YOHANES 21:22 - KITAB NU TUMPU ALLA LELE MA'IMAI'

²² I Yesus nontaami, “Maluannyo Ku kahanda'i ia satumuu'nyo sampe Aku toka, aijo' misa' ponsumbu'anum. Panyo beleyum batuki mae na Aku!”

YOHANES 21:22 ပူးပေါင်းရင်းမြစ်များ

MATIUS 16:24

Lapas aijo' i Yesus notatae hi anu saja' mombatuki Ia. “Mian anu mongka'oho' mombatuki Aku, tionyo mongkolilimi posi kapentingannyo, monsimbu salibnyo, ka' tionyo mombatuki Aku.

MATIUS 24:27

Sabab katokaan nu Anak nu Mian sumo sahaya nu kilat majingka lengkat i Kabete'an, ka' majingka toka i Kinsoban.

MATIUS 24:3

Lapas aitu, i Yesus namba i Bungkutnyo nu Zaitun, ka' hau-haunyo Ia suha-suhang, anu saja' mombatuki Ia tinoka ka' binisala tiba Ia mongkona posi aha. “Poto'i mae hi kami hipian na iwi-iwi' aijo' timbali,” koonyo nu aha hi Ia, “Apaa na bau pongoosian salaku tanda katokaanmo nu kita Tuuma, ka' sinaa imihinyomae?”

MATIUS 24:44

Kalana aijo', komiu suele balasadia. Saba' Anak nu Mian toka tempo' nu anu madi' osangka-sangka miu.”

MATIUS 25:31

“De Anak Mian toka sumo Tomundo nu sampo jaalan nu malaikat-Nyo iwi-iwi', Ia sumuhang i kasuhangan-Nyo anu opopodaka'.

MATIUS 8:22

Panyo i Yesus nontaami, “Batuki na Aku, ka' pojohokmo na mian anu sinilakamo molamun miannyo anu sinilakamo.”

MARKUS 9:1

“Osumbu'mo!” koonyo i Yesus. “Itotonga' nu belemiu aiya madi' ko anu mate, de ma'isa montoa Tumpu mompalentah nu kuasa-Nyo!”

YOHANES 21:19

(Tiba potatae aijo' i Yesus nompoto'imo mosia na i Petrus silaka saidi' mae mompopodaka' Tumpu.) Lapas aijo' i Yesus notatae hi Petrus, “Batuki mae na Aku!”

YOHANES 21:21

Nontoa ia, i Petrus nompokilawa hi Yesus, “Kita Tumpu, mosia na mian aiya?”

1 KORINTUS 11:26

Memang de komiu mongkaanmo roti ka' monginumo anggur aiya, komiu nompolelemo kapatean i Tumpu, sampe Ia toka.

1 KORINTUS 4:5

Mokonyo aijo', kalana misa' pe'e tempo'nyo, boli komiu lia-lia' montantukan batu-batu mian kosala'nyo kabai madi'. Tanda'i tokaje na Tumpu. Iaje na mompoto'i iwi-iwi' lahasia anu sulu-suluk i uno nu pintung. Iaje na mompotalang tanga'an anu sulu-suluk i uno nu kinyonyoa nu mian. Tempo'je aitu ka' batu-batu mian mohumpak pompuji' lengkat hi Tumpu anu patut nu talima.

1 TESALONIKA 2:19

Komiumo na anu otaha'imani mami ka' okalame'akon mami. Kalana de Tumpu Yesus tokamo, ka' kita mangadapmo hi Ia, saba' komiumo na anu timbali obuulakon mami!

YAKOBUS 5:7

Kalana aitu, osabalakon to Utu-utus, sangkutnyo Tumpu toka. Toa mosia na kosabaannyo na samian anu topo ale' montanda'i sampe tano'nyo mohasinakon anu ko olinyo hi ia. Ia sabaan na montanda'i ujan loonu nu mohudu' na hon nu kau' ka' ujan loonu nu mimbunga na kau'.

YAKOBUS 5:8

Komiu suele ahi' sabaan ka' oposanang na kinyonyoa, kalana sinaa katokaan nu Tumpu ohanimo.

ANU PINOTO'I HI YOHANES 1:7

Toa, Ia toka mae nu saput nu kundom! Iwi-iwi' na mian montoa Ia, ka' suele aha anu nonjalo'mo Ia. Iwi-iwi' na bansa i dunia mohangi Ia. Memang, totu-totu'u! Amin!

ANU PINOTO'I HI YOHANES 2:25

Panyo de tokamo i tempo'nyo Aku tokamo mae, tionyo ahi' belemiu saja' mombatuki apaa na anu daagi'mo hi belemiu.

ANU PINOTO'I HI YOHANES 22:20

Ia anu nompotokamo mae lele aiya iwi-iwi' notatae, “Totu'u, Aku malia'mo toka!” Amin! Tokamo mae o Tumpu Yesus!

ANU PINOTO'I HI YOHANES 22:7

“Opalahatikan na aiya!” na koo-Nyo i Yesus, “Aku malia'mo toka. Mohumpak ka'ima'an na mian anu tulu-tulutan i potatae, apaa na anu saidi' mae jadi anu pinoto'imo i kitab aiya!”

ANU PINOTO'I HI YOHANES 3:11

Aku malia-lia' toka! Jagaimo ma'i-ma'ima' apaa na anu daagi'mo hi belemiu, da madi' ko samian pe'e na anu mongagoi tamboonyo nu ka'untungan miu, i uno nu kasabalan.