YOHANES 20:28 - KITAB NU TUMPU ALLA LELE MA'IMAI'

²⁸ I Tomas notatae hi Yesus, “Tumpungku ka' Tumpu Allah-ngku!”

YOHANES 20:28 ပူးပေါင်းရင်းမြစ်များ

MAZMUR 45:11

O to Lalangkoyang nu tomundo' potombihing mae na potataengku kolilimimo na bansa tiba to sanga-sangalu nu beleyum.

MAZMUR 45:6

Pana' nu beleyum mata-matajom molampasmo sule nu mian anu mongewa mae beleyum, to bansa-bansa singkapmo motua' i ahop nu tengke nu beleyum.

YESAYA 25:9

Tempo'nyo aijo' mian motataemo, “Memang totu'u, Ia ahi' na Tumpu-nto; Iamo ahi' ia na anu ota-otanda'into, da kita oposalamat. Totu'umo ahi' aiyamo na Tumpu; Iamo ahi' ia na anu ota-otanda'into. Uuka aiya poloaismo lame-lame', kalana Ia momposalamatmo kita.”

YESAYA 7:14

Uuka aiya posi Tumpumo na mombee'i tanda hi belemiu samian na langkoyang poboa'mo ka' mompohampemo samian na anak mo'ane anu osanggohimo Imanuel.

YESAYA 9:6

Ia mompalentah salaku tomundo' lee' mae i Daud, kakuasa'annyo daka' hondo. Lipu'nyo saja'mo dame ka' mohumpakmo kantumuu'an ma'ima'; pamalentahannyo montoongi atulan tiba ka'adilan mulai uuka aiya sampe toka sidu-sidutu'. Tumpu Anu Daka' na Kuasanyo na tionyo mombau aijo'.

MALEAKHI 3:1

Tinaaman nu Tumpu Anu Daka' na Kuasanyo, “Ku saimo na anu Ku utus da momposadia jalan anu bau kajalanan-Ku. Sahingga monti-montiik Aku, Tumpu anu olio-lio nu belemiu tokamo i uno nu Laigan-Ku. Anu Ku utus o'i-o'indi nu belemiu aijo' tokamo mae lantas mombebakonmo palajanjian-Ku.”

MATIUS 14:33

Sahingga anu saja' mombatuki Yesus tinolodupu ka' nonsombah Ia. Aha notatae, “Totu'u Tumpu Anak nu Tumpu!”

LUKAS 24:52

Aha nonsombah Ia, lapas aijo' ninsusule'mo i Yerusalem, kinyonyoa nu aha ilame'mo hondo.

YOHANES 1:1

Momonanyo, ma'isa pe'e dunia pinotimbali, Potatae nu Tumpu Allah polo-polo'mo daagi'. Potatae nu Tumpu sa'a-sa'angu'mo tiba Tumpu ka' Potatae nu Tumpu sumo-sumomo Tumpu.

YOHANES 20:16

I Yesus notatae hi ia, “Maria!” I Maria nosiloi hi Yesus, lantas notatae i sisik nu Ibrani, “Rabuni!” (Alati'nyo “Gulu'”.)

YOHANES 20:27

Lapas aijo' koo-Nyo i Yesus hi Tomas, “Toa na limang-Ku, ka' posusuk na bua' nu limaum i aiya. Tajuakon mae na limaum ka' posusuk i sihung-Ku. Boli daagi' bata-bata, panyo palesayamo!”

YOHANES 20:29

Sahingga i Yesus notatae hi ia, “Te misa' o beleyum palesayamo kalana nontoamo Aku? Higahi na mian anu palesaya mau mule' madi' montoa Aku.”

YOHANES 20:31

Panyo iwi-iwi' aiya tinulis, da komiu palesaya taalu' i Yesus aijo' Tomundo anu Momposalamat, Anak nu Tumpu, ka' kalana palesaya hi Ia, komiu mohumpakmo kantumuu'an.

YOHANES 5:23

Nubau nu Tuuma sumo aijo' da iwi-iwi' na mian mongadati Anak sumo aha mongadati Tuuma. Mian anu madi' mongadati Anak, madi' suele mongadati Tuuma anu nonsai mae Anak.

1 TIMOTIUS 3:16

Madi' ko samian pe'e na madi' mangaku, palias na kinodaka'nyo na lahasia nu agamanto: Ia nompotoamo butong-Nyo i uno nu lupa sumo manusia, ka' pinonyata'mo totu-totu'u nu Roh nu Tumpu, tiba tinoamo nu to mala-malaikat. Lelenyo sinongkohakonnyomo i to bansa-bansa, ka' Ia opalesaya i songko-songko na dunia, ka' i hangkat nokiita' i suluga'.