YOHANES 20:27 - KITAB NU TUMPU ALLA LELE MA'IMAI'

²⁷ Lapas aijo' koo-Nyo i Yesus hi Tomas, “Toa na limang-Ku, ka' posusuk na bua' nu limaum i aiya. Tajuakon mae na limaum ka' posusuk i sihung-Ku. Boli daagi' bata-bata, panyo palesayamo!”

YOHANES 20:27 ပူးပေါင်းရင်းမြစ်များ

MAZMUR 78:38

Panyo Tumpu mongkalibosi ka' mongampuni mian anu palesayamo hi Ia, ka' madi'mo nompatei aha. Saja'mo ia nongintim tambuha'-Nyo, ka' madi' ahi' mompotudun pusanyo.

MATIUS 17:17

I Yesus nontaami, “Palias na komiu aiya! Komiu totu-totu'u to mia-mian anu palangues ka' madi' palesaya. Piangkuka na kopinnyo na Aku tionyo jojoong tiba komiu ka' monsabaanakon komiu? Boamae na anak aijo'!”

MARKUS 9:19

Sahingga i Yesus notatae hi aha, “Palias na komiu aiya! Komiu totu-totu'u mian anu madi' palesaya. Toka hi pian na Aku tionyo jojoong hingga-hinggat tiba komiu ka' sabaan hi komiu? Boamae na anak aijo'!”

LUKAS 24:39

Toa na limang-Ku ka' toa na tengkeng-Ku. Akumo na aiya da osumbu'. Kanyang ka' toa ima-ima', kalana setan madi' ko antoknyo kabai bukunyo sumo anu otoa miu hi beleng-Ku.”

LUKAS 24:40

I Yesus notatae sumo aijo' ka' nompotoa hi aha lima ka' tengke-Nyo.

LUKAS 9:41

I Yesus nontaami, “Palias na komiu aiya! Komiu totu'u to mia-mian anu tageo' ka' madi' palesaya! Toka ipian na aku tionyo jojoong hingga-hinggat komiu ka' sabaan hi komiu? Boa mae na anakum aijo' mo'uuka mae!”

YOHANES 20:20

Noko potatae sumo aijo', Ia nompotoa hi aha lima ka' sihung-Nyo. Tempo'nyo nontoa i Tumpu, aha ilame'mo hondo.

YOHANES 20:25

Sahingga anu saja' mombatuki Yesus sangga'at notatae hi Tomas, “Kami nontoamo i Tumpu!” Panyo i Tomas nontaami, “De ma'isa ku toa na pinompaku'an lima-Nyo, ma'isa ku susukakon na bua' nu limangku i anu bine-binelan nu paku aijo', ka' ma'isa ku susuk nu limangku na sihung-Nyo, madi' hondo aku mongka'oho' palesaya.”

YOHANES 20:28

I Tomas notatae hi Yesus, “Tumpungku ka' Tumpu Allah-ngku!”

ROMA 5:20

Anu nombee' atulan nu agama Yahudi aijo' posi Tumpu. Panyo lebe mian makeke montapali atulan aijo', lebe mule' aha molanggai ka' baladosa' hi Tumpu. Mau mule' mian lebe mombau dosa', Tumpu lebe mule' mongkalibosi aha.