YOHANES 18:33 - KITAB NU TUMPU ALLA LELE MA'IMAI'

³³ I Pilatus po'ule' ninsoop i laigan ka' nolaga i Yesus, lantas nompokilawa, “Pa' totu'u Beleyum Tomundo' nu mian Yahudi?”

YOHANES 18:33 ပူးပေါင်းရင်းမြစ်များ

YOHANES 19:12

Salatan i Pilatus nohongomo aijo', ia nompai usahakonmo da o polapasmo na i Yesus. Panyo to mia-mian nu Yahudi nolo-noloboo'mo, “De Kita Tuan mompobebas Ia, Kita Tuan misa' sangalu i Kaisar! Mian anu mangaku butongnyo tomundo, ia bali' i Kaisar!”

YOHANES 19:3

lantas saja'mo aha nokiijo' hi Ia motatae, “Higahi na tomundo mian nu Yahudi.” Lapas aijo' nuhapa-hapa'mo nu aha na Ia.

YOHANES 18:37

Lantas i Pilatus nompokilawamo hi Ia, “Desumo aitu Beleyum tomundo'?” I Yesus nontaami, “Beleyum notatae, Aku aiya tomundo'! Aku i hampe ka' tinoka i dunia daagi' ko sa'angu' na kahanda' aijo'mo mombee'i katalangan mongkona kahondoan. Mian anu lengkat mae i kahondoan aijo' mohongo Aku.”

YOHANES 12:13

Aha nongala te hoon nu palem ka' namba nolabot Ia, baloo nontaligalai, “Puji'mo na Tumpu! Balakatiakon na ia anu toka momboa sanggo nu Tumpu. Balakatiakon na Tomundo' nu Israel!”

MARKUS 15:2

I Pilatus nompokilawa hi Yesus, “Totu'u Beleyum Tomundo' mian nu Yahudi?” “Sumo itina' potataeum,” tinaaman i Yesus.

MATIUS 27:11

Tempo'nyo i Yesus nangadapmo hi Pilatus, gubernur nu lipu' aijo', i Pilatus nompokilawa, “Pa' Belento Tomundo' nu mian Yahudi?” “Sumo itina'mo potataeum”, tinaaman i Yesus.

ZAKHARIA 9:9

O, mian anu jojoong i Sion, balame-lame'mo! O, mian anu jojoong i Yerusalem pontaligalaimo! Toamo! Tomundo' nu beleyum tinokamo ka' inguntungmo mae na nahampate! Ia tomundo' anu adin momomboamo mae kasalamatan. Panyo madi' bakadaka'an na ia toka mae monsake'i keledai, sa'angu' na keledai anu daagi' bata'nyo.

1 TIMOTIUS 6:13

Ka' uuka aiya, i ahop nu Tumpu anu nombee'mo nyawanyo hi iwi-iwi na apaa, ka' i ahop i Kristus Yesus anu nombee'imo katalangan anu totu'u mongkona butongnyo hi Pontius Pilatus, ku poita na aiya hi beleyum:

YOHANES 19:9

Sahingga ia po'ule' ninsoop i laigan daka', ka' salatan i Yesus pinosoopmo, i Pilatus nompokilawamo hi Ia, “Beleyum nolengkat mae iya?” Panyo i Yesus madi' nontaami.

YOHANES 12:15

“Boli mabuhuk, langkoyang nu Sion! Toa na Tomundo'um tinokamo, monsake'i sa'angu' na keledai bata'nyo!”

YOHANES 1:49

“Kita Tuumangku Gulu',” na koonyo i Natanael, “Kita Tuuma Anak nu Tumpu! Kitamo Tuuma na Tomundo bansa nu Israel!”

ZEFANYA 3:15

Kalana Tumpu madi'mo mohukum belemiu, ilaa'-Nyomo iwi-iwi' na sampo bali' nu belemiu. Belemiu jinaganmo nu tomundo' Israel aijo'mo Tumpu nu belemiu. Uuka aiya belemiu madi'mo palalu mongoa'i daagi mabuhuk.

YEREMIA 23:5

Tumpu notatae, “Tokaje mae na tempo'nyo, Ku hangkatje na tomundo' samian anu adil lee' mae i Daud. Tomundo' aijo' saidi' mae pande na mompalentah ka' apa-apaa na obau saja' adin ka' saja' totu'u isongko-songko na lipu'.

MATIUS 27:27

Lapas aijo' to Sulu-suludadu i Pilatus nomboamo i Yesus ninsoop i laigan daka' nu gubernur, ka' iwi-iwi' na pasukan sinilimu'mo nontiikubi Yesus.

LUKAS 23:2

I kiijo' aha nontampu'unimo nontuuk Ia. Koo-Nyo nu aha, “I humpak mami na Mian aiya, mompogulu' sala' hi mian daisan. Ia nonsale'i mian da boli mombayan hasin hi Tomundo, kalana tukoonyo Ia atina'mo i Kristus samian na Tomundo.”

YOHANES 18:34

I Yesus nontaami, “Pa' posi pikilanum na mompokilawa aiya kabai mian sangga'at anu nompoto'imo hi beleyum mongkona Aku?”

YOHANES 18:38

I Pilatus nompokilawa hi Ia, “Apaa na poso'nyo nu kahondoan?” Lantas i Pilatus po'ule' nosabat lengkat i laigan aijo' ka' notatae hi to mia-mian nu Yahudi, “Aku madi' nohumpak sa'angu' pe'e na kasala'an hi Ia.

YOHANES 19:4

Lapas aijo' i Pilatus po'ule' mule' nosabat ka' notatae hi mian da'isan aijo', “Toa! Aku nonsabatakonmo i sambiha'-Nyo hi komiu, da osumbu' miu aku madi' nohumpak sa'angu' pe'e na kasala'an hi Ia.”