YOHANES 2:2 - KITAB NU TUMPU ALLA LELE MA'IMAI'

² I Yesus tiba anu saja' mombatuki Ia suele tinaang da mamba i bau-bauon aijo'.

YOHANES 2:2 ပူးပေါင်းရင်းမြစ်များ

MATIUS 12:19

Ia madi' painggaga kabai moloboo', kabai ba'ande-ande i jala-jalan daka'.

MATIUS 25:40

Tomundo aijo' nontaami, ‘Da osumbu': tempo'nyo komiu mombau han aijo', mau pe'e hi sala'samian i to utu-utus-Ku anu talalo kanteles, alati'nyo komiu nombaumo hi beleng-Ku!’

MATIUS 25:45

Tomundo aijo' nontaami, ‘Da osumbu'mo: de komiu madi' ka'oho' montulungi, sala'samian anu talalo kanteles aiya, alati'nyo komiu madi' mongka'oho' montulungi Aku.’

YOHANES 2:12

Lapas aijo' i Yesus nambamo i Kapernaum tiba tina-Nyo, to utu-utus-Nyo, ka' anu saja' mombatuki Ia. Aha jinojoong kiijo' mae tino pia-piansinaamo na kopinnyo.

YOHANES 2:17

Sahingga anu saja' mombatuki Ia tinonginau'mo i ayat nu Kitab nu Tumpu sumo uuka, “Mongka'ima'i Laigan-To, o Tumpu, talalo saja' Ku inau' i kinyonyoang-Ku.”

YOHANES 2:22

Jadi, lapas aijo' salatan i Yesus po'ule'mo pinotumuu' lengkat i kinasilakaan-Nyo, tinonginau'je na anu saja' mombatuki Ia saba' han aijo' toho'mo tinaloakon-Nyo. Sahingga aha pinalesayamo hi apaa na anu tinulis i uno nu Kitab nu Tumpu, ka' apaa na anu tinaloakonmo i Yesus.

YOHANES 2:3

Salatan anggur ningkotmo, tina-Nyo notataemo hi Yesus, “Aha kinamingkotanmo i anggur.”

YOHANES 3:22

Lapas aijo' i Yesus tiba anu saja' mombatuki Ia nambamo i Yudea. Ia jinojoong mae kiijo' tino pia-piam pahu na kopinnyo tiba aha ka' nompalamandikan.

YOHANES 4:2

Sabenannyo i Yesus madi' nompalamandikan, panyo ola ahi' anu saja' mombatuki Ia.)

YOHANES 4:33

Sahingga anu saja' mombatuki Ia nontampu'unimo nompaha poki-pokilawa, “Te ko anu nomboai mae anu okaan hi Ia?”

YOHANES 6:12

Salatan iwi-iwi' nobosumo na nongkaan, i Yesus notatae hi anu saja' mombatuki Ia, “Limu' na labi nu anu kinaan haha aijo'; boli sampe ola o idei.”

YOHANES 6:16

Salatan sinaa montampu'unimo malom, anu saja' mombatuki Yesus nintudunmo nokaiyong i dowiwi.

YOHANES 6:60

Noko hongo potatae i Yesus aijo', da'isan na anu saja' mombatuki Ia nontaloakonmo, “Pokinde' aiya talalo maboat. Ihe na moko ala montalima!”

YOHANES 6:66

Lengkat pe'e tempo' aijo' manjoo' na anu saja' mombatuki Ia nompala'imo Ia, ka' madi'mo nongka'oho' po'ule' mombatuki Ia.

YOHANES 6:67

Lantas i Yesus nompokilawa hi sampulu' ka' ohua' na anu saja' mombatuki Ia, “Pa' komiu suele mompala'imo Aku?”

YOHANES 6:70

I Yesus nontaami, “Te misa' Aku na nompile'i komiu sampulu' ohua' na mian aiya? Panyo samian anu aiya hi komiu te roh anu ma'idek!”

YOHANES 6:71

Anu nunu patui nu potatae i Yesus, aijo'mo i Yudas anak i Simon Iskariot. Kalana mau mule' i Yudas minsoop sala' samian anu sampulu' ka' ohua' na anu saja' mombatuki Yesus, ia na mongkabisa'i Yesus.

YOHANES 6:8

Daagi' ko samian anu saja' mombatuki Yesus sangga'at, aijo'mo i Andreas, utus i Simon Petrus, notatae,

YOHANES 7:3

Sahingga to utu-utus i Yesus notatae hi Ia, “Pala'imo na tampat aiya ka' lako'mo i Yudea, da anu saja' mombatuki Beleyum timbali ahi' montoa kalajaum.

SISIKON NU TO RASUL-RASUL 11:26

Salatan siningkabotmo i Saulus, ia nomboamo i Saulus nokiijo' i Antiokhia ka' sinataun ahi' na aha nosa'angu' tiba jama'at kiijo' mae ka' nongajan da'isan na mian. Kiijo'mo i Antiokhia na to mia-mian anu palesayamo hi Yesus momonaje hondo sinanggohan to mia-mian Kristen.

SISIKON NU TO RASUL-RASUL 11:29

Sahingga iwi-iwi' anu saja' mombatuki Yesus nomposa'angu'mo tanga'an da mompakatu pontulungi hi to utu-utus anu jojoong i Yudea; toto samian mompakatu yayamo anu nu poko ala.

1 KORINTUS 10:31

Mau mule' apaa na obau nu kita Utus – kita Utus mongkaan kabai kita Utus monginum – baumo na aijo' iwi-iwi', bau pompopodaka' Tumpu.

1 KORINTUS 7:39

Samian na boune anu mo'osoamo totoongmo hi langkai'nyo, de langkai'nyo daagi' tumuu'. De langkai'nyo silakamo, boune aijo' bebasmo na mo'osoa mule' tiba mian anu nuka'ima'i, asan po'osoan aijo' po'osoan nu Kristen.

KOLOSE 3:17

Apaa na anu obau miu iwi-iwi' kabai otaloakon, aijo' obau ka' otaloakon, samata-mata kalana sanggo nu Tumpu Yesus. Montalima kase ahi' hi Tumpu Tuumanto, kalana apaa na anu binaumo i Yesus hi komiu.

IBRANI 13:4

Iwi-iwi' na mian tionyo ahi' mompotoa kalakuan mongadati po'osoan, mokonyo aijo' tionyo ahi' mo'ane bengkele' mompaha hongo-hongo samian ka' samian. Mian anu mombau anu mahenyu ka' mian anu masala' nu putusije nu Tumpu.

ANU PINOTO'I HI YOHANES 3:20

Toa! Aku tuminjo i ahop nu tumban ka' mongkutetek. De daagi' ko anu mohongo potataeng-Ku, ka' montuhea'akon tumban, Aku minsoopmo monsingkaboti ia; Aku mongkaanmo hingga-hinggat tiba ia ka' ia mongkaanmo hingga-hinggat tiba aku.