YOHANES 19:28 - KITAB NU TUMPU ALLA LELE MA'IMAI'

²⁸ Sinumbu'mo i Yesus uuka aiya iwi-iwi' ilapasmo, ka' da apaa na tinulismo i uno nu Kitab nu Tumpu aijo' sidamo, Ia notataemo, “Aku negotmo.”

YOHANES 19:28 ပူးပေါင်းရင်းမြစ်များ

MAZMUR 22:15

Kahosonanku iningkotmo sumomo uee anu tinombulokmo, iwi-iwi' na bukungku tinalabakasmo i losuannyo, kinyonyoangku jinumujumo susumo lilin.

MAZMUR 69:21

Alu nu mian nonsaduakonmo da aku ihentemo na kinyonyoangku, ka' madi'mo kino pikilan pa' apaa na obau. Iliongku na anu mongkalibosi mae panyo ola pinalasuma iliongku na anu momposanang kinyonyoa panyo madi' ahi' ihumpakku.

LUKAS 12:50

Daagi' ko kasansala'an anu maboat, anu tionyo Ku oa'i. Ka' kinyonyoang-Ku mangada' hondo de ma'isa aijo' timbali.

LUKAS 18:31

I Yesus nomposihuk sampu-sampulu' ka' ohua' na anu saja' mombatuki Ia, ola posi aha, lantas Ia notatae. “Potombihing! Kita uuka mambamo mokiijo' i Yerusalem. Kiijo' mae iwi-iwi' na anu tinulismo nu to nabi-nabi mongkona Anak nu Mian, timbalimo.

LUKAS 22:37

Kalana, palesaya, ayat nu Kitab nu Tumpu nompoto'imo sumo uuka, ‘Ia o tuuk sumo mian anu ma'idek,’ tionyo aijo' timbalimo i butongku. Kalana apaa na tinulis i Kitab nu Tumpu Allah mongkona aku hau-haunyomo tinimbali tempo' uuka.”

YOHANES 13:1

Daagi' sansinaa tokaje na Sinaa Daka' nu Paskah, sinumbu'mo i Yesus taalu' tempo'nyo tokamo Ia mompala'imo dunia aiya minsusule'mo hi Tuuma-Nyo. Ia mongkalibosi to mia-mian anu tinimbalimo anu-Nyo i dunia, ka' Ia saja' mongkalibosi aha toka-toka i ka'ahenan-Nyo.

YOHANES 17:4

Aku nompopodaka'mo kita Tuuma i bawo nu dunia aiya, kalana nompotimbalimo hia nu kita Tuuma anu pinokauhakonto hi beleng-Ku.

YOHANES 18:4

Sinumbu'mo i Yesus iwi-iwi' apaa na anu timbali saidi' mae i butong-Nyo. Jadi Ia nongohani mian haha aijo' ka' nompokilawa, “Komiu molio ihe?”

YOHANES 19:24

To sulu-suludadu notatae hi samian ka' samian, “Boli o botu-botu'to na juba' aiya. Imbo' da o bagi mompake onde, bau pompotantu ihe na timbali mohumpak.” Han aijo' sinumo aitu da timbali apaa na anu tinulismo i uno nu Kitab nu Tumpu aijo'mo: “Aha mombagi-bagi baju'-Ku, ka' nompake onde na nombagi juba'-Ku.” Ka' memang suludadu haha aijo' nombaumo sumo aijo'.

YOHANES 19:30

I Yesus nontumi' uee nu anggur aijo' lantas notataemo, “I lapasmo!” Balo Ia tinompalupek na ubak-Nyo ka' sinilaka.

YOHANES 19:36

Han aijo' timbali da sampa' na anu tinulis i uno nu Kitab nu Tumpu, aijo'mo “Madi' ko sa'angu' pe'e na buku-Nyo na o pato'akon.”

YOHANES 4:34

Lantas i Yesus notatae, “Anu Ku kaan aijo'mo mombatuki pongka'oho'-Nyo anu nonsai mae Aku, ka' mompotimbali kalaja anu binee'-Nyo hi beleng-Ku.

SISIKON NU TO RASUL-RASUL 13:29

Ka' salatan ilapas na aha nombau iwi-iwi' anu noko tulismo i uno nu Kitab nu Tumpu mongkona Ia, aha nontauhakon bangke'-Nyo lengkat i kau' salib, lantas pino'una'nyomo na Ia i uno nu kubun.