YOHANES 19:27 - KITAB NU TUMPU ALLA LELE MA'IMAI'

²⁷ Lapas aijo' i Yesus notataemo hi anu saja' mombatuki Ia aijo', “Aijo' tinaum.” Nolengkat pe'e i aijo' anu saja' mombatuki aijo' nompoboamo tina i Yesus da jojoongmo i laigannyo.

YOHANES 19:27 ပူးပေါင်းရင်းမြစ်များ

KAJADIAN 45:8

Jadi sabenannyo misa' belemiu na nonsaduakonmo aku tinoka mae i aiya, panyo tanga'an nu Tumpu Allah. Ia nompotimbalimo aku ko pangkat matangkas anu mokalaja hi tomundo nu Mesir. Aku binee'anmo kuasa mongulus kapalaluan nu aha salaigan ka' songko-songko na Mesir.

KAJADIAN 47:12

Lantas i Yusuf nontoukaimo posadiaon anu okaan nu tuumanyo ka' iwi-iwi' na to julu-julunyo toka-toka hi anak anu daagi' ise' hondo.

MATIUS 25:40

Tomundo aijo' nontaami, ‘Da osumbu': tempo'nyo komiu mombau han aijo', mau pe'e hi sala'samian i to utu-utus-Ku anu talalo kanteles, alati'nyo komiu nombaumo hi beleng-Ku!’

MARKUS 3:34

Lapas aitu Ia nontoa to mia-mian anu suha-suhang montikubi ia ka' notatae, “Aiyamo na tina ka' to utu-utus-Ku!

LUKAS 18:28

Lantas i Petrus notatae, “Toa! Kami mompala'imo auwan mami da mombatukimo kita Tuumangku.”

YOHANES 1:11

Ia tinoka i posi lipu'-Nyo panyo bansa-Nyo madi' montalima Ia.

YOHANES 16:32

O'inau'! Tempo'nyo tokaje mae, aitu pe'e tinokamo, komiu oposungkehetmo. Komiu minsusule' i posi laigan ka' mompala'i Aku sausa'. Panyo Aku madi' posi sausa', kalana Tuuma na mosangalu ka' Aku.

SISIKON NU TO RASUL-RASUL 21:6

Ilapas aitu kami nompaha poi-poitamo siloloa, lantas kami sinumakemo i kapan, ka' aha mule' ninsusule'mo i laigan.