YOHANES 2:4 - KITAB NU TUMPU ALLA LELE MA'IMAI'

⁴ I Yesus nontaami, “Kita tina boli mompokau Aku. Ma'isa toka na tempo'nyo Aku momponyata' butong-Ku.”

YOHANES 2:4 ပူးပေါင်းရင်းမြစ်များ

2 SAMUEL 16:10

Panyo notatae na i tomundo' hi Abisai ka' hi Yoab utusnyo tu'a, “Boli mohongo-hongo. Pojohokmo da nu totobi'akon mae na aku. Saba de Tumpu na mompokau ia, ihe na timbali moko ala mompokilawa, kadaka' ia nombaumo anu sumo aijo'?”

2 SAMUEL 19:22

Panyo i Daud notatae i Abisai, ka' hi Yoab utusnyo tu'a, “Boli mae monggalo'i pikilanku. Kadaka' belemiu momposusa'mo mae aku? Sinaa aiya aku po ule'mo binau tomundo' nu aha Israel ka' madi'mo timbali ko mian nu Israel anu ohukum mate.”

1 TOMU-TOMUNDO' 17:18

Lantas balu aijo' notataemo hi Elia, “O posaihon nu Tumpu Allah, kadaka' belento Tuumangku nombaumo anu sumo aiya hi belengku? Ku gantang kahanda' nu belento Tuuma toka mae hi belengku da nusumbu' nu Tumpu Allah na dosa'ku, sahingga anaku sinilakamo?”

ANU MOMPOLELE POTATAE NU TUMPU 3:1

Iwi-iwi na anu daagi' i dunia aiya jinadimo, tempo'nyo tinakanmo ahi' nu Tumpu.

MATIUS 15:28

Lantas aijo' i Yesus notataemo hi ia, “Kita Tina, totu'u daka' na palesayaum! Jadimo, apaa na anu nu ka'oho'!” Tempo'nyo aitu mule' anak boune aijo' i na'alinmo.

MATIUS 8:29

Aha nosabat lengkat mae i bolo' nu kubulan, ka' ko kihi-kihis, “Anak nu Tumpu, nu posiamo na kami? Te Belento kahanda'mo monsakisa kami mau mule' ma'isa pe'e tempo'nyo?”

LUKAS 2:49

Tinaaman i Yesus, “Kadaka' kita tuuma ka' kita tina molio Aku? Apaa kita tuuma ka' tina madi' monsumbu' saba' Aku tionyo daagi' i uno nu Laigan nu Tuumang-Ku?”

YOHANES 12:23

I Yesus notatae hi aha, “Tempo'nyomo Anak nu Mian opopodaka'.

YOHANES 13:1

Daagi' sansinaa tokaje na Sinaa Daka' nu Paskah, sinumbu'mo i Yesus taalu' tempo'nyo tokamo Ia mompala'imo dunia aiya minsusule'mo hi Tuuma-Nyo. Ia mongkalibosi to mia-mian anu tinimbalimo anu-Nyo i dunia, ka' Ia saja' mongkalibosi aha toka-toka i ka'ahenan-Nyo.

YOHANES 2:3

Salatan anggur ningkotmo, tina-Nyo notataemo hi Yesus, “Aha kinamingkotanmo i anggur.”

YOHANES 20:13

To mala-malaikat haha aijo' nompokilawa, “Kita Tina, kadaka' humaang?” I Maria nontaami, “Tumpungku ingalamo, ka' madi' ku sumbu' pa' iya na pinonguna'an Ia.”

YOHANES 20:15

I Yesus nompokilawa hi ia, “Kita Tina, kadaka' humaang? Kita Tina molio ihe?” I Maria nonsangka aijo' topo bau ale', sahingga ia notatae, “Kita Tuuma, de kita Tuuma na nolalin Ia lengkat i aiya, tulungi poto'iakon mae hi belengku iya na pinonguna'an nu Kita Tuuma Ia, da ku ala na ia.”

YOHANES 7:30

Tempo'nyo aitu aha kahanda'mo mohakop i Yesus, panyo madi' ko anu baani montongi Ia, kalana ma'isa pe'e tinoka na tempo'nyo.

YOHANES 7:6

“Ma'isa pe'e tempo'nyo kona hi beleng-Ku,” koo-Nyo i Yesus hi aha, “panyo komiu, yaya na tempo' timbali.

YOHANES 7:8

Posi lako'mo na komiu i lamean aijo'. Aku madi' mamba kalana misa' pe'e tempo'nyo kona hi beleng-Ku.”

YOHANES 8:20

Iwi-iwi' aijo' tinaloakon i Yesus tempo'nyo aitu Ia hau-haunyo nompogulu' i Laigan nu Tumpu, koko tampat nu doi anu o sombahkon. Panyo madi' ko samian pe'e na anu mohakop Ia, kalana misa' pe'e toka na tempo'nyo.

2 KORINTUS 5:16

Kalana aijo' kami madi'mo daagi' mongkila-kila mian susumo timbangan nu mian. Memang kami toho'mo nongkila-kila Kristus sumomo salaku ia mian, panyo uuka aiya madi'mo.

PO'ULE' INGULIT 33:9

Aha nontulutimo Belento, nolabimo han iwi-iwi', molabi tu'anyo nu aha ka' to utu-utus nu aha. Iwi-iwi' na palentah nu Belento tinulutanmo nu aha, palajanjian nu Belento binaumo nu aha.