YOHANES 19:9 - KITAB NU TUMPU ALLA LELE MA'IMAI'

⁹ Sahingga ia po'ule' ninsoop i laigan daka', ka' salatan i Yesus pinosoopmo, i Pilatus nompokilawamo hi Ia, “Beleyum nolengkat mae iya?” Panyo i Yesus madi' nontaami.

YOHANES 19:9 ပူးပေါင်းရင်းမြစ်များ

YESAYA 53:7

Talalo ahi' pinoko idek na nombau ia, panyo tinanggung nyomo ahi' nu sabaan. Ia madi' nombuka' nganga'nyo susumo anak nu domba anu oboamo i pongkolotan kabai tina nu domba anu okiismo na bulunyo.

MATIUS 26:63

Panyo i Yesus ola nomohokot. Po'ule' mule' Imam Daka' notatae hi Ia, “Tiba sanggo nu Tumpu anu tumuu', taeakon mae hi kami, apaa Beleyum Tomundo anu Momposalamat, Anak nu Tumpu?”

MATIUS 27:27

Lapas aijo' to Sulu-suludadu i Pilatus nomboamo i Yesus ninsoop i laigan daka' nu gubernur, ka' iwi-iwi' na pasukan sinilimu'mo nontiikubi Yesus.

LUKAS 23:9

Kalana aitu i Herodes nompokilawa manjoo' hi Ia, panyo i Yesus madi' hondo nontaami.

YOHANES 18:28

Subu-subu hondo aha nomboa i Yesus lengkat mae laigan i Kayafas namba i laigan nu gubernur. To mia-mian nu Yahudi madi' ninsoop i uno nu laigan daka', da aha madi' mahenyu susumo koonyo nu agama, kalana aha kahanda'mo mongkaan kaanon nu Paskah.

YOHANES 18:33

I Pilatus po'ule' ninsoop i laigan ka' nolaga i Yesus, lantas nompokilawa, “Pa' totu'u Beleyum Tomundo' nu mian Yahudi?”

YOHANES 18:34

I Yesus nontaami, “Pa' posi pikilanum na mompokilawa aiya kabai mian sangga'at anu nompoto'imo hi beleyum mongkona Aku?”

YOHANES 18:37

Lantas i Pilatus nompokilawamo hi Ia, “Desumo aitu Beleyum tomundo'?” I Yesus nontaami, “Beleyum notatae, Aku aiya tomundo'! Aku i hampe ka' tinoka i dunia daagi' ko sa'angu' na kahanda' aijo'mo mombee'i katalangan mongkona kahondoan. Mian anu lengkat mae i kahondoan aijo' mohongo Aku.”

YOHANES 19:10

Sahingga i Pilatus po'ule' notatae, “Beleyum madi' mongka'oho' motatae hi belengku? Da osumbu' aku ko kuasa mompobebas Beleyum ka' kuasa monsalib Beleyum!”

YOHANES 19:8

Salatan i Pilatus nohongo potatae nu aha sumo aijo', ia nompaka pabuhukmo mule'.

YOHANES 8:14

I Yesus nontaami, “Mau mule' Aku mombee'i katalangan mongkona posi butong-Ku, katalangan-Ku aijo' totu'u; kalana Ku sumbu' na pinolengkatan-Ku mae ka' moya na kalambanan-Ku. Komiu madi' monsumbu' lengkat mae iya na Aku tinoka ka' moya na Aku mamba.

FILIPI 1:28

Tionyo ahi' komiu saja' baani; boli mabuhuk hi sampo bali' miu, tiba jalan anu sumo aijo' komiu momponyata'mo saba' aha tantu saidi' mae mahungku'mo, ka' komiu na saidi' mae untungmo, kalana posi Tumpu Allah na mombee'i ka'untungan hi komiu.

TO MIA-MIAN KOPIAN 13:6

Lapas aijo' bengkele' i Manoah nambamo hi langkai'nyo ka' notatae, “O langkai'ku, daagi' ko posaihon nu Tumpu Allah tinoke hi belengku; mimbalu-balu' susumo malaekat nu Tumpu Allah sahingga aku nabuhukmo. Aku madi' nompokilawa pa' lengkat mae iya na ia, ka' ia mule' madi' nompoto'i sanggonyo hi belengku.