YOHANES 19:11 - KITAB NU TUMPU ALLA LELE MA'IMAI'

¹¹ I Yesus nontaami, “De Tumpu madi' nombee' kuasa aijo' hi beleyum, beleyum madi' hondo moko kuasai beleng-Ku. Mokonyo aitu mian anu nomboa mae Aku hi beleyum, lebe daka' na dosa'nyo molabii beleyum.”

YOHANES 19:11 ပူးပေါင်းရင်းမြစ်များ

1 TAWARIKH 29:11

Belento totu-totu'u talasanggo ka' daka' na kuasa nu Belento. Belento opopodaka' ka' talalo hondo o adati, anu mongkuasai iwi-iwi'.

MAZMUR 39:9

Pimpaliakon mae na aku idosa'ku iwi-iwi', boli opojohok na aku sola'mo nu kokojoi nu mian anu ponga'.

MAZMUR 62:11

Boli montaha'imani anu ola o humpak kalana opakisa hi mian, ka' boli montakabunakon balang anu opahuhuakon. Ka' mule' de kakaya'an nu belemiu mompaka pintuangmo, boli kinyonyoa nu belemiu me saja' kiijo' i halata'.

MOHAANGI 3:37

De Tumpu madi' mongkahanda'i pa' apa-apaa tantu manusia madi' moko ala mombau apa-apaa mongkona han aijo'.

DANIEL 4:17

Sumo aijo' na kaputusan nu kami to mala-malaekat anu binalajaga-jagamo ka' siniapmo. Pongka oho' mami da to mia-mian maumo pa' iyamae mongakui saba' Tumpu Anu Matangkas na Kuasanyo mongkuasaimo kalaja'an nu manusia ka' kalaja'an aijo' Nu bee' hihe na anu pinile'an-Nyomo ka' mule' hi mian anu madi' ko alati'nyo apa-apaa!’

DANIEL 4:25

Belento Tuanku olaa'mo nu mian da'isan ka' tumuu'mo tiba to bina-binatang i padang. Kopinnyo popitu' na taun na belento Tuanku mongkaanmo hemput susumo sapi' ka' hoyotmo i tano' anu madi' ko atopnyo nu humpisimo nu dondu'ok. Lapas aijo' o akuimo nu belento na Tumpu Allah Anu Matangkas na Kuasanyo i kalaja'an nu manusia ka' kalaja'an aijo' Ia na mombee' hihe na anu pinile'an-Nyomo.

DANIEL 4:32

Belento olaa'mo nu aha mian da'isan ka' tumuu'mo tiba to bina-binatang i padang. Kopinnyo popitu' na taun ka' belento mongkaanmo hemput susumo sapi'. Lapas aijo' belento mongakuimo talu' Tumpu Allah Anu Matangkas na Kuasanyo na balakuasa i kalaja'an nu manusia ka' kalaja'an aijo' obee'mo hi hehe na anu pinile'an-Nyomo.”

DANIEL 4:35

Iwi-iwi' na bansa i dunia aiya madi' ko alati'nyo. Tumpu na mongkuasai malaekat kiita' i suluga' ka' mule' mian anu jojoong i dunia aiya. Madi' ko samian pe'e na anu moko ala monggagakon tanga'an-Nyo, madi' ko anu baani mompokilawa apaa na anu binau-Nyomo.”

DANIEL 5:21

Ia nu laa'mo nu mian da'isan ka' kapandeannyo timbalimo susumo kapandean nu binatang. Ia tumuu'mo tiba keledai nu alas, mongkaanmo hemput susumo sapi' ka' hoyotmo i tano' anu madi' ko atopnyo sahingga nu humpisimo nu dondu'ok. Ahennyo ia mongakuimo talu' Tumpu Anu Matangkas na Kuasanyo na mongkuasai kalaja'an nu manusia ka' mule' kalaja'an aijo' Nu bee'mo maumo pa'hihe na anu pinile'an-Nyomo.

MATIUS 26:65

Sahingga Imam Daka' aijo' nombea-beakmo baju'nyo, ka' notatae, “Ia mompisala'i Tumpu! Madi'mo palalu ko sakisi. Posi komiu iwi-iwi' nosi hongomo potatae anu mompisala'i Tumpu.

MATIUS 27:2

Aha nompungu Ia, ka' nomboa Ia, lantas nombee'mo hi Pilatus, gubernur pamalentahan nu Roma.

