YOHANES 3:2 - KITAB NU TUMPU ALLA LELE MA'IMAI'

² Ia tinoka pihi-pihi hi Yesus ka' notatae, “Tuumangku Gulu', osumbu' mami na Kita Tuuma sinai mae nu Tumpu. Kalana madi' ko samian anu moko ala mombau anu okabangangi susumo anu binau nu Kita Tuuma, de Tumpu madi' montombaya'i ia.”

YOHANES 3:2 ပူးပေါင်းရင်းမြစ်များ

1 TOMU-TOMUNDO' 17:24

Tinaaman nu balu' aijo', “Aiyaje ka'sinumbu'ku taalu' belento Tuuma posaihon mae nu Tumpu Allah, ka' anu otaloakon nu belento Tuuma memang totu'u lengkat mae hi Tumpu!”

YESAYA 51:7

Potombihing mae na Aku, o, bansang-Ku, sinumbu'mo nu belemiu apaa na anu memang ahi' totu'u; pangajalan-Ku tinonguna'mo i uno nu kinyonyoa nu beleyum. Boli mabuhuk de belemiu nu kokojoi nu manusia boli bata-bata de belemiu nu alu nu aha.

YEREMIA 38:16

I Tomundo' Zedekia hoko-hokot nompoto'imo palajanjian hi belengku, koonyo, “Atas sanggo nu Tumpu Allah anu tumuu', Tumpu Allah anu mombee'i kantumuu'an hi kita, aku madi' ahi' mompatei beleyum kabai mombee'mo beleyum hi to mia-mian anu kahanda'mo mompatei beleyum.”

MATIUS 22:16

Saba' aha nonsai anu saja' mombatuki aha mamba hi Yesus tiba to pia-piangkuka na mian anu monsangaja'i Herodes. To mia-mian aijo' notatae hi Yesus, “Tuumangku Gulu', osumbu' mami na kita Tuuma madi' mongakali. Kita Tuuma mongajan totu-totu'u mongkona kahanda' nu Tumpu hi mian, madi' mompajuli pikilan mau pe'e pa' ihe, sabab kita Tuuma madi' mompile'i mian.

MATIUS 23:7

Aha sanang na o adati nu mian i pasan, da o laga ‘Tuumangku Gulu'’.

MATIUS 23:8

Panyo komiu, boli mongka'oho' o laga ‘Tuumangku Gulu'’, kalana Gulu'um ola sa'angu', ka' komiu iwi-iwi' moto utus.

MARKUS 12:14

Aha tinoka hi Yesus ka' notatae', “Tuumangku Gulu', osumbu' mami kita Tuuma madi' tageo', ka' madi' montoa pikilan nu sangga'at. Kita Tuuma mongajan anu sahondo-hondonyo mongkona kahanda' nu Tumpu hi mian, kalana kita Tuuma madi' mompile'i mian. Yoh, soba taloakonmo mae nu kita Tuuma hi kami, ‘De mombatuki atulan nu agamanto, pa' timbali na kita mombayan hasin hi Tomundo, kabai madi'? Tionyo na kita mombayan hasin aijo' kabai madi'?’ ”

YOHANES 1:38

I Yesus nosiloi i hiku ka' nontoa aha aitu mae hau-haunyo mombatuki Ia. Ia nompokilawa, “Komiu molio apaa?” Tinaaman nu aha, “Gulu', iyamae na jojoongan i Gulu'?” (Sanggo ‘Rabi’ alati'nyo Gulu'.)

YOHANES 10:38

Panyo kalana Aku mombau palentah-Nyo, opalesaya apaa na anu Kubau aijo', mau mule' komiu madi' mongka'oho' palesaya hi beleng-Ku. Atina'je ka' osumbu' miu, ka' mangalati' taalu' Tuuma tataap mosa'angu' tiba Aku, ka' Aku tataap mosa'angu' tiba Tuuma.”

YOHANES 12:37

Mau mule' manjoo'mo na anu okabangangi binau i Yesus i ahop nu aha, aha madi' palesaya hi Ia.

YOHANES 14:10

Filipus! Te madi' nu palesaya, na Aku mosa'angu' tiba Tuuma, ka' Tuuma mosa'angu' tiba Aku? Apaa na anu Ku taloakon hi beleyum, misa' ku taloakon lengkat hi posi butongku. Tuuma anu tataap mosa'angu' tiba Aku. Iamo na anu nombau iwi-iwi' aijo'.

