YOHANES 2:16 - KITAB NU TUMPU ALLA LELE MA'IMAI'

¹⁶ Lantas Ia notatae hi anu mobaluk tomonsi' malapati', “Hangkat na aiya iwi-iwi'. Boli opotimbali na Laigan nu Tuumang-Ku tampat badagangan!”

YOHANES 2:16 ပူးပေါင်းရင်းမြစ်များ

YEREMIA 7:11

Pa' belemiu monsangka Laigan-Ku aiya peta nu anu saja' montololangi? Iwi-iwi' na palabuatan nu belemiu tinoang-Kumo.

MATIUS 21:12

Lapas aijo' i Yesus ninsoop nokiijo' i Laigan nu Tumpu ka' nolaa' iwi-iwi' na mian anu mobalu-baluk i kiijo'. Ia nombalikakon to meja-meja' anu pontolosian doi, ka' to bangku-bangku nu anu mompobaluk tomonsi' malapati'.

MATIUS 21:13

Lantas Ia notataemo hi to mia-mian aijo', “I uno nu Kitab nu Tumpu tinulis, Tumpu notatae, ‘Laigan-Ku osanggohi laigan tampat balado'a.’ Panyo komiu mompotimbalimo petaa nu tololang!”

MATIUS 22:5

Panyo aha anu i laga aijo' madi' mompajuli. Aha namba i posi pakalaja'annyo toto samian – samian namba i ale'nyo, anu sangga'at namba i usahanyo;

MARKUS 11:17

Lapas aijo' i Yesus nongajanmo to mia-mian i kiijo'. Ia notatae, “I uno nu Kitab nu Tumpu tinulis sumo u'uka: Tumpu notatae, ‘Laiganku osanggohi laigan tampat balado'aan nu iwi-iwi' bansa'.’ Panyo komiu mompotimbali petaa nu tololang!”

LUKAS 2:49

Tinaaman i Yesus, “Kadaka' kita tuuma ka' kita tina molio Aku? Apaa kita tuuma ka' tina madi' monsumbu' saba' Aku tionyo daagi' i uno nu Laigan nu Tuumang-Ku?”

YOHANES 10:29

Tuumang-Ku anu nombee'mo aha hi beleng-Ku molingkudui iwi-iwi'. Ka' madi' ko samian pe'e moko agoi aha lengkat i lima nu Tuuma.

YOHANES 2:15

I Yesus nombau sa'angu' na pompohos, te kahohon na binau lantas nonsia'i binatang haha aijo', te domba ka' sapi' lengkat i uno nu Laigan nu Tumpu. Santo meja-meja' nu anu saja' montolosi doi pinosungkehet-Nyo, sahingga doi nu aha notatabumo noyaya.

YOHANES 20:17

“Boli o toongi na Aku,” koonyo i Yesus hi ia, “kalana Aku ma'isa noliba' namba hi Tuuma. Panyo lako'mo hi to utu-utus-Ku, ka' poto'iakon hi aha, taalu' uuka aiya Aku moliba'mo mamba hi Tuumang-Ku, ka' Tuumaum Tumpung-Ku, ka' Tumpuum.”

YOHANES 5:17

Panyo i Yesus notatae hi aha, “Tuumang-Ku saja' bakalaja toka-toka tempo' uuka, ka' Aku mule' suele mokalaja.”

YOHANES 8:49

I Yesus nontaami, “Aku madi' pininsoopan nu setan. Aku mongadati Tuumang-Ku, panyo komiu mompopo'ise' Aku.

1 TIMOTIUS 6:5

ka' po'uwalian anu madi'mo ko kamingkotannyo. Jalan pikilan nu mian haha aijo' pinu'otmo ka' madi'mo daagi' totu'u. Aha monsangka de bala agama moko timbali kaya.

2 PETRUS 2:3

Kalana aha mangoa, sahingga to gulu-gulu' anu madi' totu'u aijo' nonsisikakonmo hi belemiu to sisi-sisik anu o posi kalang da bau pohumpakan ka'untungan hi belemiu. Panyo anu momputusi monabu'akonmo hukuman hi aha pininmo na pinosadia, ka' kabinasa'an anu tinantukanmo bau bagi nu aha hau-haunyomo montanda'imo aha.