talakana' ka' sampe toka sidu-sidutu'.

YOHANES 4:14

“panyo mian anu monginum uee anu Ku bee', madi'mo daagi' megot sidu-sidutu'. Kalana uee anu Ku bee' aijo' timbalimo mata nu uee i uno nu butongnyo anu mo'ili mosabat ka' mombee'i ia kantumuu'an talakana' sampe toka sidu-sidutu'.”

YOHANES 6:35

“Akumo na roti anu mombee'i kantumuu'an,” tukoonyo i Yesus hi aha. “Mian anu toka hi beleng-Ku madi'mo mompo'ule' mo'ohop sidu-sidutu'. Ka' anu palesaya hi beleng-Ku madi'mo mompo'ule' megot sidu-sidutu'.

YOHANES 6:51

Akumo na roti nintatau' mae lengkat i suluga' – roti anu mombee'i kantumuu'an. Mian anu mongkaan roti aiya tumuu' sidu-sidutu'. Roti anu Kubee' da bau kantumuu'an nu mian i dunia aijo'mo butong-Ku.”

SISIKON NU TO RASUL-RASUL 9:11

Tumpu notatae, “Donganmo mamba uuka aiya. Lako'mo mokiijo' hi laigan i Yudas i Jalan anu Hodi'. Pokilawa kiijo' mae hi mian anu sanggonyo i Saulus nolengkat mae i kota Tarsus. Mian aijo' hau-haunyo balado'a,

ROMA 8:32

Posi Anak-Nyo madi kinalibosan-Nyo, panyo binee'-Nyo bau kapentingan nu kita iwi-iwi'; te madi' mule' Ia mombee' hi kita anu sasangga'atannyo?

1 KORINTUS 1:30

Posi Tumpu na nompotimbali sahingga kita Utus nosa'angu' tiba i Kristus Yesus. Ola kalana i Kristus, sahingga kita pinotimbali pande. Ka' mule' ola kalana Ia, Tumpu nompotimbalimo kita po'ule' nompaha ima' tiba butong-Nyo, nompotimbali kita samata-mata mian-Nyo anu palesayamo, ka' nompobebas kita.

1 KORINTUS 10:4

ka' nonginum inumon nu Tumpu bubuu' pokakana. Aha iwi-iwi' nonginumo i bungkutnyo nu batu rohani anu nonsangaluimo aha; bungkutnyo nu batu aijo', atina'mo i Kristus.

2 KORINTUS 9:15

Tionyo ahi' kita montalima kase hi Tumpu kalana anu binee'-Nyomo aijo' madi' ko gampanyo!

EFESUS 2:8

Tumpu mongkalibosi komiu, aijo' na sababnyo Ia momposalamat komiu kalana komiu pinalesayamo hi Yesus. Kasalamatan miu atina' misa' posi hasin nu usaha miu. Aijo' te balakat nu Tumpu. Jadi, madi' ko samian pe'e na anu timbali mongkabubuulakon posi butongnyo mongkona han aijo'.

IBRANI 6:4

Kalana daagi' ko to mia-mian anu noteba'mo, madi'mo opoko ala, po'ule' o ajan. Aha naipuan mae jinojoongmo i uno nu jingka anu no lengkat mae hi Tumpu, ka' nongoa'imo anu binee'-Nyomo. Aha mule' suele kinuasanmo nu Roh nu Tumpu.

1 YOHANES 5:20

Osumbu'to saba' Anak nu Tumpu tinokamo ka' nompopangalati'mo kita, da kita monsumbu' Tumpu anu totu'u. Kita tumuu' nosa'angu'mo tiba Tumpu anu totu'u, ka' tumuu' mosa'angu'mo tiba Anak-Nyo i Yesus Kristus. Aiyamo na Tumpu anu totu'u, ka' aiyamo na kantumuu'an anu kopian ka' sampe toka sidu-sidutu'.

ANU PINOTO'I HI YOHANES 21:6

Lantas Ia notataemo, “Ilapasmo! Akumo na anu momonanyo, ka' anu imihinyo; Akumo na Tumpu lengkat pe'e Momonanyo toka-toka Imihinyo. Batu-batu mian anu megot, Ku po'inumije madi' pilenje o'oli i mata nu uee anu mombee'i kantumuu'an.

ANU PINOTO'I HI YOHANES 22:17

Roh nu Tumpu ka' Boting Boune aijo' notatae, “Imbo'mo!” Ihe na mian anu mohongo aiya, tionyo suele motatae, “Imbo'mo!” Ihe na anu megot, tionyo ia toka! Ka' ihe na anu mongkamilui, tionyo ia mongala uee anu mombee'i kantumuu'an aijo' madi' opai oli.

ANU PINOTO'I HI YOHANES 7:17

kalana Anak nu Domba anu sinumuhang i totonga'nyo aijo' timbalimo bau polaya' nu aha. Ia na molaya' aha mokiijo' i mata nu uee anu mombee'i kantumuu'an. Ka' Tumpu na mongambu'ije iwi-iwi' na lolu' nu aha.”