YOHANES 3:31 - KITAB NU TUMPU ALLA LELE MA'IMAI'

³¹ Anu toka lengkat mae kiita' i bawo molingkudui iwi-iwi'. Anu toka lengkat mae i dunia minsoop mian nu dunia, ka' motatae mongkona hahan nu dunia. Ia anu toka lengkat mae kiita' i bawo molingkudui iwi-iwi'.

YOHANES 3:31 ပူးပေါင်းရင်းမြစ်များ

MATIUS 28:18

I Yesus nongohani aha ka' notatae, “Iwi-iwi' na kuasa i suluga' ka' i dunia aiya binee'mo hi beleng-Ku.

YOHANES 1:15

I Yohanes tinoka salaku sakisi-Nyo, ia mompolele: “Aiyamo Ia na anu titinaloakonku: Ia toka lebe tongkoimihi, aku na moona toka, panyo lebe talasanggo molingkudui aku, kalana ma'isa pe'e ko akunyo, Ia polo-polo'mo daagi'.”

YOHANES 1:27

Aku tinoka momona, Ia imihije, panyo mombukai pomputi nu sapatu-Nyo pe'e, aku madi' pantas.”

YOHANES 1:30

Iamo na anu titinaloakonku aku na moona toka ia imihije, panyo Ia na lebe daka' molingkudui aku, kalana ma'isa pe'e aku i hampe, Ia polo-polo'mo daagi'.

YOHANES 3:30

Ia na anu tionyo mompaka penting, ka' aku na anu komadi-madi'nyomo penting.”

YOHANES 6:33

Kalana roti anu binee' nu Tumpu aijo'mo ia anu nintatau' lengkat mae i suluga' ka' mombee'i kantumuu'an hi mian i dunia.”

YOHANES 6:51

Akumo na roti nintatau' mae lengkat i suluga' – roti anu mombee'i kantumuu'an. Mian anu mongkaan roti aiya tumuu' sidu-sidutu'. Roti anu Kubee' da bau kantumuu'an nu mian i dunia aijo'mo butong-Ku.”

YOHANES 8:23

Lantas i Yesus notatae hi aha, “Komiu lengkat mae i aluknyo; panyo Aku lengkat mae i bawo. Komiu lengkat mae i dunia; Aku misa' lengkat mae i dunia.

SISIKON NU TO RASUL-RASUL 10:36

Sinumbu'mo nu to Utu-utus na isi nu lele anu pinotoka nu Tumpu hi bansa Israel. Lele aijo' aitumo Lele Ma'ima', mongkona paladamean hi Yesus Kristus, aitumo Tumpu nu iwi-iwi' mian.

ROMA 9:5

Aha ilee'akon nu mompolee'to. I Kristus salaku mian nolengkat mae i bansa nu aha. Ia na lebee i bawo molingkudui iwi-iwi' aijo'. O puji' na Tumpu toka sidu-sidutu'! Amin.

IBRANI 9:1

Palajanjian anu momona, daagi' ko to atu-atulannyo na monsombah Tumpu ka' daagi' suele ko tampat ponsomban anu binau nu mian.

1 PETRUS 3:22

ka' noliba'mo i suluga'. Uuka aiya Ia mongkuasaimo hingga-hinggat tiba Tumpu ka' mompalentahmo malaikat iwi-iwi', iwi-iwi' anu ko kuasanyo tiba iwi-iwi' na anu mahoson.

1 YOHANES 4:5

To nabi-nabi anu madi' totu'u aijo' basisik mongkona hahan nu dunia, ka' dunia nohongomo potatae nu aha, kalana aha kinuasanmo nu dunia.

ANU PINOTO'I HI YOHANES 19:16

I juba'-Nyo ka' i pa'anyo tuli-tulis na sanggo sumo uuka, “Tomundo nu tomundo iwi-iwi', ka' Tumpu nu tuan iwi-iwi'.”