YOHANES 19:6 - KITAB NU TUMPU ALLA LELE MA'IMAI'

⁶ Salatan to kapa-kapala nu imam, ka' ponjaga-ponjaga aijo' nontoa i Yesus, aha noloboo'mo, “Salibmo na Ia! Salibmo na Ia!” I Pilatus notatae hi aha, “Ala na Ia, ka' komiumo na mosi salib, aku madi' nohumpak sa'angu' pe'e na kasala'an hi Ia.”

YOHANES 19:6 ပူးပေါင်းရင်းမြစ်များ

MATIUS 26:58

Najo'on na i Petrus nombatuki Yesus sampe tinoka i natan nu laigan nu Imam Daka'. Lantas i Petrus ninsoop i uno nu natan aijo' ka' sinumuhang hingga-hinggat tiba anu monjagai. Ia mongka'oho' monsumbu, mosia na ka'ahenannyo iwi-iwi' aijo' saidi' mae.

MATIUS 27:22

“Desumo aitu, apaa na kubau hi Yesus anu osanggohi Kristus?” i Pilatus nompokilawa hi aha. “Salibmo na Ia!” tinaaman nu aha iwi-iwi'.

MATIUS 27:24

Ahennyo i Pilatus tinonginau', saba' ia madi'mo timbali moko ala mombau apa-apaa, ka' to mia-mian haha aijo' ugaat motomuhukmo. Jadi ia nongala uee lantas i ahop nu mian da'isan aijo', ia nombaso'imo limanyo ka' notatae, “Aku madi' mangaku ko sala'nyo i kapatean nu mian aiya! Aijo' ulusan miu!”

LUKAS 23:4

Lantas koonyo i Pilatus hi kapala nu to ima-imam, ka' hi mian da'isan aijo', “Aku madi' nohumpak sa'angu' pe'e na kasala'an hi Mian aiya, da o hukum na Ia.”

YOHANES 18:3

Saba' i Yudas namba i tampat aijo' nomboa sanggombu na suludadu Romawi tiba to pia-piangkuka na ponjaga Laigan nu Tumpu anu pinokau nu kapala nu ima-imam tiba to mia-mian Farisi. Aha nomboa toongon pimuhuk, sulu', tiba potong.

YOHANES 18:31

I Pilatus notatae hi aha, “Alamo na Ia ka' putusimo na palakala-Nyo, susumo koonyo nu posi atulan miu!” Panyo to mia-mian nu Yahudi aijo' nontaami, “Kami madi' timbali mohukum mate mian.” (

YOHANES 18:38

I Pilatus nompokilawa hi Ia, “Apaa na poso'nyo nu kahondoan?” Lantas i Pilatus po'ule' nosabat lengkat i laigan aijo' ka' notatae hi to mia-mian nu Yahudi, “Aku madi' nohumpak sa'angu' pe'e na kasala'an hi Ia.

YOHANES 19:15

Aha nolo-noloboo'mo, “Pateimo na Ia! Pateimo na Ia! Salibmo na Ia!” I Pilatus nompokilawa, “Tionyo ku salibmo na tomundo miu?” To kapa-kapala nu imam nontaami, “Samata-mata i Kaisar na tomundo mami!”

YOHANES 19:4

Lapas aijo' i Pilatus po'ule' mule' nosabat ka' notatae hi mian da'isan aijo', “Toa! Aku nonsabatakonmo i sambiha'-Nyo hi komiu, da osumbu' miu aku madi' nohumpak sa'angu' pe'e na kasala'an hi Ia.”

SISIKON NU TO RASUL-RASUL 2:23

Posi pongka'oho'-Nyo na Tumpu nomputusi da obee' na i Yesus hi komiu. Ka' salatan binee' na Ia, komiu nompateimo Ia ka' nompojohokmo to mia-mian ma'idek nonsalib Ia.

SISIKON NU TO RASUL-RASUL 7:52

Apaa daagi' ko nabi anu madi' sinakisa nu mompolee' miu? Aha nompateimo to posa-posaihon nu Tumpu anu u'utu pe'e mae nombebakonmo tukoonyo. Posaihon nu Tumpu anu totu'u, tokaje mae. Ka' uuka aiya komiu nongkabisa'imo ka' nompateimo Posaihon nu Tumpu aijo'.