YOHANES 3:35 - KITAB NU TUMPU ALLA LELE MA'IMAI'

³⁵ Tuuma mongkalibosi Anak-Nyo, ka' nombee'mo iwi-iwi' na kuasa hi Ia.

YOHANES 3:35 ပူးပေါင်းရင်းမြစ်များ

KAJADIAN 41:44

Notatae na i tomundo hi ia, “Aku na tomundo – ka' ku poto'i saba' de misa' kaloasan lengkat hi beleyum, madi' ko samian pe'e i songko-songko na Mesir, timbali mombau apa-apaa.”

KAJADIAN 41:55

Salatan Layat nu Mesir nontampu'unimo sinusa' i anu okaan, aha nompoitamo anu okaan hi tomundo. Lantas i tomundo nompalentahmo aha namba hi Yusuf da montuluti iwi-iwi' apaa na anu nu palentahkon i Yusuf hi aha.

MAZMUR 2:8

Poitamo mae, saba' iwi-iwi' na bansa Ku bee'mo hi beleyum, ka' songko-songko na dunia Ku bee'mo beeyumo na tumpunyo.

AMSAL 8:30

Aku kiijo' isohipi'-Nyo salaku anak anu Nu kalibosi hondo. Sansina-sinaa aku saja' momposanang kinyonyoa-Nyo, saja' aku maha-mahaik i ahop-Nyo.

YESAYA 42:1

Tumpu notatae, “Aiyamo na posaihon-Ku anu Ku tinjohi, mian anu pinile'au-Kumo ka' mule' anu nomposanangmo kinyonyoang-Ku. Kuasang-Ku binee'-Kumo hi ia, da momboa ka adilan hi toto sa'angu' na bansa.

DANIEL 7:14

Ia binee'anmo kaholomatan tiba kakuasa'an salaku tomundo' sahingga to mia-mian anu i iwi-iwi na bansa tiba tulunan nu bansa ka' mule' basa' tunduk hi Ia. Kakuasa'an-Nyo pin sampe toka sidu-sidutu', ka' Ia mompalentah madi'mo daagi' opobelenti.

MATIUS 11:27

Lantas i Yesus notatae, “Iwi-iwi na apaa pinotalimamo nu Tuuma hi beleng-Ku. Madi' ko samian pe'e monsumbu' Anak, de misa' Tuuma. Madi' mule' ko anu monsumbu' Tuuma de misa' Anak, ka' to mia-mian maumo ihe na Anak aijo' monsisikakon Tuuma.

MATIUS 17:5

Hau-haunyo i Petrus daagi' motatae, sehu' anu majingka hondo nohohungimo aha, ka' lengkat i sehu' aijo' tolohongo na potatae anu nontaloakon, “Aiyamo na Anak-Ku anu Kuku kalibosi. Ia momposanang kinyonyoang-Ku. Hongo na Ia!”

MATIUS 28:18

I Yesus nongohani aha ka' notatae, “Iwi-iwi' na kuasa i suluga' ka' i dunia aiya binee'mo hi beleng-Ku.

MATIUS 3:17

Lapas aitu hongomo na potatae nu Tumpu nontaloakon, “Aiyamo na Anak-Ku anu Kuku kalibosi. Ia momposanang kinyonyoang-Ku.”

LUKAS 10:22

Iwi-iwi' na apa-apaa binee'mo nu Tuuma hi beleng-Ku. Madi' ko samian pe'e monsumbu' Anak, de misa' Tuuma. Madi' mule' suele ko anu monsumbu' Tuuma, de misa' Anak; ka' to mia-mian pa' hi he na anu nukahanda'i nu Anak aijo' pomposumbu'annyo Kita Tuuma.”

YOHANES 13:3

Sinumbu'mo i Yesus na Tuumanyo nombee'mo iwi-iwi' na kuasa hi Ia. Nusumbu' suele na Ia, lengkat mae hi Tumpu, ka' po'ule' minsusule' hi Tumpu.

YOHANES 15:9

Susumo Tuuma mongkalibosi Aku. Sumo aitumo na Aku mongkalibosi komiu. Tionyo komiu saja' tumuu' sumo mian anu Ku kalibosi.

YOHANES 17:2

Kita Tuuma nombee'mo kuasa mompalentah iwi-iwi' na mian hi Anak, da Ia mombee'i kantumuu'an kopian ka' toka sidu-sidutu' hi iwi-iwi' na mian anu binee'mo nu Tuuma hi Ia.

YOHANES 17:23

Aku tiba aha, ka' kita Tuuma tiba Aku, da aha totu-totu'u sa'a-sa'angu'. Sahingga dunia monsumbu' taalu' kita Tuuma na nonsai mae Aku, ka' taalu' kita Tuuma mongkalibosi aha, sumo kita Tuuma mongkalibosi Aku.

YOHANES 17:26

Aku nompoto'imo sanggo nu kita Tuuma hi aha; ka' saja' Kubau sumo aitu, da liibos nu kita Tuuma hi beleng-Ku tataap i uno nu kinyonyoa nu aha, ka' Aku mosa'angu' tiba aha.”

YOHANES 5:20

Kalana Tuuma mongkalibosi Anak, ka' mompotiju' hi Ia iwi-iwi' apaa na anu pinosi bau-Nyomo. Aitu pe'e Tuuma mompotiju'je hi Ia hahan anu lebe daka' mule', sahingga komiu bangang.

YOHANES 5:22

Posi Tuuma pe'e madi'mo momputusi hukuman mau mule' pa' hi he. Iwi-iwi' na kuasa momputusi hukuman binee'nyomo hi Anak-Nyo.

1 KORINTUS 15:27

I uno nu Kitab nu Tumpu tinulismo sumo uuka, “Tumpu Allah nompotimbalimo iwi-iwi na apaa natundu'mo hi Ia.” Nanasamo taalu' anu nu nupatui nu “iwi-iwi na apaa” aijo' madi' minsoop na Tumpu anu nombaumo iwi-iwi na aijo' matundu' hi Kristus.

EFESUS 1:22

Tumpu nompatundu'mo iwi-iwi' i aluk nu kakuasa'an i Kristus, ka' i Kristus binee'mo hi jama'at salaku mongkapalai iwi-iwi' na apaa.

IBRANI 1:2

Panyo tempo' uuka Ia basisik hi kita, Anak-Nyomo na mompotoka hi kita. Anak-Nyomo aiya na nombau pakalaja'an nu Tumpu nompotimbali dunia aiya songko-songko. Ka' suele Tumpu nontantukanmo tukoonyo Anak-Nyomo aiya na mohaki iwi-iwi'.

1 PETRUS 3:22

ka' noliba'mo i suluga'. Uuka aiya Ia mongkuasaimo hingga-hinggat tiba Tumpu ka' mompalentahmo malaikat iwi-iwi', iwi-iwi' anu ko kuasanyo tiba iwi-iwi' na anu mahoson.