YOHANES 3:34 - KITAB NU TUMPU ALLA LELE MA'IMAI'

³⁴ Kalana mian anu sinai nu Tumpu mompotokakon potatae nu Tumpu, kalana Roh nu Tumpu binee'mo hi Ia iwi-iwi'.

YOHANES 3:34 ပူးပေါင်းရင်းမြစ်များ

2 TOMU-TOMUNDO' 2:9

Salatan tinokamo aijo' mae i santoanyo, pinoto'imo i Elia hi Elisa, “Poitamo mae pa' apaa na anu nu kahanda'i hi belengku, da ma'isa pe'e nuhangkat nu Tumpu ka' mompala'imo beleyum!” Tinaaman i Elisa “Bee'mo mae na kuasa nu belento Tuumangku hi belengku, da aku moko ala mombolosakon belento Tuumangku.”

MAZMUR 45:7

Tumpu mombee'imo kuasa beleyum da mompalentahmo kakuasa'an nu beleyum pin hondo sampe toka sidu-sidutu'; beleyum adinmo na mompalentah layat nu beleyum.

YESAYA 59:21

Aku mombaumo palajanjian tiba belemiu: Kuasang-Ku Kubee'mo hi belemiu ka' ajalan-Ku sampe toka sidu-sidutu'. Ajanakon hi to ana-anak nu belemiu da aha mongajanakon suele i tulunan uuka aiya sampe toka sidu-sidutu'.”

IMAMAT 7:35

Kaanon anu sinombahkonmo hi Tumpu, aijo' na bahagian anu obee' hi Harun ka' hi to ana-anaknyo i sinaa aha binalakatanmo timbali imam.

NOMBILANGMO 11:25

Lantas Tumpu nintatau'mo mae i kundom ka' notataemo hi Musa. Tumpu nongalamo sambagian na kakuasa'an anu binee'-Nyomo hi Musa lantas binee'-Nyomo hi aha pitumpulu' na polaya' aijo'. Salatan Roh nu Tumpu aijo' nintatau'mo hi aha, nontampu'unimo na aha lewa' notatae susumo nabi, panyo madi' pinin.

MATIUS 12:18

“Aiyamo na anu pinile'an-Ku anu sinaing-Kumo, mian anu Ku kalibosi ka' anu kona i kinyonyoang-Ku. Roh-Ku, Kubee'je hi Ia, ka' ka'adilan-Ku Nu leleakonje hi to bansa-bansa.

LUKAS 4:18

“Roh nu Tumpu daagi' hi beleng-Ku, kalana Ia nohangkatmo Aku da mompolele Lele Ma'ima' hi mian kasiasi. Ia nompokau Aku da mompoto'iakon opobebasmo na mian anu i hakop ka' kapa'alinan nu mian mapisok; da bau pompobebas mian anu o sansala

YOHANES 1:16

Ia saja' mongkalibosi; madi' ko kamingkotannyo, Ia mombalakati kita.

YOHANES 15:26

Ku pokauje mamba hi komiu, pontulungi anu nolengkat mae hi Tuuma. Iamo na Roh anu mompoto'i kahondoan mongkona Tumpu. De Ia toka, Ia mombee'i katalangan mongkona Aku.

YOHANES 16:7

Panyo Aku montaloakon anu totu'u hi beleyum: Da bau ka'ima'an nu belemiu, lebe ma'ima' Aku mamba; kalana de Aku madi' mamba, Pontulungi aijo' madi' koko toka hi belemiu. Panyo de aku mambamo kusaije mae na Ia hi beleyum.

YOHANES 3:17

Kalana Tumpu nompokau mae Anak-Nyo misa' da mohukum dunia aiya, panyo da momposalamat.

YOHANES 5:26

Sumo Tuuma pinolengkatan nu kantumuu'an, Ia suele mompotimbali Anak-Nyo polengkatan nu kantumuu'an.

YOHANES 7:16

I Yesus nontaami, “Anu Ku pogulu' aiya misa' pangajalan-Ku, panyo pangajalan-Nyo anu nonsai mae Aku.

YOHANES 8:40

Aku mompotokakon hi komiu kahondoan anu ihongong-Kumo lengkat mae hi Tumpu, panyo komiu kahanda'mo mompatei Aku. I Abraham madi' nombau sumo aijo'!

YOHANES 8:47

Mian anu nolengkat mae hi Tumpu, mohongo potatae nu Tumpu. Panyo komiu misa' lengkat mae hi Tumpu, mokonyo aijo' komiu madi' mongka'oho' mohongo.”

SISIKON NU TO RASUL-RASUL 1:2

tinoka-toka i sinaa Ia i hangkatmo nokiita' i suluga'. Ma'isa pe'e Ia noliba' nokiita' i suluga', tiba kuasa nu Roh nu Tumpu Ia nombee'imo sonto-sonto' hi aha to rasul-rasul-Nyo anu pinile'anmo.

SISIKON NU TO RASUL-RASUL 10:38

Komiu nonsumbu'mo saba' Tumpu nompile'imo i Yesus mian nu Nazaret aijo' ka' nombee' hi Ia Roh nu Tumpu ka' kuasa. Komiu mule' nonsumbu'mo saba' i Yesus namba iyaya mae da mombau anu ma'ima'; Ia nompa'alin iwi-iwi' mian anu kinuasanmo nu Ibilis, sabab Tumpu mongkalibosi Ia.

ROMA 8:2

Kalana atulan nu Roh nu Tumpu na mombau kita tumuu' mosa'angu' tiba i Kristus Yesus nompobebasmo aku lengkat i atulan anu monsaduakon dosa' ka' kapatean.

EFESUS 3:8

Iwi-iwi' na mian anu palesayamo hi Tumpu, akumo na anu talalo madi' ko angga'nyo. Panyo Tumpu nombee'imo aku balakat aiya: kalaja da mompolele hi to mia-mian anu misa' Yahudi Lele Ma'ima' mongkona kakaya'an i Kristus anu madi' ko kamingkotannyo;

KOLOSE 1:19

Ola posi Tumpu na mongkahanda'i da iwi-iwi na apaa anu daagi' i butong nu Tumpu, daagi' suele ingko-ingkot hi butong nu Anak-Nyo.

KOLOSE 2:9

Kalana iwi-iwi' na lupa nu Tumpu daagi'mo hi Kristus, aijo'mo lupanyo anu sumo mian.

ANU PINOTO'I HI YOHANES 21:6

Lantas Ia notataemo, “Ilapasmo! Akumo na anu momonanyo, ka' anu imihinyo; Akumo na Tumpu lengkat pe'e Momonanyo toka-toka Imihinyo. Batu-batu mian anu megot, Ku po'inumije madi' pilenje o'oli i mata nu uee anu mombee'i kantumuu'an.

ANU PINOTO'I HI YOHANES 22:1

Malaikat aijo' suele nompotoa hi belengku kaunyo anu ueenyo mombee'i kantumuu'an. Uee nu kaunyo aijo' jongkilaban sumo intan ka' mo'ili lengkat mae i kasungan nu Tumpu ka' Anak nu Domba aijo',