YOHANES 3:23 - KITAB NU TUMPU ALLA LELE MA'IMAI'

^23-24 Tempo'nyo aitu i Yohanes ma'isa ninsoop i talungku'. Ia nompalamandikan i lipu' Ainon, madi' majo'on lengkat i Salim, kalana i kiijo' mae manjoo' na uee. To mia-mian tinoka hi ia, ka' pinalamandikannyo na aha.

YOHANES 3:23 ပူးပေါင်းရင်းမြစ်များ

KAJADIAN 33:18

Lengkat mae i Mesopotamia na i lumajang, sahingga tinokamo na i Yakub ma'i-ma'ima' i kota Sikhem i lipu' Kana'an, lantas nompotinjomo kemahnyo i sa'angu' na tampat padang bola koko kota.

YEREMIA 51:13

Lipu' aijo' kaya hondo ka' mule' manjoo' na kaunyo, panyo kasampatan nu ia tumuu' ningkotmo; kamingkotan nu kantumuu'annyo tinokamo.

YEHEZKIEL 19:10

Tina nu beleyum sumomo ahi' kau' anggur anu ma'ima hondo anu tinumuu' i ale' koko sepa'nyo nu kaunyo. Ia tinambokmo na honnyo ka' nimbua'mo, kalana ueenyo ikiijo' manjoo' hondo.

YEHEZKIEL 43:2

ka' ikiijo mae tinoangkumo na jingka anu jongkilaban hondo lengkat mae isasu kabete'an anu salaku tanda saba' Tumpu Israel tokamo mae. Potatae nu Tumpu ihongo sumomo ahi' buhok nu ndalangon, ka' mule' dunia najingkamo kalana jingka nu katokaanmo nu Tumpu.

LUKAS 3:7

Manjoo' na mian toka hi Yohanes, da o palamandikan. I Yohanes notatae hi aha, “Komiu mian ma'idek! Ihe na nontaloakon komiu madi' mohumpak hukuman lengkat hi Tumpu anu toka mae?

YOHANES 3:22

Lapas aijo' i Yesus tiba anu saja' mombatuki Ia nambamo i Yudea. Ia jinojoong mae kiijo' tino pia-piam pahu na kopinnyo tiba aha ka' nompalamandikan.

ANU PINOTO'I HI YOHANES 1:15

tengke-Nyo mimboyai' sumo tambaga anu pinapuan. Potatae-Nyo sumo buhok nu uee i ombu'an anu daka'.

ANU PINOTO'I HI YOHANES 14:2

Lantas i hongongku na potatae lengkat mae i langit buungan sumo onyi' nu ombu'an anu ueenyo mabohos ka' sumo gohung dolu-dolundungan daka' hondo. Potatae aijo' o hongo sumo onyi' nu musiik mian mongkuti' kasapi anu hau-haunyo mompahaikakon kasapinyo.

ANU PINOTO'I HI YOHANES 19:6

Lapas aijo' aku nohongomo apa-apaa sumo potatae nu anu sanggombu na mian da'isan hondo; lewo'nyo sumo bokon anu mingkalulun ka' sumo gohung poli-polintup. Ku hongo aha notatae, “O puji' na Tumpu! Kalana Tumpu, Tumpunto anu Matangkas na kuasanyo aijo' tempo' uuka nompalentahmo!

1 SAMUEL 9:4

Lantas i Saul tiba posaihonnyo nambamo nonsongkohi daerah anu i bungkutnyo nu Efraim ka' tano' Salisa, panyo madi' ihumpak na binatang haha aijo'. Lapas aijo' aha sabole-bolemo i lumajang namba i tano' Sahalim, panyo keledai haha aijo' madi' ahi' i humpak.