YOHANES 21:17 - KITAB NU TUMPU ALLA LELE MA'IMAI'

¹⁷ Kopintolunnyo i Yesus nompokilawa hi ia, “Simon anak i Yona, apaa beleyum mongkalibosi Aku?” I Petrus tinongkolibosonmo, kalana i Yesus nompokilawa hi ia sampe pinintolunmo. Sahingga i Petrus po'ule' nontaami, “Kita Tumpu, Kita Tumpu na monsumbu' iwi-iwi'. Nu sumbu' nu Kita Tumpu na aku mongkalibosi Kita Tumpu!” Lantas i Yesus notatae hi ia, “Palakaiyakon na domba-dombangku.

YOHANES 21:17 ပူးပေါင်းရင်းမြစ်များ

2 SAMUEL 7:20

Pa' daagi apaa na ku taloakon hi belento? Belentomo na monsumbu' iwi-iwi' mongkona posaihon nu belento aiya.

1 TOMU-TOMUNDO' 17:18

Lantas balu aijo' notataemo hi Elia, “O posaihon nu Tumpu Allah, kadaka' belento Tuumangku nombaumo anu sumo aiya hi belengku? Ku gantang kahanda' nu belento Tuuma toka mae hi belengku da nusumbu' nu Tumpu Allah na dosa'ku, sahingga anaku sinilakamo?”

1 TAWARIKH 17:18

Daagi' apaa na anu ku taloakon hi belento, O Tumpu Allah? Belento monsumbu' iwi-iwi' ka'ada'an nu posaihon nu Belento aiya, panyo belento mongadati mae aku.

1 TAWARIKH 29:17

Ku sumbu' toto samian o uji' nu Belento na kinyonyoanyo ka' oka'ima'i nu Belento na kinyonyoa nu mian anu lomas. Tiba kinyonyoa sanang ka' sahondo-hondonyo ku sombahkonmo na iwi-iwi' aiya hi belento. Tinoangkumo mosia na mian anu pinalesayamo hi belento anu sinilimu'mo i aiya nomboa mae anu nu sombahkon nu aha hi belento, kinyonyoa nu aha sanang hondo.

MAZMUR 17:3

De Belento monguji' kinyonyoangku ka' de pihi na toka mae mompalesa aku, tantu osumbu'je nu Belento na aku memang ahi' sahondo-hondonyo na kinyonyoangku; potataengku madi' sala' sumomo ahi' pikilanku.

YEREMIA 17:10

Aku, Tumpu monselidiki kinyonyoa kinyonyoa nu manusia Ku uji'. Batu-batu mian Ku balosakon sitimbang tiba kalakuannyo, ka' Ku bee'i hukuman sitimbang tiba palabuatannyo.”

MOHAANGI 3:33

Ia madi' sanang na kinyonyoa mompojohok kita sansala ka' mongoa'i kasusa'an.

MATIUS 25:40

Tomundo aijo' nontaami, ‘Da osumbu': tempo'nyo komiu mombau han aijo', mau pe'e hi sala'samian i to utu-utus-Ku anu talalo kanteles, alati'nyo komiu nombaumo hi beleng-Ku!’

MARKUS 14:72

Tempo'nyo aitu mule' manuk nintutuhu'mo ko pinduannyomo. Ka' i Petrus sininsumbu'mo kalana i Yesus notataemo hi ia, “Ma'isa pe'e manuk mintutuhu' ko pinduannyo, beleyum pintolunmo mombahakon Aku.” Sahingga i Petrus i humaangmo, kalana nolibosmo.

YOHANES 12:8

Mian kasiasi saja' aiya hi komiu, panyo Aku madi'.”

YOHANES 13:38

Tinaaman i Yesus, “Totu-totu'u sanang na beleyum mate kalana Aku? Da nusumbu', ma'isa pe'e manuk mintutuhu' saidi' beleyum polo'mo pintolun na motatae tukooyum, beleyum madi' monsumbu' Aku!”

YOHANES 14:15

“De komiu mongkalibosi Aku, komiu tionyo monjalanakon to pale-palentah-ngKu.

YOHANES 15:10

De komiu monjalanakon iwi-iwi' na palentah-ngKu, komiu saja' montuluti pongkalibosing-Ku, pokakana sumo Aku saja' montuluti pongkalibosi nu Tuuma, kalana monjalanakon palentah-Nyo iwi-iwi'.

YOHANES 16:30

ka' osumbu' mami te Tumpu monsumbu' iwi-iwi'. Madi' pilenje samian mompokilawa apa-apaa hi Tumpu. Kalana aijo' opalesaya mami Tumpu nolengkat mae hi Tumpu.”

