YOHANES 19:36 - KITAB NU TUMPU ALLA LELE MA'IMAI'

³⁶ Han aijo' timbali da sampa' na anu tinulis i uno nu Kitab nu Tumpu, aijo'mo “Madi' ko sa'angu' pe'e na buku-Nyo na o pato'akon.”

YOHANES 19:36 ပူးပေါင်းရင်းမြစ်များ

MAZMUR 22:14

Aha nongahopi mae aku nganga' nu aha singkapmo tinolo anga', sumomo singa anu nohuu'akonmo ka' monsa'umo.

MAZMUR 34:20

Manjoo' hondo na kasansala'an nu oa'i nu mian anu manonong, panyo nu pobebasmo nu Tumpu na ia ihan aijo' iwi-iwi'.

MAZMUR 35:10

Sahondo-hondonyo na kinyonyoangku montaloakon, “Tumpu, Belento madi' koanu timbali pompokakanakonan! Belento nompobebasmo anu madi' mahoson da madi'mo nu kuasai nu anu mahoson, Anu kasiasi ka' sansala da madi'mo sola' obee' kasansala'an.”

NOSABATMO 12:46

Iwi-iwi' na antok nu domba aijo' tionyo ahi okaan i uno nu laigan ka' madi' timbali oboa i sambiha'nyo. Sa'angu'pe'e na bukunyo boli opato'akon.

NOMBILANGMO 9:12

Boli opotuha' na kaanon haha aijo' sampe dodop subu, ka' buku nu binatang anu osombahkon hi beleng-Ku sa'angu' pe'e boli opato'. Lame'akon na Paskah aijo' susumo anu i uno nu atulannyo.

MATIUS 1:22

Iwi-iwi' aijo' jinadi sumo aitu da ganaap apaa na tinaloakonmo nu Tumpu ka' anu pinoto'imo nu nabi-Nyo, aijo'mo,

YOHANES 13:18

Apaa na anu Kutaloakon aiya misa' mongkona komiu iwi-iwi'. Kusumbu' ihe-he na anu pinile'an-Kumo. Panyo apaa na anu tinulismo i uno nu Kitab nu Tumpu tionyo timbali, aijo'mo, ‘Mian anu mongkaan hingga-hinggat tiba Aku na saidi' mae mongewa Aku.’

YOHANES 19:24

To sulu-suludadu notatae hi samian ka' samian, “Boli o botu-botu'to na juba' aiya. Imbo' da o bagi mompake onde, bau pompotantu ihe na timbali mohumpak.” Han aijo' sinumo aitu da timbali apaa na anu tinulismo i uno nu Kitab nu Tumpu aijo'mo: “Aha mombagi-bagi baju'-Ku, ka' nompake onde na nombagi juba'-Ku.” Ka' memang suludadu haha aijo' nombaumo sumo aijo'.

YOHANES 19:28

Sinumbu'mo i Yesus uuka aiya iwi-iwi' ilapasmo, ka' da apaa na tinulismo i uno nu Kitab nu Tumpu aijo' sidamo, Ia notataemo, “Aku negotmo.”