YOHANES 19:17 - KITAB NU TUMPU ALLA LELE MA'IMAI'

¹⁷ I Yesus nosabat nosi simbu salib-Nyo nokiita' i tampat sanggonyo, “Tampat nu Popoke'.” (I uno nu sisik nu Ibrani o sanggohi Golgota.)

YOHANES 19:17 ပူးပေါင်းရင်းမြစ်များ

KAJADIAN 22:6

I Abraham nomposimbumo kau' anu bau pompaui koloban aijo' hi bekoang i Ishak, ka' ia nomboamo piso' ka' oba nu apu bau pomposuni kau'. Salatan aha i lumajangmo hingga-hinggat,

1 TOMU-TOMUNDO' 21:13

Mian anu uwesan ua'aha aijo' sinumuhangmo mompaha ahop i Nabot, ka' i ahop nu mian da'isan aha nontuukmo ia au' aitu ia nontotobi'akonmo Tumpu Allah tiba tomundo'. Kalana aijo' ia sinabatakonmo i kota' ka' pinahambunu'akonmo nu batu sampe ia nate.

IMAMAT 24:14

“Boa na mian atina' i sambiha' nu kemah. Batu-batu mian anu nohongomo ia nontotobi'akon tionyo ahi' mompotudun limanyo i ubak nu mian aijo' da ponsumbu'an taalu' ia sinala'mo. Lantas iwi-iwi' na mian tionyo ahi' mompahambunu'akon ia nu batu sampe mate.

MATIUS 10:38

Ka' mian anu madi' mongka'oho' monsimbu salibnyo, ka' mombatuki Aku madi' pantas timbali anu mombatuki Aku.

MATIUS 16:24

Lapas aijo' i Yesus notatae hi anu saja' mombatuki Ia. “Mian anu mongka'oho' mombatuki Aku, tionyo mongkolilimi posi kapentingannyo, monsimbu salibnyo, ka' tionyo mombatuki Aku.

MATIUS 27:37

I buan nu ubak-Nyo, aha nompokona tulisan anu momposala' aijo'mo: “Aiyamo na i Yesus, Tomundo nu Mian Yahudi.”

MARKUS 10:21

I Yesus noliibosmo na nontoa mian aijo' lantas notatae, “Me sa'angu' na han mule' anu daagi' opalalui nu beleyum. Lako'mo pobaluk iwi-iwi' na halata'um; bee' na doinyo hi mian anu kasiasi, ka' beleyum mohumpakje halata' i suluga'. Lapas aijo' tokaje mae mombatuki Aku.”

MARKUS 15:26

Aita' i salib-Nyo pinokona na tulisan mompobau-bau Ia, aijo'mo: “Tomundo' Mian nu Yahudi.”

MARKUS 15:32

De Ia Tomundo' nu Israel, Tomundo' anu Momposalamat, soba uuka aiya Ia mintau' mae lengkat i salib aijo' da kami montoa ka' palesaya hi Ia!” To mia-mian anu sinalib hingga-hinggat ka' i Yesus suele nompopo'ambangmo i Yesus.

MARKUS 8:34

Lapas aijo' i Yesus nolaga mian da'isan anu daagi' i kiijo' tiba anu saja' mombatuki Ia. Lantas Ia notatae hi aha, “Mian anu mongka'oho' mombatuki Aku, tionyo mongkolilimi posi kapalaluannyo, lapas aijo' monsimbuje salibnyo, ka' lau-laus mombatuki Aku.

LUKAS 14:27

Mian anu madi' mongka'oho' monsimbu salibnyo ka' mombatuki Aku, madi' bisa timbali anu saja' mombatuki Aku.

LUKAS 23:26

Lantas i Yesus binoamo nu aha. I tonga' nu jalan aha siningkabotmo tiba samian, sanggonyo i Simon, anu lengkat mae i Kirene, anu hau-haunyo minsoopmo i kota. I hakop nu aha na ia ka' pinakisa nonsimbu kau' salib aijo' i hiku i Yesus.

LUKAS 23:33

Salatan tinoka i tampat anu osanggohi, “Popoke',” aha nomposalibmo i Yesus ka' ua'aha na mian ma'idek aijo' – samian i sasu koanan ka' samian mule' i sasu kewe' i Yesus.

LUKAS 23:38

I bawo nu kau' salib i Yesus, tinulis na potatae aiya: “Aiyamo na Tomundo nu Mian Yahudi!”

LUKAS 9:23

Lapas aitu, i Yesus notatae hi mian iwi-iwi' anu daagi' i kiijo', “Mian anu mongka'oho' mombatuki Aku, tionyo mongkolilimi anu nu posi palalui, monsimbu salib sansina-sinaa, ka' saja' mombatuki Aku.

YOHANES 19:13

Salatan i Pilatus nohongo potatae haha aijo', ia nomboamo i Yesus nosabat, lantas sinumuhangmo i kadela pomputusian palakala i tampat sanggonyo Salo Batu. (I uno nu sisik nu Ibrani sanggonyo Gabata.)

YOHANES 5:2

I Yerusalem koko “Sabatan nu Domba,” daagi' ko sa'angu' na talaga de i basa' nu Ibrani osanggohi Betesda. I kiijo' daagi' ko lambingnyo olima'.

SISIKON NU TO RASUL-RASUL 7:58

Aha nohela' ia nosabat i sambiha' nu kota ka' lapas aitu pinahambunu'akonmo nu aha nu batu. To mia-mian anu nonsakisi apaa na anu tinimbalimo aijo' nompo'una' baju' nu aha hi samian na olitau sanggonyo i Saulus.