YOHANES 18:27

Lantas i Petrus po'ule' nombahakon, “Madi',” – ka' madi' sala' tempo'nyo aitu manuk nintutuhu'mo.

YOHANES 18:4

Sinumbu'mo i Yesus iwi-iwi' apaa na anu timbali saidi' mae i butong-Nyo. Jadi Ia nongohani mian haha aijo' ka' nompokilawa, “Komiu molio ihe?”

YOHANES 21:18

Totu'u hondo na potataeng-Ku aiya: Tempo'nyo beleyum daagi' olitau, posi beleyum na mombutu' kompongum, ka' mamba pa' moya na nu kahanda'i. Panyo de beleyum langkai'mo, beleyum montajuakonmo limaum, ka' mian sangga'at na mompungu beleyum, ka' momboa beleyum hi anu madi' nu ka'ima'i na kalambanan.”

YOHANES 4:16

“Lako', laga mae na langkai'um, lantas pinsusule' mae aiya,” na koonyo i Yesus.

SISIKON NU TO RASUL-RASUL 1:24

Lantas aha binala do'amo. Aha notatae, “Tumpu, Kita monsumbu' iwi-iwi' kinyonyoa nu mian. I Yudas binelentimo i pakalaja'annyo sumo rasul, ka' i natemo. Jadi potiju'akonmo mae hi kami, ihe na anu ua'aha na mian aiya, na nupile'i nu Tumpu da obee'i kalaja aijo' mombolosi i Yudas.”

SISIKON NU TO RASUL-RASUL 11:10

Aku nontoa han aijo' sampe pinintolun ka' kahimpusannyo iwi-iwi' po'ule'mo tinolo hangkat ninsusule' nokiita' i suluga'.

SISIKON NU TO RASUL-RASUL 15:8

Ka' Tumpu anu monsumbu' kinyonyoa nu mian nompotiju'mo saba' ia montalima aha; Ia nombee'i Roh nu Tumpu Allah sumo anu binee'-Nyo hi kita suele da mompotiju' han aijo' hi kita.

2 KORINTUS 1:12

Kami sanang kalana kinyonyoa mami na mompohoson kami, saba' kantumuu'an mami i dunia aiya – anu talalo hondo pompahasumbu'an mami tiba kita Utus – pinojalanmo mami ma'i-ma'ima' ka' sahondo-hondonyo. Kami nombau aijo' misa' kalana kapandean nu mian, panyo kalana kahosonan anu binee' nu Tumpu Allah.

EFESUS 4:30

Boli momposusa' kinyonyoa nu Roh nu Tumpu. Komiu nohumpakmo tanda sap nu Roh da timbali anu nu Tumpu. Roh aijo' mule' salaku sa'angu' na tanda matantu saba' Sinaa Pompobebasan tokamo mae hi komiu.

YOSUA 22:22

“Anu Daka' na kuasanyo aijo'mo Tumpu! Nu sumbu' kadaka' kami nombaumo sumo aiya, da belemiu suele monsumbu' apaa na anu okahanda'i mami! De kami mombau anu sumo aijo' ko kahanda' madi'mo mohongo-hongo Tumpu, kabai kalana kami madi'mo palesaya hi Ia, bakasmo da kami silakamo uuka aiya!

1 PETRUS 1:6

Kalana aijo' oposanang na kinyonyoa miu, kalana tempo' uuka mau mule' ola sasaingoni' na tempo' panyo komiu tionyo susa' kalana saidi' mae komiu mongoa'i ngangahan nu soba'an.

2 PETRUS 3:1

To utu-utusku anu okanonongi! Aiyamo na sulatku anu ko ohua'nyo toka hi belemiu. I uno nu sulat ko ohua'nyo aiya, aku kahanda' mompolubat pikilan-pikilan anu ma'ima' hi belemiu.

ANU PINOTO'I HI YOHANES 2:23

Anu mombatuki ia Kupatei suele da iwi-iwi' na jama'at sinsumbu' saba' Akumo na Ia anu mompangalati'i pikilan ka' kinyonyoa nu mian. Komiu Ku balosije sumo apaa na anu binaumo miu i toto samian.

ANU PINOTO'I HI YOHANES 3:19

To mia-mian anu Ku ku kalibosi, ahamo na anu Ku tewa' ka' Ku pohos. Kalana aijo' tionyo ahi' belemiu bikas ka' balatobatmo i to dosa-dosa' miu.