YOHANES 2:11 - KITAB NU TUMPU ALLA LELE MA'IMAI'

¹¹ Aijo'mo na anu okabangangi momonanyo binau i Yesus. Binaunyo na aijo' i Kana i tano' nu Galilea. Tiba tanda aijo' Ia nompotoamo katalasanggoan-Nyo. Sahingga anu saja' mombatuki Ia, pinalesayamo hi Ia.

YOHANES 2:11 ပူးပေါင်းရင်းမြစ်များ

1 TOMU-TOMUNDO' 17:24

Tinaaman nu balu' aijo', “Aiyaje ka'sinumbu'ku taalu' belento Tuuma posaihon mae nu Tumpu Allah, ka' anu otaloakon nu belento Tuuma memang totu'u lengkat mae hi Tumpu!”

MAZMUR 72:19

Opuji' na sanggo-Nyo anu talasanggo sampe toka sidu-sidutu'; o'amalakon da songko-songko na dunia mobuke nu anu mompotalasanggo Ia! Jadimo mae sumo uuka, Amin!

MAZMUR 96:3

Sisikakon na Ia aijo' talasanggo hondo hi to bansa-bansa, ka' apa-apaa na palabuatan-Nyo anu talalo hondo daka'.

NOSABATMO 14:31

Salatan mian nu Israel nontoamo mosia na kodaka'nyo na kuasa nu Tumpu nohungku'imo mian nu Mesir, aha binangangmo hondo sahingga pinalesayamo hi Ia ka' hi Musa, posaihon-Nyo aijo'.

NOSABATMO 4:9

De aha ma'isa mule' mongka'oho' palesaya hi beleyum mau mule' nontoamo ohua' na anu okabangangi aiya, ka' aha madi' mongka'oho' montapali potatae nu beleyum, ala sangkiding na uee nu Kaunyo nu Nil ka' dudu'akon i tano'. Uee aijo' mongabali' timbalimo baso'.”

ANU MOMPOLELE POTATAE NU TUMPU 9:7

Donganmo pongkaan ka' balame-lame'; inumo sana-sanang na kinyonyoa na anggur nu belemiu, Tumpu madi' kabalatan pakalaus Ia ahi' situju.

YESAYA 40:5

Sahingga kaholomatan nu Tumpu oponyata'mo; iwi-iwi' na manusia monsakisimo. Totu-totu'u, Tumpu binalajanji'mo!”

MALEAKHI 2:2

O adati mae na Aku nu palabuatan nu belemiu. De belemiu madi' mongka'oho' mompotombihing potataeng-Ku, belemiu Ku kutukimo. Iwi-iwi' na anu ihumpakmo nu belemiu salaku lejeki obali'mo timbali kutuk. Memang ahi' iwi-iwi' na anu toto ima-ima' aijo' kinutukan-Kumo kalana belemiu madi' montapali palentang-Ku.

YOHANES 1:14

Potatae nu Tumpu tinimbalimo mian, Ia jinojoongmo aiya hi kita, ka' kita nontoamo katalasanggoan-Nyo. Katalasanggoan-Nyo tinalimanyomo salaku anak sa'a-sa'angu'nyo nu Tuuma. Kalana Ia, sahingga kita nontoamo Tumpu ka' kalibosan-Nyo hi kita.

YOHANES 1:17

Atulan nu Tumpu otalimanto hi Musa. Panyo liibos ka' kanonongan nu Tumpu pinonyata'-Nyomo hi Yesus Kristus.

YOHANES 1:43

Dodododopnyo i Yesus nompatikolomo namba i Galilea. Ia siningkabot ka' i Filipus, ka' notatae hi ia, “Imbo' batuki na Aku!”

YOHANES 1:50

I Yesus notatae, “Beleyum palesaya, ola kalana Aku nontaloakonmo tukoongku Aku nontoamo beleyum i patu nu kau' ara aijo'? Hahan anu lebe daka' molingkudui aitu nutoaje!”

YOHANES 10:41

Da'isan na mian tinoka hi Ia. Aha notatae, “I Yohanes madi' mombau anu okabangangi, panyo iwi-iwi' tinaloakonnyomo mongkona mian aiya totu'u.”

YOHANES 11:15

Panyo Aku mule' sanang, kalana madi' kino Akunyo kiijo' mae, kalana lebee ma'ima' hi komiu da komiu timbali palesaya. Imbo'mo da kita mamba uuka hi Lazarus.”

YOHANES 11:47

Kalana aijo' to mia-mian nu Farisi tiba to Kapala-kapala nu imam nombau sale' tiba Mian Kopian Daka' nu Agama. Aha notatae, “Apaa na tionyo obaunto? Mian aijo' mombau manjoo' na anu okabangangi!

YOHANES 12:18

Aijo' na sababnyo mian da'isan aijo' namba hi Yesus, kalana aha nohongo taalu' Iamo na nombau anu okabangangi aijo'.

YOHANES 12:37

Mau mule' manjoo'mo na anu okabangangi binau i Yesus i ahop nu aha, aha madi' palesaya hi Ia.

YOHANES 12:41

I Yesus notatae sumo aijo' kalana ia nontoamo kadaka'an i Yesus, ka' nonsisikmo mongkona Ia.

YOHANES 14:13

Ka' mau mule' pa' apaa na o poita miu de momboa sanggong-Ku, aijo' tionyo Kubee' bau bagi nu belemiu, da kalana anak, Tuuma opopodaka'.

YOHANES 16:27

Kalana posimo Tuuma na mongkalibosi komiu. Ia mongkalibosi komiu, kalana komiu mongkalibosi Aku, ka' palesaya saba' Aku lengkat mae hi Tumpu.

