YOHANES 2:15 - KITAB NU TUMPU ALLA LELE MA'IMAI'

¹⁵ I Yesus nombau sa'angu' na pompohos, te kahohon na binau lantas nonsia'i binatang haha aijo', te domba ka' sapi' lengkat i uno nu Laigan nu Tumpu. Santo meja-meja' nu anu saja' montolosi doi pinosungkehet-Nyo, sahingga doi nu aha notatabumo noyaya.

YOHANES 2:15 ပူးပေါင်းရင်းမြစ်များ

ZAKHARIA 4:6

Malaekat aijo' nonsaimo aku da mamba mompotokakon hi Zerubabel potuunon nu Tumpu sumo uuka, “Misa' kalana kahosonan nu suludadu ka' mule' misa' posi kahosonan nu beleyum sahingga binala hasinmo, panyo ola ahi' kalana roh-Ku.

MATIUS 21:12

Lapas aijo' i Yesus ninsoop nokiijo' i Laigan nu Tumpu ka' nolaa' iwi-iwi' na mian anu mobalu-baluk i kiijo'. Ia nombalikakon to meja-meja' anu pontolosian doi, ka' to bangku-bangku nu anu mompobaluk tomonsi' malapati'.

YOHANES 18:6

Tempo'nyo i Yesus notatae hi aha, “Akumo na Ia,” aha iwi-iwi' nambasule'mo ka' tinolubuk i tano'.

YOHANES 2:14

I Laigan nu Tumpu i Yerusalem, Ia nontokai anu saja' mompobaluk sapi', domba tiba tomonsi' malapati'; ka' anu saja' montolosi doi sinumuhang i kiijo'.

YOHANES 2:16

Lantas Ia notatae hi anu mobaluk tomonsi' malapati', “Hangkat na aiya iwi-iwi'. Boli opotimbali na Laigan nu Tuumang-Ku tampat badagangan!”

SISIKON NU TO RASUL-RASUL 27:32

Kalana aijo' to sulu-suludadu nombotu'i segot nu sikusi aijo', sahingga sikusi aijo' na'anjumo.

2 KORINTUS 10:4

Posadiaon toongon anu opake mami i uno nu usaha mami misa' posadiaon toongon nu dunia aiya, panyo posadiaon toongon nu Tumpu Allah, anu matangkas na kuasa-Nyo. Tiba posadiaon toongon haha aijo' kami monggalisi to bente-benteng; pompedas mami de kami painggagamo,