YOHANES 20:19 - KITAB NU TUMPU ALLA LELE MA'IMAI'

¹⁹ Sinaa nu duminggu suele aijo' salatan i nalomo, anu saja' mombatuki Yesus sinilimu'mo i sa'angu' na laigan, panyo tumban kaho kinunsi, kalana aha mabuhuk hi anu mongkuasai Yahudi. Monti-montiik i Yesus tinokamo ka' tinuminjo i pohintonga'an nu aha ka' notatae, “Tabea', kasalamatan tinokamo hi komiu.”

YOHANES 20:19 ပူးပေါင်းရင်းမြစ်များ

MAZMUR 122:8

Kona hi to utu-utus ka' to sanga-sangalungku aku motatae, “O' amalakon da beleyum mohumpak kantumuuan ma'ima'!”

MATIUS 10:13

De to mia-mian i laigan aijo' montalima komiu, bakas da salan do'a miu tataap hi aha. Panyo de aha madi' montalima komiu, po'ule' o ala na salan do'a miu aijo'.

MATIUS 18:20

Kalana iya na mian ua'aha kabai totolu' na mogombu kalana Aku, Aku toka i totonga' nu aha.”

MARKUS 16:14

Kahimpusannyo, i Yesus nompotoa butongnyo hi aha sampulu' ka' sa'angu' na anu saja' mombatuki Ia, tempo'nyo aha hau-haunyo mongkaan. Ia nompokinde'i aha, kalana aha ma'isa talalo palesaya ka' talalo panggaga, sahingga madi' palesaya hi mian anu nontoamo i Yesus, tinumuu'mo.

YOHANES 14:27

Kabilahian Kupo'una' hi komiu. Posi Kabilahian-Ku na Kubee' hi komiu. Anu kubee' aijo' misa' sumo anu binee' nu dunia hi komiu. Boli susa', boli mabuhuk.

YOHANES 16:22

Sumo aitu mule' na komiu: Uuka komiu susa' na kinyonyoa, panyo Aku singkabotje mule' tiba komiu, sahingga kinyonyoaum po'ule'je lame'; ka' madi' ko samian pe'e na moko ala kalame'an aijo' i kinyonyoaum.

YOHANES 16:33

Iwi-iwi' aiya Ku taloakon da komiu mohumpak ka' ima'an, kalana mosa'angu' tiba Aku. I dunia komiu sansala, panyo potataap na kinyonyoa miu! Ihungku'ankumo na dunia!”

YOHANES 20:21

Lantas i Yesus po'ule' notatae hi aha, “Tabea' kasalamatan tinokamo hi komiu. Sumo i Tuuma nonsai mae Aku, sumo aitu suele na aku monsai komiu.”

YOHANES 20:26

Ilapas sinaduminggu anu saja' mombatuki Yesus po'ule' mule' nokiijo' i tampat aitu, ka' kino i Tomasmo. Iwi-iwi' na tumban ginunsing. Panyo i Yesus tinoka ka' tinuminjo i totonga' nu aha lantas notatae, “Tabea' kasalamatan tinokamo hi komiu.”

YOHANES 21:1

Lapas aijo' i Yesus po'ule' mule' nompotoa butongnyo i Dowiwi Tiberias hi anu saja' mombatuki Ia. Sumo uuka na jinadi:

YOHANES 21:14

Aiyamo na ko pintolunnyo i Yesus nompotoa butongnyo hi anu saja' mombatuki Ia, salatan Ia po'ule'mo tinumuu' lengkat i kasilakan-Nyo.

YOHANES 7:13

Panyo madi' ko samian pe'e na baani motatae i aho-ahop mongkona Ia, kalana aha mabuhuk hi anu mongkuasai Yahudi.

SISIKON NU TO RASUL-RASUL 1:3

Ilapas Ia sinilaka kopinnyo patom pulu' na sinaa Ia toto minsan saja' manintoa nyata-nyata' hondo hi to rasul-rasul aijo' pomponyata'-Nyo saba' Ia totu-totu'u tinumuu'mo. Aha nontoamo Ia, ka' Ia notataemo hi aha mongkona mosia na Tumpu mompalentah sumo Tomundo.

ROMA 15:33

O amalakon da Tumpu mombee'i mae kabilahian hi mian mombalakati komiu Utus iwi-iwi'. Amin.

1 KORINTUS 15:5

Pinoto'ingku mule' hi belemiu tukoongku i Kristus anu po'ule'mo pinotumuu' aijo' nompotoa suele butong-Nyo hi Petrus, ka' ilapas mule' hi sampulu' ka' ohua' na rasul.

EFESUS 2:14

Kalana i Kristus na nompodamemo kita. Ia nomposa'angu'mo to mia-mian nu Yahudi ka' to mia-mian misa' Yahudi tinimbalimo sa'a-sa'angu' na bansa. Mesen anu nongga'at aha i olotnyo, aijo'mo po'uwalian i hobo'akonmo i Kristus nu butong-Nyo kinolobanakon.

EFESUS 6:23

O amalakon da Tumpu Tuumanto, tiba i Tumpu Yesus Kristus mombee'i jalan da jama'at iwi-iwi' mosa'angu' ka' mompaha kali-kalibosi ka' saja' palesaya hi Kristus.

FILIPI 1:2

mongamalakon hi Tumpu Tuumanto ka' Tumpunto i Yesus Kristus mombee'i balakat ka' ka'ima'an hi komiu.

2 TESALONIKA 3:16

Tumpu pinolengkatan nu ka'ima'anto. O amalakon hi Ia da saja' mombee'i komiu ka'ima'an i uno nu iwi-iwi' na han. O amalakon da Tumpu saja' monjagai to Utu-utus iwi-iwi'.

IBRANI 7:2

Jadi, i Abraham nombee'imo i Melkisedek anu i humpaknyo namba nahampate binagi sampulu' na bagian, sambahagian na binee'nyo. (Sanggo i Melkisedek alati'nyo, anu momonanyo, “Tomundo nu Ka'adilan”; ka' kalana ia tomundo lengkat mae i Salem, sahingga sanggonyo alati'nyo mule' “Tomundo Ka'ima'an”.)

3 YOHANES 1:14

Kalana ku tutugi madi'mo pin po'ule'mo singkabot tiba komiu, ka' kita lewa'je basisik.

ANU PINOTO'I HI YOHANES 1:4

To utu-utus anu i jama'at popitu' i da'erah Asia! Aku, i Yohanes montaha'imani komiu da nubee'i balakat ka' ka'ima'an lengkat mae hi Tumpu – aitumo Ia anu polo-polo'mo daagi', anu daagi'mo, ka' anu sidu-sidutu' sabole-bole daagi' – ka' suele lengkat mae hi popitu' na roh anu daagi' i ahop nu kasuhangan nu Tumpu,