MATIUS 6:13

Boli mompojohok kami kakulangan palesaya tempo'nyo kami o sobai panyo lapasakon na kami i kuasanyo Anu Ma'idek. [Kitamo na Tomundo' anu balakuasa ka' opopodaka' toka sidu-sidutu'. Amin.]’

MARKUS 14:44

Anu mongkabisa'i nontantukanmo sa'angu' na tanda hi aha. “Mian anu ku ooki,” na koonyo hi aha, “Iamo na mian-Nyo. Hakop na Ia ka' boa na Ia, ka' ojagai hondo-hondo.”

LUKAS 22:53

Sansina-sinaa Aku tiba komiu kiijo' i Laigan nu Tumpu, komiu madi' mohakop Aku. Panyo aiyamo na tempo'nyo komiu mohakop, tempo'nyomo kuasa nu pintung montoongimo pamalentahannyo.”

YOHANES 18:13

Momoona binoa nu aha na i Yesus mangadap hi Hanas monian i Kayafas. I Kayafas aijo' imam daka' i taun aijo'.

YOHANES 18:3

Saba' i Yudas namba i tampat aijo' nomboa sanggombu na suludadu Romawi tiba to pia-piangkuka na ponjaga Laigan nu Tumpu anu pinokau nu kapala nu ima-imam tiba to mia-mian Farisi. Aha nomboa toongon pimuhuk, sulu', tiba potong.

YOHANES 19:10

Sahingga i Pilatus po'ule' notatae, “Beleyum madi' mongka'oho' motatae hi belengku? Da osumbu' aku ko kuasa mompobebas Beleyum ka' kuasa monsalib Beleyum!”

YOHANES 3:27

I Yohanes nontaami, “Mian madi' moko ala montumpui apa-apaa, de madi' nubee' nu Tumpu hi ia.

YOHANES 7:30

Tempo'nyo aitu aha kahanda'mo mohakop i Yesus, panyo madi' ko anu baani montongi Ia, kalana ma'isa pe'e tinoka na tempo'nyo.

YOHANES 9:41

I Yesus nontaami, “De komiu mapisok, komiu madi' baladosa'. Panyo kalana komiu notataemo, ‘Kami nontoamo,’ aijo' alati'nyo, komiu daagi' baladosa'.”

SISIKON NU TO RASUL-RASUL 2:23

Posi pongka'oho'-Nyo na Tumpu nomputusi da obee' na i Yesus hi komiu. Ka' salatan binee' na Ia, komiu nompateimo Ia ka' nompojohokmo to mia-mian ma'idek nonsalib Ia.

SISIKON NU TO RASUL-RASUL 3:13

Tumpu anu o sombah i Abraham, i Ishak, ka' i Yakub, Tumpu nu mompolee'to, Tumpu aijo' nompopodaka'mo Posaihon-Nyo aijo'mo i Yesus. I Yesus aijo'mo na anu binee' miu hi aha anu mongkuasai, ka' komiumo na sampo bali'nyo i ahop i Pilatus, tempo'nyo i Pilatus ka'oho'mo molapasakon Ia.

SISIKON NU TO RASUL-RASUL 4:28

Aha nosa'angu' da mombau apa-apaa, anu tinantukanmo nu Kita momonanyo saba' aijo' tionyo timbali. Ka' Kita montantukanmo aijo' nu kakuasa'an ka' posi Pongka'oho'-To.

ROMA 11:36

Tumpu na nombau iwi-iwi' aijo'. Iwi-iwi' nolengkat mae hi Tumpu tiba mule' bau kapentingan nu Tumpu. Puji' na Tumpu sampe toka sidu-sidutu'! Amin.

ROMA 13:1

Toto samian tionyo mohongo-hongo pamalentah, kalana madi' ko Pamalentah anu madi' mohumpak kuasa lengkat mae hi Tumpu. Ka' pamalentah anu uuka aiya, mompojalan kuasanyo kalana palentah anu lengkat mae hi Tumpu.

YAKOBUS 1:17

Batu-batu taju anu ma'ima' ka' palasen anu ma'ima' pinolengkatannyo mae i suluga', tinau'akon nu Tumpu, anu Nompotimbali iwi-iwi na anu ma jingka i langit. Iamo na Tumpu anu madi' mongabali' ka' madi' mule' monsaduakon kapintungan mau mule' pa' mosiamo.

YAKOBUS 4:17

Kalana aijo', mian anu monsumbu' apaa na anu ma'ima', anu tionyo obau panyo madi' obau, aijo' baladosa'.