YOHANES 19:4 - KITAB NU TUMPU ALLA LELE MA'IMAI'

⁴ Lapas aijo' i Pilatus po'ule' mule' nosabat ka' notatae hi mian da'isan aijo', “Toa! Aku nonsabatakonmo i sambiha'-Nyo hi komiu, da osumbu' miu aku madi' nohumpak sa'angu' pe'e na kasala'an hi Ia.”

YOHANES 19:4 ပူးပေါင်းရင်းမြစ်များ

MATIUS 27:19

Tempo'nyo aitu i Pilatus hau-haunyo sinumuhang i kulusi, anu pomputusian palakala, bengkele'nyo nompotuun potuunon sumo uuka hi ia, “Boli beleyum matigalo' i palakala hi mian anu madi' ko kosala'nyo aijo', sabab kalana Ia, aku kino ipion ma'idek sinaa aiya.”

MATIUS 27:24

Ahennyo i Pilatus tinonginau', saba' ia madi'mo timbali moko ala mombau apa-apaa, ka' to mia-mian haha aijo' ugaat motomuhukmo. Jadi ia nongala uee lantas i ahop nu mian da'isan aijo', ia nombaso'imo limanyo ka' notatae, “Aku madi' mangaku ko sala'nyo i kapatean nu mian aiya! Aijo' ulusan miu!”

MATIUS 27:4

Ia notatae, “Aku binala dosa'mo, nongkabisa'imo mian anu madi' ko sala'nyo, sahingga Ia i hukum nate!” Panyo aha nontaami, “Kami madi paduli itina'? Aijo' ulusan miu!”

MATIUS 27:54

Kapala nu pasukan nohingga-hinggat tiba to sulu-suludadu anu hau-haunyo monjagai Yesus, inabuhukmo hondo salatan nongoa'imo luulu' ka' iwi-iwi' anu jinadimo aijo'. Aha notatae, “Totu'u, Ia aiya Anak nu Tumpu!”

LUKAS 23:4

Lantas koonyo i Pilatus hi kapala nu to ima-imam, ka' hi mian da'isan aijo', “Aku madi' nohumpak sa'angu' pe'e na kasala'an hi Mian aiya, da o hukum na Ia.”

LUKAS 23:41

Ola hukuman hi kita ohua' yo timbangnyomo tiba anu binaunto! Panyo Ia madi' hondo ko sala'nyo!”

LUKAS 23:47

Salatan tinoa nu kapala nu suludadu apaa na anu tinimbalimo aijo', ia nompuji'mo Tumpu. Lantas ia notataemo, “Totu-totu'u, Ia madi' ko sala'nyo!”

YOHANES 18:33

I Pilatus po'ule' ninsoop i laigan ka' nolaga i Yesus, lantas nompokilawa, “Pa' totu'u Beleyum Tomundo' nu mian Yahudi?”

YOHANES 18:38

I Pilatus nompokilawa hi Ia, “Apaa na poso'nyo nu kahondoan?” Lantas i Pilatus po'ule' nosabat lengkat i laigan aijo' ka' notatae hi to mia-mian nu Yahudi, “Aku madi' nohumpak sa'angu' pe'e na kasala'an hi Ia.

YOHANES 19:6

Salatan to kapa-kapala nu imam, ka' ponjaga-ponjaga aijo' nontoa i Yesus, aha noloboo'mo, “Salibmo na Ia! Salibmo na Ia!” I Pilatus notatae hi aha, “Ala na Ia, ka' komiumo na mosi salib, aku madi' nohumpak sa'angu' pe'e na kasala'an hi Ia.”

2 KORINTUS 5:21

I Kristus madi' baladosa', panyo Tumpu nompotimbalimo Ia bau pontokong dosa'to, da kita nompo'ule' na'ima' tiba Tumpu Allah kalana nosa'angu'mo tiba i Kristus.

IBRANI 7:26

Jadi, i Yesus aijo'mo na Imam Daka' anu opalaluinto. Ia susi'; hi Ia madi' ko anu i humpak na kasala'an kabai pa' dosa' apaa. Ia gina'atakon nompala'i to mia-mian anu baladosa', ka' i liba'akon nokiita' i tampat anu lebe matangkas moliu-liu langit.

1 PETRUS 1:19

panyo anu ko angga'nyo hondo; aijo'mo posi butong i Kristus anu tinimbalimo salaku domba, anu kinolobanakon hi Tumpu anu madi' ko panyakitnyo kabai ko kakulangannyo.

1 PETRUS 2:22

Ia madi' toho' nombau dosa', ka' madi' toho' samian pe'e na nohongo Ia binaleko'.

1 PETRUS 3:18

Kalana i Kristus sinilaka ola minsan sampe toka sidu-sidutu' kalana dosa' nu manusia – samian anu madi' ko sala'nyo sinilaka kalana monsawani mian anu ko sala'nyo. I Kristus nombau sumo aijo' da Ia timbali molaya' belemiu toka hi Tumpu. Ia sinilakan ola butongnyo biasa, panyo po'ule' pinotumuu' nimbutongmo nu rohani.

1 YOHANES 3:5

Osumbu' miu saba' i Kristus toka mae da monsapui to dosa-dosa' nu mian, ka' memang madi'mo ko dosa'nyo i uno nu butong-Nyo.