YOHANES 21:3 - KITAB NU TUMPU ALLA LELE MA'IMAI'

³ Koonyo i Simon Petrus hi sangga'at, “Aku ka'oho' mamba mompagala ikan.” “Kami mombatuk,” na koonyo nu aha hi ia. Aha namba sinumake' i duangan. Panyo sinampahu aitu aha madi' nohumpak apa-apaa.

YOHANES 21:3 ပူးပေါင်းရင်းမြစ်များ

LUKAS 5:5

“Tuumangku Gulu',” tinaaman i Simon, “Sinampahu na uutu kami binakalaja totu-totu'u, panyo madi' ko anu pini humpa-humpak! Panyo kalana opokaunto Tuumangku, ma'ima'mo; da po'ule' ku sambuangakon na buani'.”

YOHANES 21:4

Salatan sinaa nontampu'unimo mae bete', i Yesus tinuminjo i biwi nu bone', panyo madi' sinumbu' nu aha taalu' aijo' i Yesus.

SISIKON NU TO RASUL-RASUL 18:3

lantas jinojoong i kiijo' tiba aha ka' nokalaja hingga-hinggat aha, kalana bau polio nu aha pokakana tiba i Paulus, aitumo mongka'ut kemah.

SISIKON NU TO RASUL-RASUL 20:34

Posi kita Utus monsumbu'mo, saba' ola posi lawengku na bakalaja bau pomposukup kapalaluanku ka' to sanga-sangalungku anu mombatuki aku.

1 KORINTUS 3:7

Jadi anu penting, aijo'mo Tumpu, kalana Ia na mompotumuu'. Anu monsu'an tiba anu mondudu'i madi' penting;

1 KORINTUS 9:6

Kabai ola i Barnabas ka' aku na anu tionyo mosi lio kaanon?

1 TESALONIKA 2:9

Tantu komiu daagi' tonginau' mosia na kosigonyo na kami bala usaha ka' bakalaja. Sinaa ka' pihi kami mokalaja da kami madi' monsusa'i mau ola samian anu itina' hi komiu, tempo'nyo kami nompolele Lele Ma'ima' anu lengkat mae hi Tumpu aijo' toka hi komiu.