YOHANES 15:24

De aijo' hi aha, Aku madi' nombau hahan anu ma'isa toho' binau nu mian sangga'at, aha madi' baladosa'. Panyo u'uka aha nontoamo apaa na anu binaung-Ku, ka' aha nongka'idekimo Aku tiba Tuumang-Ku.

YOHANES 2:11

Aijo'mo na anu okabangangi momonanyo binau i Yesus. Binaunyo na aijo' i Kana i tano' nu Galilea. Tiba tanda aijo' Ia nompotoamo katalasanggoan-Nyo. Sahingga anu saja' mombatuki Ia, pinalesayamo hi Ia.

YOHANES 20:16

I Yesus notatae hi ia, “Maria!” I Maria nosiloi hi Yesus, lantas notatae i sisik nu Ibrani, “Rabuni!” (Alati'nyo “Gulu'”.)

YOHANES 3:26

Aha namba hi Yohanes ka' notatae, “Kita Tuumangku Gulu', ugaat daagi' osumbu' nu kita Tuuma na mian anu nojajalan tiba kita Tuuma i santoa nu Kaunyo Yordan aijo', anu pipinotiju' nu kita Tuuma hi kami u'utu mae? Ia tempo' uuka singkona mompalamandikan ka' iwi-iwi' na mian namba hi Ia!”

YOHANES 4:31

Hau-haunyo aijo' anu saja' mombatuki Ia nompasomo i Yesus mongkaan, “Kita Tuumangku Gulu',” na koonyo nu aha, “imbo' da mongkaan.”

YOHANES 5:36

Panyo anu tinalangkan-Ku lebe daka' molingkudui anu tinalangkan i Yohanes. Apaa na anu Kubau uuka aiya, aijo'mo na kalaja anu pinokauhakon nu Tuuma hi beleng-Ku, bau pomponyata' saba' Tuuma nompokaumo mae Aku.

YOHANES 6:2

Salatan tinokamo i kiijo' da'isan na mian nombatukimo Ia, kalana aha nontoamo anu okabangangi binau-Nyo, i nompa'alin to mia-mian masakit.

YOHANES 7:31

Da'isan na mian anu i kiijo' montampu'unimo palesaya hi Ia, ka' notatae, “De Tomundo anu Momposalamat aijo' tokamo, ugaat Ia na timbali mombau lebe manjoo' na anu okabangangi molingkudui mian aiya?”

YOHANES 9:16

To pia-pingkuka na mian nu Farisi haha aijo' notatae, “Madi' bisa mian anu nombau aiya nolengkat mae hi Tumpu, kalana Ia madi' mompajuli sinaa nu Sabat.” Panyo mian sangga'at notatae, “Iya na timbali mian anu baladosa' mombau anu okabangangi sumo aiya?” Lantas tinimbali painggagaan hi posi-posi aha.

SISIKON NU TO RASUL-RASUL 10:38

Komiu nonsumbu'mo saba' Tumpu nompile'imo i Yesus mian nu Nazaret aijo' ka' nombee' hi Ia Roh nu Tumpu ka' kuasa. Komiu mule' nonsumbu'mo saba' i Yesus namba iyaya mae da mombau anu ma'ima'; Ia nompa'alin iwi-iwi' mian anu kinuasanmo nu Ibilis, sabab Tumpu mongkalibosi Ia.

SISIKON NU TO RASUL-RASUL 2:22

To Utu-utus mian nu Israel! Hongo apaa na anu ku taloakon aiya: I Yesus mian nu Nazaret aijo' binee'anmo kalaja nu Tumpu Allah bau kapentingan nu kita utus. Aijo' nyata' hondo i anu okabangangi ka' hahan anu daka', apaa na anu binau nu Tumpu i totonga' miu hi Yesus aijo'. Iwi-iwi' aijo' posi kita utus nonsumbu'mo.

FILIPI 1:14

Ka' aku tinalungku' nonsaduakonmo manjoo' na to mia-mian Kristen i kota aiya nompaka palesayamo mule' hi Tumpu, sahingga aha nompaka baanimo na mombebakon potuunon nu Tumpu, ka' madi'mo maha pabuhukan.

TO MIA-MIAN KOPIAN 6:27

Sahingga i Gideon nompile'imo aha sampulu' na mian posaihonnyo lantas nambamo nombau apaa na anu pinalentahkonmo nu Tumpu hi ia. Panyo kalana ia talalo mabuhuk hi sampoto utusannyo ka' hi to mia-mian i kampung aijo', ia madi' baani na mombau han aijo' sina-sinaa. Jadi binaunyo na aijo' pihi-pihi.