YOHANES 20:31 - KITAB NU TUMPU ALLA LELE MA'IMAI'

³¹ Panyo iwi-iwi' aiya tinulis, da komiu palesaya taalu' i Yesus aijo' Tomundo anu Momposalamat, Anak nu Tumpu, ka' kalana palesaya hi Ia, komiu mohumpakmo kantumuu'an.

YOHANES 20:31 ပူးပေါင်းရင်းမြစ်များ

MAZMUR 2:12

nu lakat ahi' na tolodadupu i ahop-Nyo, dumo ahi' nutambuha'i nu Tumpu ka' ola sangkinihap belemiu opateimo, kalana ia motambuha' pojohinjit sumo apu. Mohumpak ka'ima'an na mian anu mihohung hi Tumpu!

MAZMUR 2:7

Notataemo na tomundo', “Ku bebakonmo apaa na anu tinantukanmo nu Tumpu. Ia notataemo hi belengku, ‘Beleyum ana-Ku mo'ane, sinaa aiya aku timbalimo Tuuma nu beleyum.

MATIUS 16:16

I Simon Petrus nontaami, “Kita Tuuma aijo'mo na Tomundo anu Momposalamat, Anak nu Tumpu Anu Tuumu'.”

MATIUS 27:54

Kapala nu pasukan nohingga-hinggat tiba to sulu-suludadu anu hau-haunyo monjagai Yesus, inabuhukmo hondo salatan nongoa'imo luulu' ka' iwi-iwi' anu jinadimo aijo'. Aha notatae, “Totu'u, Ia aiya Anak nu Tumpu!”

MATIUS 4:3

Ibilis tinoka ka' notatae, “Te Beleyum misa' Anak nu Tumpu Allah? Yo pokau na batu haha aiya timbali roti.”

MARKUS 16:16

Mian anu madi' palesaya o hukum. Panyo mian anu palesaya o palamandikan, da salamat.

LUKAS 1:35

Tinaaman nu malaikat aijo', “Roh nu Tumpu tokaje hi beleyum, ka' kuasa nu Tumpu monjagaije beleyum. Mokonyo sumo aitu, anak anu o hampe'akonto atina' osanggohi Susi', Anak nu Tumpu.

LUKAS 1:4

Kubau na aijo', da i Tuan monsumbu' saba' apaa na anu ingajanakonmo hi kita Tuan, memang totu'u.

LUKAS 24:47

Sumo aitu mule' i uno nu sanggo nu Tomundo anu Momposalamat aijo' tionyo ahi' pagala opoto'i hi iwi-iwi' bansa, saba' mian tionyo ahi' balatobat, ka' saba' Tumpu mongampunimo dosa'. Ka' lele aijo' tionyo ahi' pagala opoto'i, otampu'uni lengkat mae i Yerusalem.

YOHANES 1:49

“Kita Tuumangku Gulu',” na koonyo i Natanael, “Kita Tuuma Anak nu Tumpu! Kitamo Tuuma na Tomundo bansa nu Israel!”

YOHANES 10:10

Anu buling toka ola da mombuling, da mompatei tiba mongidei. Panyo Aku toka da mian mohumpak kantumuu'an – tumuu' molabi-labi.

YOHANES 19:35

Mian anu nositoa bauon aijo', iamo na nompoto'i han aijo' da komiu suele palesaya. Ka' anu sinakisiannyo aijo' totu'u, ka' nu sumbu' saba' aijo' memang totu'u.

YOHANES 20:28

I Tomas notatae hi Yesus, “Tumpungku ka' Tumpu Allah-ngku!”

YOHANES 3:18

Mian anu palesaya hi Ia madi' o hukum. Panyo anu madi' palesaya polo'mo i hukum nu Tumpu, kalana ia madi' palesaya hi Anak nu Tumpu anu sa'a-sa'angu'nyo.

YOHANES 3:36

Mian anu palesaya hi Anak aijo' tionyo mohumpak kantumuu'an talakana' ka' toka sidu-sidutu'. Panyo mian anu madi' montapali Anak aijo', madi' mohumpak kantumuu'an. Ia ohukum nu Tumpu sidu-sidutu'.

