YOHANES 20:13 - KITAB NU TUMPU ALLA LELE MA'IMAI'

¹³ To mala-malaikat haha aijo' nompokilawa, “Kita Tina, kadaka' humaang?” I Maria nontaami, “Tumpungku ingalamo, ka' madi' ku sumbu' pa' iya na pinonguna'an Ia.”

YOHANES 20:13 ပူးပေါင်းရင်းမြစ်များ

ANU MOMPOLELE POTATAE NU TUMPU 3:4

Tumpu na nontantukan tempo'nyo da humang ka' tempo'nyo kumojo, tempo'nyo da montando'i ka' tempo'nyo monsalelei.

YEREMIA 31:16

Hokotmo bolimo humang ka' sapuimo na lolu' nu beleyum! Madi' ola palasuma na lawe nu belemiu nompalakai to ana-anak nu belemiu. Kona hi belemiu tantu ko hukuman anu obee' to ana-anak nu belemiu minsusule'mo mae lengkat i lipu' nu sampobali'.

LUKAS 24:17

Lantas i Yesus notatae, “Apaa na anu o sisik miu i tonga' nu jalan aiya?” Aha tinolotinjomo, panyo ohup nu aha molibos.

YOHANES 19:26

Salatan i Yesus nontoa tina-Nyo tiba anu saja' mombatuki nu Nu kalibosi tinjo-tinjo i kiijo', Ia notataemo hi tina-Nyo, “Kita Tina, aijo' na anak nu Kita Tina.”

YOHANES 2:4

I Yesus nontaami, “Kita tina boli mompokau Aku. Ma'isa toka na tempo'nyo Aku momponyata' butong-Ku.”

YOHANES 20:15

I Yesus nompokilawa hi ia, “Kita Tina, kadaka' humaang? Kita Tina molio ihe?” I Maria nonsangka aijo' topo bau ale', sahingga ia notatae, “Kita Tuuma, de kita Tuuma na nolalin Ia lengkat i aiya, tulungi poto'iakon mae hi belengku iya na pinonguna'an nu Kita Tuuma Ia, da ku ala na ia.”

YOHANES 20:2

Sahingga ia nopadeka' nolio i Simon Petrus ka' anu saja' mombatuki nunu kalibosi Yesus, ka' notatae hi aha, “Tumpu ingalamo aijo' mae i pinolamunan, madi' kusumbu' pa' iya na pinonguna'an-Nyo.”

SISIKON NU TO RASUL-RASUL 21:13

Panyo tinaamannyo, “Apaa na gunanyo kita Utus humaang sumo aiya sahingga monsaduakon kinyonyoangku ma'idekan? Aku noko sadiamo misa' ola da o hakop i kiijo' mae, panyo maumo o patei pe'e kalana i Tumpu Yesus.”

1 SAMUEL 1:8

Ka' toto minsan mule'langkai' nu aha i Elkana mompokilawamo, “Kadaka' beleyum madi'mo mongka'oho' mongkaan ka' saja'mo susa'? Temisa' aku na lebe ko angganyo hi beleyum molingkudui sampulu' na anak to momo'ane?”