YOHANES 19:29 - KITAB NU TUMPU ALLA LELE MA'IMAI'

²⁹ I kiijo' daagi' ko sa'angu' na mangko' ingisian nu uee nu anggur nobuke' panyo malosing. Lantas sa'angu' na bunga karang i lobong i uno nu uee anggur aijo', ka' sinusukakon i sangkolong na hisop,

YOHANES 19:29 ပူးပေါင်းရင်းမြစ်များ

1 TOMU-TOMUNDO' 4:33

Ia monsumbu' mompangalati'i henggo nu to kau-kau' ka' to hempu-hemput lengkat pe'e kau' lontio' anu kiita' mae i Libanon toka-toka i hemput hisop anu tuumu' i tungebe nu batu Ia mompangalati'i onyi' nu bina-binatang sumo tomonsi', binatang anu jumolo ka' ikan.

MAZMUR 51:7

Memang, ma'idek na kinyonyoangku salatanmo pe'e aku pinohampe, ka' binaladosa'mo salatanmo pe'e i uno nu ma'alum.

NOSABATMO 12:22

Ala na hemput anu batangnyo ko honnyo die' ka' opuuti olobongakon i mangko' anu ko isinyo baso' nu domba aijo' lantas osapuakon i ohi' ohu-ohua' aijo' i sabatan ka' aita' i buannyo nu sabatan aijo' i laigan nu belemiu. Sampe toka dodop daagi' subu madi' timbali ko samian anu atina' hi belemiu mompala'i laigannyo.

NOMBILANGMO 19:18

Han anu momona aijo'mo de daagi' ko mian anu silaka i uno nu kemah, mian anu madi' mahumimi' tionyo ahi' mongala sampanga' na hisop ka' olobongakon i uee aijo', lantas opipi'akon i kemah ka' iwi-iwi' na apaa anu daagi' kiijo' i unonyo, ka' suele to mia-mian anu ikiijo'. Han anu ko ohua'nyo aijo'mo de ihehe na mian anu monsala' kanyangmo anu sinilakamo, kubulan kabai buku nu mian anu sinilakamo, mian anu madi' mahumimi' na tionyo ahi' mompipi'i mian anu nahumimi'mo aijo', tiba jalan suele sumo aijo'.

MATIUS 27:34

I kiijo' aha nompo'inumi Yesus anggur anu ginalo'an nu pou'. Panyo salatan i Yesus nontumi'mo anggur aijo', Ia madi'mo nongka'oho' nonginum.

MATIUS 27:48

Samian anu kiijo' hi aha nopadeka' lia-lia' namba nongala bunga gahanggan, lantas i lobongnyo i anggur malosing. Lapas aitu pinosusuknyo i tuntung nu kau' ka' pinotepesnyo i biwi Yesus.

MATIUS 27:50

Lapas aitu i Yesus noloboo' mule' daka-daka', lantas nompopupusmo nyawa-Nyo.

MARKUS 15:36

Samian anu aijo' hi aha nalia-lia' namba nongala bunga gahanggan, lantas pinolobongnyo i uno nu anggur malosing. Lapas aijo' bunga gahanggan aijo' pinosusuknyo i tuu' nu sa'angu' na kau', lantas pinotepesnyomo i biwi Yesus, ka' notatae, “Popea' pe'e, imbo' da otoanto pa' i Elia na toka mae montau'akon Ia i salib aijo'.”

LUKAS 23:36

To sulu-suludadu suele nompopudikmo Ia. Aha tinokamo ka' nompo'inum anggur malosing hi Ia.