YOHANES 20:25 - KITAB NU TUMPU ALLA LELE MA'IMAI'

²⁵ Sahingga anu saja' mombatuki Yesus sangga'at notatae hi Tomas, “Kami nontoamo i Tumpu!” Panyo i Tomas nontaami, “De ma'isa ku toa na pinompaku'an lima-Nyo, ma'isa ku susukakon na bua' nu limangku i anu bine-binelan nu paku aijo', ka' ma'isa ku susuk nu limangku na sihung-Nyo, madi' hondo aku mongka'oho' palesaya.”

YOHANES 20:25 ပူးပေါင်းရင်းမြစ်များ

AYUB 9:16

De bisuannyo Nu taamimo salatan aku motatae, aku bata-bata, pa' totu'u ahi' Ia sanang na mohongo potataengku?

MAZMUR 22:16

Gogohongku notismo susumo kubengan nu palasilen jila'ku naningkampitmo i ngahangku. O Tumpu, pinala'ianmo nu Belento na aku aijo' i abu' susumo mian anu sinilakamo.

MAZMUR 78:32

Maumo sumo aijo' mian anu palesayamo hi Ia sabole-boleh ahi' mombau dosa', Ia nombau iwi-iwi' na anu okabangangi panyo madi' ahi' aha pinalesaya.

MATIUS 27:42

“Ia momposalamatakon mian sangga'at, padahan posi butong-Nyo, Ia madi' moko ala momposalamat! De Ia tomundo nu Israel, sahanyo Ia uuka mintau'mo lengkat mae i salib aijo', atina'je ka' kami mongka'oho' palesaya hi Ia.

MARKUS 16:11

Panyo salatan aha nohongo taalu' i Yesus tinumuu'mo, ka' taalu' i Maria nontoamo Ia, aha madi' palesaya.

MARKUS 16:13

Jadi aha ninsusule' ka' nonsisik han aijo' hi anu sangga-sangga'atannyo. Panyo aha madi' palesaya.

MARKUS 16:14

Kahimpusannyo, i Yesus nompotoa butongnyo hi aha sampulu' ka' sa'angu' na anu saja' mombatuki Ia, tempo'nyo aha hau-haunyo mongkaan. Ia nompokinde'i aha, kalana aha ma'isa talalo palesaya ka' talalo panggaga, sahingga madi' palesaya hi mian anu nontoamo i Yesus, tinumuu'mo.

LUKAS 24:25

Lantas i Yesus notatae hi aha, “Komiu memang ponga'! Talalo bata-bata na komiu mompalesaya iwi-iwi' anu tinaloakonmo nu to nabi-nabi!

YOHANES 1:41

Lia-lia' na i Andreas nolio i Simon utusnyo ka' notatae hi ia, “Kami siningkabotmo i Mesias!” (Mesias pokakanamo i Kristus, aijo'mo: Tomundo anu Momposalamat.)

YOHANES 20:27

Lapas aijo' koo-Nyo i Yesus hi Tomas, “Toa na limang-Ku, ka' posusuk na bua' nu limaum i aiya. Tajuakon mae na limaum ka' posusuk i sihung-Ku. Boli daagi' bata-bata, panyo palesayamo!”

YOHANES 21:7

Anu saja' mombatuki nunu kalibosi i Yesus notatae hi Petrus, “Aijo'mo na Tumpu!” Salatan i Simon Petrus nohongo taalu' aijo' i Tumpu, ia nompusok baju'nyo (kalana ia madi' nimbaju') balo nalalumpat nokaiyong i uee.

YOHANES 6:30

“Desumo aitu,” koonyo nu aha, “bukuti' apaa na anu timbali obee'to nu kita Tuuma da kami nontoa ka' palesaya hi kita Tuuma? Apaa na anu obaunto kita Tuuma?

IBRANI 3:12

To utu-utus, obala'ingati boli-boli daagi' ko anu itina' hi komiu samian na anu ko kinyonyoa ma'idek sumo aijo', ka' madi' palesaya totu-totu'u, sahingga ia po'ule'mo mobalik ka' matijo'onmo hi Tumpu anu tumuu'!

IBRANI 3:18

Tempo'nyo Tumpu binasumpa'mo sumo uuka, “Aha madi' timbali minsoop i lipu' aijo' da timbali mingkain tiba aku” – ihe mule' na anu kokoonyo nu Tumpu? Anu nunu patui aijo'mo to mia-mian anu notomuhukmo hi Tumpu, kabai misa'o?