YOHANES 5:24

Totu-totu'u hondo na anu Kutaloakon aiya; mian anu mongintomakon potataeng-Ku, ka' palesaya hi Ia anu nonsai mae Aku, ko kantumuu'an anu talakana' ka' toka sidu-sidutu'. Ia madi' o hukum, ia nolapasmo lengkat i kapatean ka' nohumpakmo kantumuu'an.

YOHANES 6:40

Memang aiyamo na nuka'ima'i nu Tuumang-Ku: Da iwi-iwi' na anu montoa Anak ka' palesaya hi Ia ko kantumuu'an anu talakana' toka sidu-sidutu', ka' po'ule' Kupotumuu' i Sinaa Kakiamatan.”

SISIKON NU TO RASUL-RASUL 10:43

Iwi-iwi' to nabi-nabi motatae mongkona Ia. Aha notatae tukoonyo iwi-iwi' mian anu palesaya hi Yesus, o ampunije na dosa'nyo nu kakuasa'an lengkat hi Yesus.”

SISIKON NU TO RASUL-RASUL 3:16

To utu-utus nontoamo ka' nonsakisimo apaa na anu jinadimo tiba mian kapi' aiya. Ia po'ule'mo nahoson ka' sinehat kalana ia palesaya hi Yesus ka' kuasa-Nyo. Kalana palesaya hi Yesus, sahingga mian aiya po'ule'mo sinehat i ahop nu to Utu-utus iwi-iwi'.

SISIKON NU TO RASUL-RASUL 8:36

Hau-haunyo i lumambanan, aha tinokamo i sa'angu' na tampat anu ko ueenyo. Anu ko pangkat matangkas aijo' notatae, “Toa aijo' ko ueenyo! Apaa mule' na kulangnyo mompalamandikan aku?” [

SISIKON NU TO RASUL-RASUL 8:37

I Filipus notatae, “De Kita Tuan palesayamo totu-totu'u i kinyonyoa, Kita Tuan timbalimo o palamandikan.” “Aku palesayamo hi Yesus Kristus, aijo'mo Anak nu Tumpu Allah,” koonyo nu anu ko pangkat matangkas lengkat mae i Etiopia aijo'.]

SISIKON NU TO RASUL-RASUL 9:20

Ia lau-laus namba nokiijo' i to lai-laigan pogalejaan ka' mulai nompolele tukoonyo i Yesus aijo'mo na Anak nu Tumpu.

1 PETRUS 1:9

Kalana patuju nu iman nu beleyum anu totu-totu'u i humpakmo, atina'mo kasalamatan nu santuu' nu beleyum.

1 YOHANES 4:15

Ihe na mongakui tukoonyo i Yesus aijo' Anak nu Tumpu, Tumpu tumuu' nosa'angu'mo tiba mian aijo', ka' mian aijo' suele tumuu'mo mosa'angu' tiba Tumpu.

1 YOHANES 5:1

Mian anu pinalesayamo tukoonyo i Yesus aijo'mo na Tomundo anu Momposalamat anu jinanji'mo nu Tumpu, mian aijo' Anakmo nu Tumpu. Mian anu mongkalibosi tuumanyo, tuumanyo suele mongkalibosi anaknyo.

1 YOHANES 5:20

Osumbu'to saba' Anak nu Tumpu tinokamo ka' nompopangalati'mo kita, da kita monsumbu' Tumpu anu totu'u. Kita tumuu' nosa'angu'mo tiba Tumpu anu totu'u, ka' tumuu' mosa'angu'mo tiba Anak-Nyo i Yesus Kristus. Aiyamo na Tumpu anu totu'u, ka' aiyamo na kantumuu'an anu kopian ka' sampe toka sidu-sidutu'.

2 YOHANES 1:9

Mian anu madi' montoongi pangajalan i Kristus, ka' ola mule' monggeo-geoakon apaa na ingajanakonmo i Kristus, mian aijo' madi' ko Tumpunyo. Mian anu tataap i uno nu pangajalan i Kristus, alati'nyo daagi'mo ko Tumpu Tuuma ka' mule' Anak.

ANU PINOTO'I HI YOHANES 2:18

“Toka hi malaikat anu kiijo' hi jama'at nu Tiatira, tulismo sumo uuka: Aiyamo na potuunon lengkat mae hi Anak nu Tumpu, anu mata-Nyo moak sumo apu ka' tengke-Nyo mimboyai' sumo tambaga pinapuan.