YOHANES 2:12 - KITAB NU TUMPU ALLA LELE MA'IMAI'

¹² Lapas aijo' i Yesus nambamo i Kapernaum tiba tina-Nyo, to utu-utus-Nyo, ka' anu saja' mombatuki Ia. Aha jinojoong kiijo' mae tino pia-piansinaamo na kopinnyo.

YOHANES 2:12 ပူးပေါင်းရင်းမြစ်များ

MATIUS 11:23

Ka' komiu, Kapernaum! Apaa komiu timbali opotangkas toka i suluga'? Madi'! Ola komiu o alin mokiijo' i naraka! Kalana ande-andenyo anu okabangangi binau atina' hi komiu, aijo' binaumo i Sodom, Sodom aijo' daagi' sampe tempo' uuka aiya?

MATIUS 12:46

Hau-haunyo i Yesus daagi' notatae tiba mian da'isan, tinoka na tinanyo ka' to utu-utus-Nyo. Aha tinuminjo i sambiha'nyo ka' binala usaha da timbali basisik tiba Ia.

MATIUS 4:13

Ia nompala'imo Nazaret, lantas jinojoongmo i Kapernaum i biwi nu Dowiwi Galilea i tano' nu Zebulon tiba Naftali.

MARKUS 6:3

Te misa' Ia aiya tukang anu saja' mombau pakakas nu laigan, Anak i Maria, ka' utus i Yakobus, i Yoses, i Yudas ka' i Simon? Memang to utu-utus-Nyo boune pe'e jojoong i aiya suele.” Kalana aijo' aha madi' nontalima Ia.

YOHANES 2:2

I Yesus tiba anu saja' mombatuki Ia suele tinaang da mamba i bau-bauon aijo'.

YOHANES 4:46

Lapas aijo' i Yesus ninsusule'mo i Kana i tano' nu Galilea, kiijo' mae Ia toho'mo nongabali' uee tinimbali anggur. I kota kiijo' daagi' ko samian anu ko pangkat bakalaja i pamalentah, anaknyo hau-haunyo masakit kiijo' i Kapernaum.

YOHANES 6:17

Lantas aha sinumake'mo i duangan motaapmo i dowiwi aijo' mokiijo' i Kapernaum. Sinaa i nalomo, panyo i Yesus ma'isa pe'e tinoka hi aha.

1 KORINTUS 9:5

Te aku madi' ko hak momboa samian na bengkele' Kristen mojajalan tiba aku, momoya susumo anu binaumo nu to Utu-utus i Tumpu Yesus ka' to rasul-rasul sangga'atannyo, sagala i Petrus?

GALATIA 1:19

Aku madi' nompahakabot tiba to rasul-rasul sangga'at ola samata-mata i Yakobus, utus nu Tumpu.