YOHANES 3:27 - KITAB NU TUMPU ALLA LELE MA'IMAI'

²⁷ I Yohanes nontaami, “Mian madi' moko ala montumpui apa-apaa, de madi' nubee' nu Tumpu hi ia.

YOHANES 3:27 ပူးပေါင်းရင်းမြစ်များ

YEREMIA 1:5

“Ma'isa pe'e Aku nontali' beleyum i uno nu ma'alum nu tina nu beleyum, ka' ma'isa pe'e beleyum ihampe, pinile'an-Kumo ka' ihangkat-Kumo na beleyum da bau nabi nu to bansa-bansa.”

YEREMIA 17:16

Panyo, o Tumpu, madi' toho' aku nonsekeli da Belento mompotudunmo mae balaa' hi aha. Aku madi' mule' ahi' mongkahanda'i da aha nu tokaimo mae nu balaa'. Sinumbu'mo nu Belento na aijo', o Tumpu. Nu sumbu' nu Belento apaa na anu tinaloakonkumo.

AMOS 7:15

Panyo Tumpu nongalamo aku i uno nu pakalaja'anku ka' nonsai aku mompotokakon potuunon-Nyo hi mian nu Israel.

NOMBILANGMO 17:5

Tokon nu mian anu Ku pile'imo atina' minsumpemo. Tiba jalan anu sumo aijo', Ku pobelentimo na pososon nu to mia-mian anu saja' monsosoli belemiu.”

MATIUS 21:25

I Yohanes mompalamandikan tiba hak ihe? Tumpu kabai mian?” Lantas Kapala nu to Ima-imam ka' to pola-polaya' nu Yahudi aijo' nontampu'unimo nombisalakon kiijo' hi aha, “De kita montaeakon, ‘Tiba hak nu Tumpu,’ Ia motatae, ‘Desumo aitu, kadaka' komiu madi' palesaya hi ia?’

MATIUS 25:15

Hi toto samian na posaihon aijo' binee'annyo iya na anu opoko ala nu aha toto samian. Hi samian binee'annyo olima' na madala doi mosoni'. Hi sangga'atan binee'annyo ohua' na madala doi mosoni'. Ka' hi samian mule' binee'annyo samadala na doi mosoni'. Lantas ia namba.

MARKUS 13:34

Ka'ada'annyo sumomo anu mompala'i laigannyo, lantas mamba i tampat anu majo'on. Ia nonsai to posa-posaihonnyo montamongi laigannyo, ka' nombee'imo palentah hi aha toto samian. Hi aha anu montamongi pontumban, ia nompoto'i da balajaga ma'i-ma'ima'.

YOHANES 10:41

Da'isan na mian tinoka hi Ia. Aha notatae, “I Yohanes madi' mombau anu okabangangi, panyo iwi-iwi' tinaloakonnyomo mongkona mian aiya totu'u.”

YOHANES 6:65

Lantas i Yesus po'ule' notatae, “Aijo' na sababnyo Ku poto'i hi komiu, saba' madi' ko samian pe'e moko ala toka hi beleng-Ku de madi' nupobee' nu Tuuma.”

ROMA 1:5

Kalana Ia sahingga Tumpu nombee'imo belengku balakat timbali rasul, da aku – mongangga'i Kristus – molaya' to mia-mian lengkat i songko-songko na bansa da palesaya ka' mohongo-hongo.

ROMA 12:6

Kita toto samian daagi' ko balakat mombau apa-apaa madi' pokakana. Balakat haha aijo' binee' nu Tumpu hi kita samata-mata kalana kalibosan-Nyo. Mokonyo aitu tionyo ogunakonto na balakat haha aijo'. Mian anu ko balakat mompolele lele lengkat mae hi Tumpu, tionyo mompolele lele lengkat mae hi Tumpu Allah aijo' iya na anu nupoko ala.

1 KORINTUS 1:1

To Utu-utus jama'at nu Tumpu i Korintus! Kita Utus ilagamo nu Tumpu da timbali mian-Nyo anu palesayamo, kalana kita Utus i Kristus Yesusmo, na tumpunyo, tiba iwi-iwi' na mian mau mule' pa' iya mae na anu monsombah hi Tumpunto i Yesus Kristus, aijo'mo Tumpu nu aha tiba Tumpunto suele. Aku, i Paulus, ka' utusto i Sostenes, mongindi da Tumpu Tuumanto ka' Tumpunto i Yesus Kristus mombee'i balakat ka' ka'ima'an hi komiu. Aku montulis sulat aiya salaku rasul i Kristus Yesus, posi pongka'oho'-Nyomo nu Tumpu na nohangkatmo aku.

1 KORINTUS 12:11

Iwi-iwi' aijo' kalaja nu Roh anu sa'a-sa'angu'nyomo aijo'; toto samian pinosi bee'anmo balakat anu madi' pokakana, iyaje ahi' pongka'oho' nu Roh aijo'.

1 KORINTUS 15:10

Panyo kalana balakat nu Tumpu aku tinimbalimo susumo tinuu'ku uuka aiya. Ka' madi' pinalasuma na Tumpu nongampunimo aku. Pakalaus aku ahi' na mokalaja lebe makeke molingkudui rasul kanjoo'annyo sangga'at. Panyo sabenannyo aijo' misa' usahangku; aijo' usaha nu Tumpu anu mongkalibosi aku ka' mokalaja hingga-hinggat ka' aku.

1 KORINTUS 3:5

De o'ala i hondonyo, ihe na i Apolos aijo'? Ka' ihe na i Paulus? Kami ola to posa-posaihon nu Tumpu, anu nompotiju'mo hi komiu da palesaya hi Kristus. Kami ola mompojalanakon kalaja anu pinotoong nu Tumpu hi kami toto samian.

1 KORINTUS 4:7

Ihe na nompotimbali kita Utus molingkudui mian sangga'at? Te misa' iwi-iwi' apaa na anu i humpak nu kita Utus, lengkat hi Tumpu Allah? Jadi, kadaka' kahanda' mombuulakon butong, au'aitu apaa na anu daagi' hi kita Utus, aijo' misa' anu binee'?

GALATIA 1:1

To Utu-utus jama-jama'at i da'erah Galatia, Aku, i Paulus, ka' iwi-iwi' moto utus Kristen anu tiba aku, montaha'imani ka' o amalakon da Tumpu Tuumanto ka' Tumpu Yesus Kristus mombee'i balakat ka'ima'an hi komiu. Aku tinimbali rasul misa' ola pongka'oho' nu manusia kabai kalana i hangkat nu manusia, panyo i Yesus Kristus ka' Tumpu Allah Tuumanto anu nompo'ule'mo nompotumuu' Ia sinilaka.

EFESUS 1:1

Mian anu palesayamo hi Tumpu kiijo' i Efesus, anu mohongo-hongo i Kristus Yesus!

1 TIMOTIUS 2:7

Ka' aijo'mo na sababnyo aku pinokau namba hi to mia-mian anu misa' Yahudi da mompolele hi aha lele mongkona kapalesaya'an anu totu'u. Anu pinotoingkumo aiya, memang totu'u, aku madi' baleko'.

YAKOBUS 1:17

Batu-batu taju anu ma'ima' ka' palasen anu ma'ima' pinolengkatannyo mae i suluga', tinau'akon nu Tumpu, anu Nompotimbali iwi-iwi na anu ma jingka i langit. Iamo na Tumpu anu madi' mongabali' ka' madi' mule' monsaduakon kapintungan mau mule' pa' mosiamo.