YOHANES 2:13 - KITAB NU TUMPU ALLA LELE MA'IMAI'

¹³ Tempo'nyo Sinaa Daka' Paskah nu Yahudi malia'mo toka, i Yesus namba i Yerusalem.

YOHANES 2:13 ပူးပေါင်းရင်းမြစ်များ

NEHEMIA 13:8

Aku notambuha'mo hondo ka' pinaha alinkumo nokiijo' i sambiha'nyo iwi-iwi' na pakakas i Tobia.

MATIUS 21:12

Lapas aijo' i Yesus ninsoop nokiijo' i Laigan nu Tumpu ka' nolaa' iwi-iwi' na mian anu mobalu-baluk i kiijo'. Ia nombalikakon to meja-meja' anu pontolosian doi, ka' to bangku-bangku nu anu mompobaluk tomonsi' malapati'.

MARKUS 11:15

Salatan aha tinokamo i Yerusalem, ka' i Yesus namba mule' i Laigan nu Tumpu. I kiijo' Ia nontampu'uni nolaa' iwi-iwi' na mian anu mobaluk ka' mongoli i tampat aijo'. Ia nombali-balikakon to meja-meja' nu anu montolosi doi, ka' to kasu-kasuhangan nu anu mompobaluk tomonsi' malapati.

LUKAS 19:45

I Yesus ninsoop i Laigan nu Tumpu, ka' i laa'nyo na to daga-dagang i kiijo'.

LUKAS 2:41

Sataun toka sataun tu'anyo i Yesus namba i Yerusalem molame'akon Sinaa Daka' Paskah.

YOHANES 11:55

Tempo'nyo aitu ohanimo na Sinaa Daka' Paskah Yahudi. Da'isan na mian nolengkat mae i kampung ise' nambamo i Yerusalem mombau adat mombaso'i butong da ma'isa pe'e lamean aijo' toka.

YOHANES 13:1

Daagi' sansinaa tokaje na Sinaa Daka' nu Paskah, sinumbu'mo i Yesus taalu' tempo'nyo tokamo Ia mompala'imo dunia aiya minsusule'mo hi Tuuma-Nyo. Ia mongkalibosi to mia-mian anu tinimbalimo anu-Nyo i dunia, ka' Ia saja' mongkalibosi aha toka-toka i ka'ahenan-Nyo.

YOHANES 2:23

Hau-haunyo i Yesus kiijo' i Yerusalem tempo'nyo Molame'akon Paskah, da'isan na mian pinalesaya hi Ia kalana nombaumo anu okabangangi.

YOHANES 5:1

Lapas aijo' daagi' ko lamean nu Yahudi, sahingga i Yesus nambamo i Yerusalem.

YOHANES 6:4

Tempo'nyo aitu ohanimo na Sinaa Daka' nu Paskah Yahudi.

PO'ULE' INGULIT 16:16

Iwi-iwi' na to momo'ane nu aha Israel tionyo ahi' toka mae monsombah Tumpu Allah nu belemiu i tampat anu pinile'an-Nyomo sataun pintolun aijo'mo i Sinaa Lamean nu Paskah, i Lamean Monsawe' gandum, tiba Lamean Tahop o atopi nu Hon nu kau'. Batu-batu mian tionyo ahi' momboa palasombahan.