YOHANES 16:30

ka' osumbu' mami te Tumpu monsumbu' iwi-iwi'. Madi' pilenje samian mompokilawa apa-apaa hi Tumpu. Kalana aijo' opalesaya mami Tumpu nolengkat mae hi Tumpu.”

YOHANES 2:1

Kino uwansinaanyo daagi' ko bau-bauon po'osoan i kota Kana i tano' nu Galilea, ka' tina i Yesus daagi' i kiijo' mae.

YOHANES 2:23

Hau-haunyo i Yesus kiijo' i Yerusalem tempo'nyo Molame'akon Paskah, da'isan na mian pinalesaya hi Ia kalana nombaumo anu okabangangi.

YOHANES 3:2

Ia tinoka pihi-pihi hi Yesus ka' notatae, “Tuumangku Gulu', osumbu' mami na Kita Tuuma sinai mae nu Tumpu. Kalana madi' ko samian anu moko ala mombau anu okabangangi susumo anu binau nu Kita Tuuma, de Tumpu madi' montombaya'i ia.”

YOHANES 4:3

Salatan sinumbu'mo i Yesus na to mia-mian nu Farisi nohongomo lele aijo', Ia namba nompala'i Yudea ninsusule' i Galilea.

YOHANES 4:46

Lapas aijo' i Yesus ninsusule'mo i Kana i tano' nu Galilea, kiijo' mae Ia toho'mo nongabali' uee tinimbali anggur. I kota kiijo' daagi' ko samian anu ko pangkat bakalaja i pamalentah, anaknyo hau-haunyo masakit kiijo' i Kapernaum.

YOHANES 4:54

Aijo'mo na anu okabangangi ko ohua'nyo anu binau i Yesus i Galilea salatan Ia tinokamo lengkat mae i Yudea.

YOHANES 5:23

Nubau nu Tuuma sumo aijo' da iwi-iwi' na mian mongadati Anak sumo aha mongadati Tuuma. Mian anu madi' mongadati Anak, madi' suele mongadati Tuuma anu nonsai mae Anak.

YOHANES 6:14

Salatan tinoa nu mian da'isan na anu okabangangi binau i Yesus, aha notataemo, “Totu'u aiyamo na Nabi anu ota-otanda'i toka i dunia!”

YOHANES 6:2

Salatan tinokamo i kiijo' da'isan na mian nombatukimo Ia, kalana aha nontoamo anu okabangangi binau-Nyo, i nompa'alin to mia-mian masakit.

YOHANES 6:26

I Yesus nontaami, “Totu'u, komiu molio Aku, misa' kalana komiu nonsumbu'mo alati'nyo nu anu okabangangi binaung-Ku, panyo kalana komiu nobosumo na nongkaan.

YOHANES 6:30

“Desumo aitu,” koonyo nu aha, “bukuti' apaa na anu timbali obee'to nu kita Tuuma da kami nontoa ka' palesaya hi kita Tuuma? Apaa na anu obaunto kita Tuuma?

YOHANES 7:31

Da'isan na mian anu i kiijo' montampu'unimo palesaya hi Ia, ka' notatae, “De Tomundo anu Momposalamat aijo' tokamo, ugaat Ia na timbali mombau lebe manjoo' na anu okabangangi molingkudui mian aiya?”

YOHANES 9:16

To pia-pingkuka na mian nu Farisi haha aijo' notatae, “Madi' bisa mian anu nombau aiya nolengkat mae hi Tumpu, kalana Ia madi' mompajuli sinaa nu Sabat.” Panyo mian sangga'at notatae, “Iya na timbali mian anu baladosa' mombau anu okabangangi sumo aiya?” Lantas tinimbali painggagaan hi posi-posi aha.

2 KORINTUS 3:18

Uuka aiya ohupto iwi-iwi' madi'mo kinukumbungan nu kukumbung, ka' kita monjingkakonmo lonyingkaban nu i Tumpu Yesus. Ka' kalana aijo' kita saja' obali'i susumo ia lebe pin lebe timbalimo lonyingkaban na kita. Anu mompolonyingkaban aijo' lengkat mae hi Roh, ka' Roh aijo'mo na Tumpu.

2 KORINTUS 4:17

Ka' kasusa'an anu madi' tala-talalomo sumo aiya, anu o'oa'i mami ola sasaingoni', mompodaagi'je hi kami sa'angu' na kabilahian anu madi' ko gampanyo ka' sampe toka sidu-sidutu'. Kabilahian aijo' lebe daka' molingkudui kasusa'an ai-aijo'.

2 KORINTUS 4:6

Tumpu na notatae, “Tionyo ahi' lengkat i uno nu pintung bete'mo na jingka,” Tumpu ai-aijo'mo na nompobete' jingka aijo' i uno nu kinyonyoanto, da pikilanto timbali majingka ka' monsumbu' kalonyingkaban nu Tumpu anu i lonyingkabanmo hi ohup i Kristus.

PO'ULE' INGULIT 5:24

Aha notatae, ‘Tumpu Allah-nto nompotoamo kakuasa'an-Nyo ka' katalasanggoan-Nyo tempo'nyo kami nohongomo Ia notatae i uno nu apu. Sinaa aiya kami nonsakisimo taalu' memang timbali na manusia tataap tumuu', maumo Tumpu Allah notataemo hi ia.

1 YOHANES 5:13

Aku nontulis toka hi komiu anu pinalesayamo hi Anak nu Tumpu Allah, da osumbu' miu saba' komiu ko kantumuu'anmo kopian ka' sampe toka sidu-sidutu'.