YOHANES 18:4 - KITAB NU TUMPU ALLA LELE MA'IMAI'

⁴ Sinumbu'mo i Yesus iwi-iwi' apaa na anu timbali saidi' mae i butong-Nyo. Jadi Ia nongohani mian haha aijo' ka' nompokilawa, “Komiu molio ihe?”

YOHANES 18:4 ပူးပေါင်းရင်းမြစ်များ

1 TOMU-TOMUNDO' 18:10

I uno nu sanggo nu Tumpu anu tumuu', Tumpu Allah anu osombah nu belento Tuuma, aiya ku poto'i saba' i tomundo' nompalentahmo aku molio belento Tuuma iyaya mae. De i sa'angu' na lipu' pamalentahnyo motatae tukoonyo belento Tuuma madi' ko anu aiya mae, sabole-bole tionyo nu poita i Ahab da pamalentah nu lipu' aijo' basumpa' de memang totu-totu'u belento Tuuma madi' ko anu kinabot kiijo' mae.

NEHEMIA 6:11

Panyo tinaamanku, “Aku aiya misa' mian anu mongka'oho' mopalai. Salaku mian anu madi' ko pangkatnyo i Laigan nu Tumpu madi' timbali minsoop, boli-boli aku silaka. Madi', aku madi' mongka'oho'!”

MAZMUR 27:3

Maumo ahi' aku otiku nu gombuan nu suludadu anu da'isan hondo, aku madi'mo mabuhuk. Maumo ahi' tokamo mae na anu mompahampateakon mongewa aku, aku tataap sabole-bole montaha'imani Tumpu.

MAZMUR 3:6

Aku i nale'mo ka' i hoyotmo madi'mo ko anu nompoposia, ka' po'ule' mule' nobula, kalana Tumpu na nontinjohimo mae aku.

AMSAL 28:1

Mian anu ma'idek na kinyonyoanyo mopadeka' maumo madi' ko anu mololoi, panyo mian anu hodi' na kinyonyoa, na baani ahi' susumo singa.

MATIUS 16:21

I mulaan lengkat tempo'nyo aijo', i Yesus notatae pinotantu-Nyomo hi anu saja' mombatuki Ia, tukoonyo Ia tionyo mamba i Yerusalem, ka' mongoa'i manjoo' na kasansala'an lengkat i to pola-polaya', to ima-imam kapala ka' to gulu-gulu' agama. Ia tionyo o silakai, panyo sinaa kototolu'nyo Ia po'ule'mo opotumuu'.

MATIUS 26:2

“Osumbu' miu daagi' uansinaa na Sinaa Daka' nu Paskah, ka' Anak nu Mian obee'mo da o salib!”

MATIUS 26:21

Hau-haunyo aha mongkaan, i Yesus notatae, “Hongo: Samian lengkat atina' hi komiu na mongkabisa'i Aku.”

MATIUS 26:31

Lantas i Yesus notatae hi anu saja' mombatuki Ia, “Pihi uuka komiu iwi-iwi' mopadeka'mompala'i Aku; kalana i uno nu Kitab nu Tumpu tinulis: Tumpu notatae, ‘Aku mompatei polaya' domba aijo', ka' sampahas na dombanyo mosungke-sungkehet.’

LUKAS 24:44

Lapas aijo' Ia notataemo hi aha, “Aiyamo na hahan anu pinoto'ingkumo hi komiu tempo'nyo Aku daagi' nojajalan tiba komiu: tukoongku apa-apaa na anu tinulis mongkona Aku i uno nu Kitab-kitab i Musa, to Nabi-nabi, ka' Mazmur, tionyo timbali.”

YOHANES 13:1

Daagi' sansinaa tokaje na Sinaa Daka' nu Paskah, sinumbu'mo i Yesus taalu' tempo'nyo tokamo Ia mompala'imo dunia aiya minsusule'mo hi Tuuma-Nyo. Ia mongkalibosi to mia-mian anu tinimbalimo anu-Nyo i dunia, ka' Ia saja' mongkalibosi aha toka-toka i ka'ahenan-Nyo.

YOHANES 13:11

Sinumbu'mo i Yesus ihena monguwesani Ia. Mokonyo aijo' Ia notatae, “Komiu aiya binalasinmo, panyo madi' iwi-iwi'mo.”)

YOHANES 18:5

“I Yesus, mian nu Nazaret,” na koonyo nu aha. “Akumo na Ia,” koonyo i Yesus. I Yudas uwe-uwesan tinjo-tinjo i kiijo' tiba aha.

YOHANES 18:7

Po'ule' mule' pinokilawa i Yesus hi aha, “Ihe na olio miu?” “I Yesus, mian nu Nazaret,” na koonyo nu aha.

YOHANES 19:28

Sinumbu'mo i Yesus uuka aiya iwi-iwi' ilapasmo, ka' da apaa na tinulismo i uno nu Kitab nu Tumpu aijo' sidamo, Ia notataemo, “Aku negotmo.”

YOHANES 6:64

Panyo daagi' mule' ko anu aiya hi komiu na madi' palesaya.” (Sinumbu'mo i Yesus salatanmo pe'e imoonanyo ihehe na anu madi' mongka'oho' palesaya, ka' ihe na anu mongkabisa'i Ia.)

SISIKON NU TO RASUL-RASUL 2:28

Beleyum nompotiju'mo jalan anu mompatui kantumuu'an talakana' ka' sampe toka sidu-sidutu'. Kabilahianku talalo daka' hondo, kalana Beleyum mosangalu tiba aku.’

1 PETRUS 4:1

Kalana i Kristus nongoa'imo kasansala'an salaku butongnyo, belemiu suele tionyo ahi' mompohoson butong nu belemiu nu tanga'an anu sumo aijo'. Kalana mian anu nongoa'imo kasansala'an salaku butong madi'mo mombau dosa'.