YOHANES 18:28 - KITAB NU TUMPU ALLA LELE MA'IMAI'

²⁸ Subu-subu hondo aha nomboa i Yesus lengkat mae laigan i Kayafas namba i laigan nu gubernur. To mia-mian nu Yahudi madi' ninsoop i uno nu laigan daka', da aha madi' mahenyu susumo koonyo nu agama, kalana aha kahanda'mo mongkaan kaanon nu Paskah.

YOHANES 18:28 ပူးပေါင်းရင်းမြစ်များ

MAZMUR 35:16

Aha sabole-bolemo ahi' saja' mongkokojoi mae aku, mian anu ilupe'mo ka' mongka'idekimo mae na aha montoa aku.

AMSAL 1:16

Aha madi' moko ala momohokot de ma'isa mombau anu ma'idek. Aha ko tanga'an da sampamo mompatei.

AMSAL 4:16

Mian anu ma'idek na kinyonyoanyo madi' to hoyot de ma'isa pe'e aha mombau anu ma'idek. Aha madi' matatundu' de ma'isa monsilakai mian sangga'at.

YEHEZKIEL 45:21

Kakona itanggan sampulu'mo ka' opat bitu'on sa'angu', belemiu tionyo ahi' molame'akonmo Lamean nu Paskah. Pitunsinaa na kopinnyo iwi-iwi' na mian tionyo ahi' mongkaan roti anu madi' koraginyo.

MIKHA 2:1

Silakamo na to mia-mian anu nontanga'imo mombau anu ma'idek hau-haunyo male'-male' ikamale'an de pihimo lantas nu baumo subu-subu, kalana aha daagi' ko kamampuan de hahan anu sumo aijo'.

MATIUS 27:27

Lapas aijo' to Sulu-suludadu i Pilatus nomboamo i Yesus ninsoop i laigan daka' nu gubernur, ka' iwi-iwi' na pasukan sinilimu'mo nontiikubi Yesus.

MARKUS 15:16

I Yesus binoa nu to sulu-suludadu nokiijo' i laigan pomputusian, i laigan daka' nu Gubernur. Lapas aijo' iwi-iwi' na gombuan nu suludadu pinalentahkonmo da balagombu.

LUKAS 22:66

Subu-subu, to pola-polaya' nu Yahudi, kapala nu to ima-imam, tiba gulu-gulu' agama sinilimu'mo, lantas i Yesus binoa pino'ahopakon hi Mian Kopian Daka' nu Agama nu aha.

YOHANES 11:55

Tempo'nyo aitu ohanimo na Sinaa Daka' Paskah Yahudi. Da'isan na mian nolengkat mae i kampung ise' nambamo i Yerusalem mombau adat mombaso'i butong da ma'isa pe'e lamean aijo' toka.

YOHANES 18:13

Momoona binoa nu aha na i Yesus mangadap hi Hanas monian i Kayafas. I Kayafas aijo' imam daka' i taun aijo'.

YOHANES 18:15

I Simon Petrus tiba samian na anu saja' mombatuki sangga'at nombatukimo i Yesus. Anu saja' mombatuki sangga'at aiya nusumbu' i imam daka'; jadi ia ninsoop hingga-hinggat tiba i Yesus i popasan nu laigan imam daka,

YOHANES 18:33

I Pilatus po'ule' ninsoop i laigan ka' nolaga i Yesus, lantas nompokilawa, “Pa' totu'u Beleyum Tomundo' nu mian Yahudi?”

YOHANES 18:39

Panyo anu biasa hi komiu, aku saja' molapasakon samian na anu o talungku' i Sinaa Daka' Paskah. Mongka'oho' na komiu da ku polapasmo na tomundo' nu Yahudi da komiu sanangmo?”

YOHANES 19:11

I Yesus nontaami, “De Tumpu madi' nombee' kuasa aijo' hi beleyum, beleyum madi' hondo moko kuasai beleng-Ku. Mokonyo aitu mian anu nomboa mae Aku hi beleyum, lebe daka' na dosa'nyo molabii beleyum.”

YOHANES 19:14

Tempo'nyo aitu malia'mo sonsu'un na sinaa, ma'isa pe'e Sinaa Daka' nu Paskah. I Pilatus notatae hi to mia-mian haha aijo', “Aiyamo na tomundo miu!”

YOHANES 19:9

Sahingga ia po'ule' ninsoop i laigan daka', ka' salatan i Yesus pinosoopmo, i Pilatus nompokilawamo hi Ia, “Beleyum nolengkat mae iya?” Panyo i Yesus madi' nontaami.

SISIKON NU TO RASUL-RASUL 10:28

Lantas ia notatae hi aha, “Posi to Utu-utus monsumbu' saba' mian nu Yahudi o tewa' nu agamanyo na mamba molenga kabai mompahasumbu' tiba to mia-mian lengkat i bansa sangga'at. Panyo Tumpu nompotoamo hi belengku, saba' aku madi' timbali monsangka mau pe'e ihe pahengas kabai madi' timbali o kaan.

SISIKON NU TO RASUL-RASUL 10:32

Jadi saimo na mian mokiijo' i Yope molaga mian anu sanggonyo i Simon Petrus. Ia daagi' sinonsoo' i laigan nu samian anu topo ka'ut kilit sanggonyo i Simon; laigannyo aijo' i sonibi nu ambai.’

SISIKON NU TO RASUL-RASUL 11:3

Aha notatae, “Kadaka' beleyum mamba mokiijo' i laigan nu to mia-mian anu ma'isa sinunat? Ola mule' beleyum suele nongkaan hingga-hinggat tiba aha!”

SISIKON NU TO RASUL-RASUL 3:13

Tumpu anu o sombah i Abraham, i Ishak, ka' i Yakub, Tumpu nu mompolee'to, Tumpu aijo' nompopodaka'mo Posaihon-Nyo aijo'mo i Yesus. I Yesus aijo'mo na anu binee' miu hi aha anu mongkuasai, ka' komiumo na sampo bali'nyo i ahop i Pilatus, tempo'nyo i Pilatus ka'oho'mo molapasakon Ia.

SISIKON NU TO RASUL-RASUL 4:27

Kalana memang i Herodes ka' i Pontius Pilatus nombaumo posa'angu'an nu tanga'an tiba to mia-mian anu madi' monsumbu' Tumpu ka' tiba to mia-mian nu Israel i kota aiya. Aha singkabot da mongewa i Yesus Posaihon-To anu Susi' aijo', anu i hangkatmo nu Kita timbali Tomundo anu Momposalamat.

PO'ULE' INGULIT 16:2

Lako'mo i tampat anu pinile'anmo nu Tumpu ka' kolot na mee' ka' domba sa'angu' kabai sapi' nu belemiu salaku palasombahan i Paskah bau pongadati Tumpu Allah nu belemiu.