YOHANES 21:7 - KITAB NU TUMPU ALLA LELE MA'IMAI'

⁷ Anu saja' mombatuki nunu kalibosi i Yesus notatae hi Petrus, “Aijo'mo na Tumpu!” Salatan i Simon Petrus nohongo taalu' aijo' i Tumpu, ia nompusok baju'nyo (kalana ia madi' nimbaju') balo nalalumpat nokaiyong i uee.

YOHANES 21:7 ပူးပေါင်းရင်းမြစ်များ

MAZMUR 118:23

Sumo aijo' na Tumpu nombau, talalo hondo mompobangang kita.

NYANYIAN ANU TALASANGGO 8:7

Uee mau manjoo' madi' moko ala mompopoho' sintaku, ka' mule' iaba' madi' moko ala monganjuhakon. De daagi ko samian mombee' iwi-iwi' na halata'nyo, da bau ponsulang sinta, tantu ola ahi' ia mohumpak pompopo' ambang.

MARKUS 11:3

Ka' de ko mian anu mompokilawa hi komiu, apaa na sababnyo komiu mombukai keledai aijo', taloakon, ‘Tumpu mompalaluimo, ka Ia malia-lia'je po'ule' monsule'akon mae.’ ”

LUKAS 12:35

“Bajaga-jaga na mongahopi iwi-iwi' na han. Komiu tionyo saja' mosadia mipake ka' sulu'um tataap opomoak,

LUKAS 2:11

Sinaa aiya i kota Daud i hampemo na Tomundo anu Momposalamat komiu, aijo'mo i Kristus, Tumpu.

LUKAS 7:47

Totu'u: Liibosnyo anu tahahumo sumo aijo' momponyata'mo saba' dosa'nyo anu manjoo' ingampunanmo! De mian o ampuni sangkiding, ia suele mongampuni sangkiding.”

YOHANES 13:23

Anu saja' mombatuki nunu kalibosi Yesus suha-suhang i sohipi' i Yesus.

YOHANES 19:26

Salatan i Yesus nontoa tina-Nyo tiba anu saja' mombatuki nu Nu kalibosi tinjo-tinjo i kiijo', Ia notataemo hi tina-Nyo, “Kita Tina, aijo' na anak nu Kita Tina.”

YOHANES 20:2

Sahingga ia nopadeka' nolio i Simon Petrus ka' anu saja' mombatuki nunu kalibosi Yesus, ka' notatae hi aha, “Tumpu ingalamo aijo' mae i pinolamunan, madi' kusumbu' pa' iya na pinonguna'an-Nyo.”

YOHANES 20:20

Noko potatae sumo aijo', Ia nompotoa hi aha lima ka' sihung-Nyo. Tempo'nyo nontoa i Tumpu, aha ilame'mo hondo.

YOHANES 20:28

I Tomas notatae hi Yesus, “Tumpungku ka' Tumpu Allah-ngku!”

YOHANES 21:20

Salatan i Petrus nosiloi, ia nontoa i hikunyo anu saja' mombatuki nunu kalibosi Yesus. (Iamo na anu sinumuhang oha-ohani Yesus tempo'nyo nongkaan, ka' anu nompokilawa hi Ia, “Ihe na saidi' mae monguwesani Tumpu?”)

YOHANES 21:24

Anu saja' mombatuki aijo' na mombee'i katalangan apaa na anu tinimbalimo aiya. Iamo ahi' na nontulis. Ka' osumbu'to saba' apaa na anu tinaloakonnyomo aijo' totu'u.

YOHANES 21:8

Anu saja' mombatuki sangga'at binabosemo nokiijo' i katano'an, ka' nohela' buani' nobuke'mo nu ikan. Aha madi' talalo majo'on lengkat i katano'an, kila-kila ola sa'atu na meten.

SISIKON NU TO RASUL-RASUL 10:36

Sinumbu'mo nu to Utu-utus na isi nu lele anu pinotoka nu Tumpu hi bansa Israel. Lele aijo' aitumo Lele Ma'ima', mongkona paladamean hi Yesus Kristus, aitumo Tumpu nu iwi-iwi' mian.

SISIKON NU TO RASUL-RASUL 2:36

Aijo' na sababnyo iwi-iwi' mian nu Israel tionyo monsumbu' totu-totu'u saba' i Yesus anu sinalibmo miu aijo', i Yesus ati-atina'mo na anu pinotimbalimo nu Tumpu, timbali Tumpu ka' Tomundo anu Momposalamat!”

1 KORINTUS 15:47

I Adam anu momona tano' na binau, panyo i Adam anu ko ohua'nyo nolengkat mae i suluga'.

2 KORINTUS 5:14

Kalibosan i Kristus na nongkuasaimo kami; ka' osumbu' mami taalu' de samian sinilakamo bau pontokong mian iwi-iwi', makia' aijo' mongalati'i saba' iwi-iwi' na mian sinilakamo.

YAKOBUS 2:1

To Utu-utusku! Salaku mian anu pinalesayamo hi Tumpu Yesus Kristus, Tumpu Anu Talasanggo hondo, boli ola komiu montoa ohup nu mian kalana hahan anu i dunia.