YOHANES 3:14 - KITAB NU TUMPU ALLA LELE MA'IMAI'

¹⁴ Susumo i Musa noliba'akon ulo tambaga i sangkau na kau' bololang i padang bolaa, sumo aitu mule' Anak nu Mian tionyo oliba'akon,

YOHANES 3:14 ပူးပေါင်းရင်းမြစ်များ

2 TOMU-TOMUNDO' 18:4

Tampat anu lewa' ponsomban pilogot pinaha ideannyomo, ka' pinahahobo'akonnyomo na patong-patong ka' tugu anu pinaha potinjo salaku pontandai Pilogot boune Asyera iwi-iwi' ingideannyomo. Ka' ia mule' nongideimo ulo tambaga anu binau i Musa anu osa-osanggohi i Nehus. Kalana sangkut tinoka i tempo' aitu mian nu Israel daagi' mompapui kamangian bau pongadati ulo tambaga ai-aijo'.

MAZMUR 22:16

Gogohongku notismo susumo kubengan nu palasilen jila'ku naningkampitmo i ngahangku. O Tumpu, pinala'ianmo nu Belento na aku aijo' i abu' susumo mian anu sinilakamo.

YESAYA 11:10

Tempo'nyo saidi' mae tokamo samian na tomundo' lee' mae i Daud baumo lewa' palahatian nu to bansa-bansa. Aha tokamo mae hi ia, ka' tampat kajojoongannyo saja' lewa' opuji-puji'.

MATIUS 26:54

Panyo desumo aijo', mosia na jadi sumo anu sinisikmo i uno nu Kitab nu Tumpu, tukoonyo memang tionyo jadi sumo anu tempo' uuka aiya?”

MATIUS 8:20

I Yesus nontaami, “Pojek ko liangnyo, ka' tomonsi' ko petaanyo, panyo Anak nu Mian madi' ko kamale'an.”

LUKAS 24:20

Kapala nu to ima-imam ka' to pola-polaya' nu bansanto nombee'mo Ia da i hukum mate, ka' aha nonsalibmo Ia!

YOHANES 18:32

Aiya timbali da ganapmo apaa na anu tinaloakon i Yesus mongkona bau-baunyo Ia silaka.)

YOHANES 6:51

Akumo na roti nintatau' mae lengkat i suluga' – roti anu mombee'i kantumuu'an. Mian anu mongkaan roti aiya tumuu' sidu-sidutu'. Roti anu Kubee' da bau kantumuu'an nu mian i dunia aijo'mo butong-Ku.”

YOHANES 8:28

Kalana aijo' i Yesus notatae hi aha, “Saidi' mae de komiu mohangkatmo tangka-tangkas Anak nu Mian, osumbu'je miu ‘Akumo aiya na Ia anu osa-osanggohi AKU DAAGI'’, ka' osumbu'je miu saba' madi' ko sa'angu' pe'e na anu Kubau lengkat i posi butong-Ku. Aku ola montaloakon apaa na anu pinogulu'mo nu Tuuma hi beleng-Ku.

SISIKON NU TO RASUL-RASUL 2:23

Posi pongka'oho'-Nyo na Tumpu nomputusi da obee' na i Yesus hi komiu. Ka' salatan binee' na Ia, komiu nompateimo Ia ka' nompojohokmo to mia-mian ma'idek nonsalib Ia.