YOHANES 20:2 - KITAB NU TUMPU ALLA LELE MA'IMAI'

² Sahingga ia nopadeka' nolio i Simon Petrus ka' anu saja' mombatuki nunu kalibosi Yesus, ka' notatae hi aha, “Tumpu ingalamo aijo' mae i pinolamunan, madi' kusumbu' pa' iya na pinonguna'an-Nyo.”

YOHANES 20:2 ပူးပေါင်းရင်းမြစ်များ

YOHANES 13:23

Anu saja' mombatuki nunu kalibosi Yesus suha-suhang i sohipi' i Yesus.

YOHANES 19:26

Salatan i Yesus nontoa tina-Nyo tiba anu saja' mombatuki nu Nu kalibosi tinjo-tinjo i kiijo', Ia notataemo hi tina-Nyo, “Kita Tina, aijo' na anak nu Kita Tina.”

YOHANES 20:13

To mala-malaikat haha aijo' nompokilawa, “Kita Tina, kadaka' humaang?” I Maria nontaami, “Tumpungku ingalamo, ka' madi' ku sumbu' pa' iya na pinonguna'an Ia.”

YOHANES 20:15

I Yesus nompokilawa hi ia, “Kita Tina, kadaka' humaang? Kita Tina molio ihe?” I Maria nonsangka aijo' topo bau ale', sahingga ia notatae, “Kita Tuuma, de kita Tuuma na nolalin Ia lengkat i aiya, tulungi poto'iakon mae hi belengku iya na pinonguna'an nu Kita Tuuma Ia, da ku ala na ia.”

YOHANES 20:9

Sangkutnyo tinoka tempo' aitu aha ma'isa nonsumbu' pa' apaa na anu tinulis i uno nu Kitab nu Tumpu tukoonyo Ia tionyo silaka, panyo po'ule' opotumuu'.)

YOHANES 21:20

Salatan i Petrus nosiloi, ia nontoa i hikunyo anu saja' mombatuki nunu kalibosi Yesus. (Iamo na anu sinumuhang oha-ohani Yesus tempo'nyo nongkaan, ka' anu nompokilawa hi Ia, “Ihe na saidi' mae monguwesani Tumpu?”)

YOHANES 21:24

Anu saja' mombatuki aijo' na mombee'i katalangan apaa na anu tinimbalimo aiya. Iamo ahi' na nontulis. Ka' osumbu'to saba' apaa na anu tinaloakonnyomo aijo' totu'u.

YOHANES 21:7

Anu saja' mombatuki nunu kalibosi i Yesus notatae hi Petrus, “Aijo'mo na Tumpu!” Salatan i Simon Petrus nohongo taalu' aijo' i Tumpu, ia nompusok baju'nyo (kalana ia madi' nimbaju') balo nalalumpat nokaiyong i uee.