YOHANES 20:26 - KITAB NU TUMPU ALLA LELE MA'IMAI'

²⁶ Ilapas sinaduminggu anu saja' mombatuki Yesus po'ule' mule' nokiijo' i tampat aitu, ka' kino i Tomasmo. Iwi-iwi' na tumban ginunsing. Panyo i Yesus tinoka ka' tinuminjo i totonga' nu aha lantas notatae, “Tabea' kasalamatan tinokamo hi komiu.”

YOHANES 20:26 ပူးပေါင်းရင်းမြစ်များ

YESAYA 26:12

O, Tumpu, Nu balakatimo mae na kami da mohumpak kantumuu'an anu ma'ima'; iwi-iwi' na anu obau mami, Belentomo na mombauakon apaa na anu opalalui mami.

YESAYA 27:5

Panyo de aha anu monsampobali' mian anu palesayamo hi beleng-Ku molio da Ku jagai na aha, sahanyo aha baladamemo tiba Aku, sampamo, baladame tiba Aku.”

YESAYA 54:10

Maumo to ahi' bungku-bungkutnyo ka' puge'nyo iwi-iwi' gayu'anmo, Aku madi' belenti na mongkalibosi beleyum. Paladamean anu jinanji'-Kumo saja' Ku toongi,” na koonyo nu Tumpu anu mongkalibosi beleyum.

MATIUS 17:1

Ilapas anon sinaa, i Yesus nomboamo i Petrus ka' i Yakobus tiba utusnyo i Yohanes, ola posi aha na nokiijo' i sa'angu' na bungkutnyo anu matangkas.

MARKUS 16:14

Kahimpusannyo, i Yesus nompotoa butongnyo hi aha sampulu' ka' sa'angu' na anu saja' mombatuki Ia, tempo'nyo aha hau-haunyo mongkaan. Ia nompokinde'i aha, kalana aha ma'isa talalo palesaya ka' talalo panggaga, sahingga madi' palesaya hi mian anu nontoamo i Yesus, tinumuu'mo.

LUKAS 24:36

Hau-haunyo aha daagi' basisik, monti-montiik i Yesus tinjo-tinjomo i totonga' nu aha ka' notatae, “Sinalamatmo na komiu!”

LUKAS 9:28

Kila-kila sa'angu' na duminggu noko lapas na i Yesus nongajanakon hahan aijo', Ia nomboa i Petrus, i Yohanes tiba i Yakobus i bawo nu sa'angu' na bungkutnyo da balado'a.

YOHANES 11:16

I Tomas anu osa-osanggohi “Hapi” notatae hi to sanga-sangalu nu anu mombatuki Yesus, “Imbo' da obatukinto, pojohokmo da kita mate hingga-hinggat tiba Ia!”

YOHANES 14:27

Kabilahian Kupo'una' hi komiu. Posi Kabilahian-Ku na Kubee' hi komiu. Anu kubee' aijo' misa' sumo anu binee' nu dunia hi komiu. Boli susa', boli mabuhuk.

YOHANES 20:19

Sinaa nu duminggu suele aijo' salatan i nalomo, anu saja' mombatuki Yesus sinilimu'mo i sa'angu' na laigan, panyo tumban kaho kinunsi, kalana aha mabuhuk hi anu mongkuasai Yahudi. Monti-montiik i Yesus tinokamo ka' tinuminjo i pohintonga'an nu aha ka' notatae, “Tabea', kasalamatan tinokamo hi komiu.”

YOHANES 20:21

Lantas i Yesus po'ule' notatae hi aha, “Tabea' kasalamatan tinokamo hi komiu. Sumo i Tuuma nonsai mae Aku, sumo aitu suele na aku monsai komiu.”

YOHANES 21:1

Lapas aijo' i Yesus po'ule' mule' nompotoa butongnyo i Dowiwi Tiberias hi anu saja' mombatuki Ia. Sumo uuka na jinadi:

YOHANES 21:14

Aiyamo na ko pintolunnyo i Yesus nompotoa butongnyo hi anu saja' mombatuki Ia, salatan Ia po'ule'mo tinumuu' lengkat i kasilakan-Nyo.

SISIKON NU TO RASUL-RASUL 1:3

Ilapas Ia sinilaka kopinnyo patom pulu' na sinaa Ia toto minsan saja' manintoa nyata-nyata' hondo hi to rasul-rasul aijo' pomponyata'-Nyo saba' Ia totu-totu'u tinumuu'mo. Aha nontoamo Ia, ka' Ia notataemo hi aha mongkona mosia na Tumpu mompalentah sumo Tomundo.