YOHANES 19:40 - KITAB NU TUMPU ALLA LELE MA'IMAI'

⁴⁰ Ua-ua'aha na mian aijo' nongala bangke' i Yesus ka' sinaputnyo na butong-Nyo nu hude ponsaput tiba lampa-lampa manohong aijo' sumo adat molamun nu aha mian Yahudi.

YOHANES 19:40 ပူးပေါင်းရင်းမြစ်များ

KAJADIAN 50:2

Lantas i Yusuf nompalentahmo anu monsumbu' mompakuli'i bangke' nu to lampa-lampa da boli ma'idek na bangke' i Yakub.

2 TAWARIKH 16:14

Bangke'nyo pinokonan pakuli' to lampa-lampa na binau, ka' anu toto noho-nohong, lantas i lamunmo i pinolamunan to tomu-tomundo i kota' Daud. Ka' salaku binau pongadati ia, mian da'isan nontambunmo kau' manjoo' hondo ka' pinapuan, sahingga moaknyo daka' hondo.

MATIUS 26:12

Kalana mondudu'akon minya-minya' manohong aijo' i butong-Ku, ia momposadiakonmo Aku o kubun.

MARKUS 14:8

Boune aiya nombaumo apaa na anu timbali nu poko ala o bau. Ia nomposadiakonmo hi beleng-Ku minya-minya' manohong bau pongkubulan Aku mau ma'isa pe'e toka na tempo'nyo.

LUKAS 24:12

Panyo i Petrus tinuminjo ka' nopadeka' namba i pinongkubunan. Ia naninduku nondin nokaiyong i unonyo, lantas tinoanyo ola hude pinonsaput na daagi' kiijo'. I Petrus binangang hondo, lantas ninsusule' ka' solaa' nompotutugakon manjoo' i uno nu kinyonyoanyo mongkona apaa na anu tinimbalimo.

YOHANES 11:44

Lantas nosabat na mian anu sinilakamo aijo'. Lima ka' tengkenyo daagi' hau-haunyo binalunan nu hude pinonsaput, ka' i ohupnyo kuku-kukub na hude pinongkukubi ohup. “Bukai na hude pinonsaput da ia moko ala lumajang,” koo-Nyo i Yesus hi to mia-mian anu i kiijo'.

YOHANES 12:7

Panyo i Yesus notatae, “Pobee' na boune aijo'! Ia mombau aiya baumo sinaa poliwangi Aku.

SISIKON NU TO RASUL-RASUL 5:6

Sahingga to mia-mian anu daagi' olitau tinoka nombaluni mayat i Ananias, lantas sinabatakonnyo da olamun na ia.