YOHANES 18:20 - KITAB NU TUMPU ALLA LELE MA'IMAI'

²⁰ I Yesus nontaami, “Aku saja' basisik sahondo-hondonyo i ahop nu mian da'isan. Aku saja' mompogulu' i to lai-laigan Pogalejaan ka' i Laigan nu Tumpu, tampat nu mian Yahudi biasanyo silimu'. Madi' toho' Aku montaloakon apa-apaa maninsuluk.

YOHANES 18:20 ပူးပေါင်းရင်းမြစ်များ

MAZMUR 22:22

Aku madi'mo moko ala mombau apa-apaa, potuu'akon mae na aku da madi' nutanduk nu sapi' ka' mule' da madi' nusa'u nu singa.

MAZMUR 40:9

Sanang na aku mombau pongka'oho' nu Belento, o Tumpu, atulan nu Belento pino una'kumo i uno nu kinyonyoangku.”

YESAYA 45:19

Aku motatae madi' oposuluk, kabai opohowini. Aku madi' mompokau mian anu palesayamo hi beleng-Ku, Israel molio Aku ola palasuma. Aku, Tumpu, na nontaloakon han anu totu'u, ka' nompoto'imo apaa na anu madi'sala'.”

YESAYA 48:16

Tokamo mae oha-ohani hi beleng-Ku, ka' potombihing mae, naipuan pe'e mae madi' pinohowining-Ku na nompoto'i; ka' potataeng-Ku saja' ko bukutinyo na anu Ku bau.” Uuka aiya Tumpu nonsaimo mae aku ka' kuasanya-Nyo binee'-Nyomo mae hi belengku.

MATIUS 24:26

De mian motatae hi komiu, ‘Toa, Ia daagi' aijo' i padang bolaa!’ – boli komiu mokiijo'. Kabai motatae, ‘Toa, Ia matisuluk i uno nu kaman aiya!’ – boli palesaya.

MATIUS 26:55

Lantas i Yesus notatae hi mian da'isan aijo', “Te Aku mian ma'idek, sampe komiu toka momboa mae bajak, ka' amangkun mohakop Aku? Toka sansina-sinaa Aku mongajan i Laigan nu Tumpu, kadaka' komiu madi' mohakop Aku!

MATIUS 26:65

Sahingga Imam Daka' aijo' nombea-beakmo baju'nyo, ka' notatae, “Ia mompisala'i Tumpu! Madi'mo palalu ko sakisi. Posi komiu iwi-iwi' nosi hongomo potatae anu mompisala'i Tumpu.

MATIUS 4:23

I Galilea, i Yesus nonsongkohi iwi-iwi' na lipu' ka' nongajan i laigan pogalejaan. Ia nompolele Lele Ma'ima' tukoonyo Tumpu tionyo mompalentah. Ka' Ia mule' nompa'alin to mia-mian anu masakit ka' anu madi' sampa' na butongnyo.

MATIUS 9:35

Sumo aijo' na i Yesus namba nonsongkohi sa'angu' na kota, namba i kota sangga'at, ka' lengkat mae i sa'angu' na kampung namba i kampung sangga'at. Ia nongajan i to lai-laigan pogalejaan, ka' noleleakon Lele Ma'ima' mongkona mosia na Tumpu Allah mompalentah sumo Tomundo'. Ia nompa'alin to mia-mian anu mongepe iwi-iwi' na ngahan nu panyakit, ka' anu madi' sampa' na butongnyo.

MARKUS 8:32

Pinonasa hondo i Yesus na nompoto'i han aijo' hi anu saja' mombatuki Ia. Sahingga i Petrus nohambet i Yesus i sohipi'nyo, ka' nontewa' Ia.

LUKAS 21:37

I Yesus nompogulu' i Laigan nu Tumpu sina-sinaa, ka' malomnyo mambamo i Bungkut nu Zaitun ka' jojoongmo kiijo' mae.

LUKAS 4:15

Ia nongajan i to lai-laigan pogalejaan, ka' mian da'isan nompuji'mo Ia.

YOHANES 18:21

Jadi kadaka' kita Tuan mompokilawa Aku? Pokilawa hi aha anu nohongomo Aku nompogulu'. Tantu nusumbu' nu aha apaa na anu tinaloakon-Ku.”

YOHANES 6:59

Iwi-iwi' aijo' tinaloakon i Yesus tempo'nyo Ia nompogulu' i uno nu laigan pogalejaan i Kapernaum.

YOHANES 7:14

Hau-haunyo lamean, i Yesus ninsoopmo i uno nu Laigan nu Tumpu, lantas nontampu'uni nompogulu'.

YOHANES 7:26

Toamo, Ia motatae lamba-lamba i ahop nu mian da'isan, ka' madi' ko anu montaloakon apa-apaa hi Ia! Ugaat anu mongkuasai kita nonsumbu'mo saba' aiyamo na Ia Tomundo anu Momposalamat?

YOHANES 7:28

Lapas aijo' hau-haunyo i Yesus mompogulu' i uno nu Laigan nu Tumpu, Ia noloboo'mo notatae daka-daka', “Jadi osumbu'mo miu ihe na Aku aiya, ka' lengkat mae iya na pinolengkatan-Ku? Aku tinoka misa' posi pongka'oho'-Ku. Aku sinai mae nu Ia anu ko hak monsai mae Aku, ka' Ia timbali opalesaya. Panyo komiu madi' monsumbu' Ia.

YOHANES 7:4

Madi' ko mian anu mompohowini apaa na anu binaunyo, de ia mongka'oho' da talasanggo. De Beleyum mombau hahan anu sumo aijo', songko-songko na dunia tantu tionyo monsumbu'!” (

YOHANES 8:2

Dodododopnyo subu-subu Ia namba mule' i Laigan nu Tumpu, ka' da'isan na mian tinokamo hi Ia. I Yesus sinumuhang, lantas nontampu'unimo nompogulu' aha.

YOHANES 8:26

Daagi' manjoo' na anu mongkona komiu, anu Ku paisisikakon ka' Ku pisala'i. Panyo Ia anu nonsai mae Aku timbali o palesaya. Ka' Aku nompoto'imo i dunia apaa na anu ihongong-Ku lengkat mae hi Ia.”

SISIKON NU TO RASUL-RASUL 26:26

Posi kita Tomundo' Agripa monsumbu'mo totu'u na hahan aijo'. Mokonyo aijo' aku baani motatae hi ahop nu kita Tomundo' tiba sahondo-hondonyo. Kusumbu' hondo-hondo madi' ko sa'angu' pe'e na hahan aijo' anu ma'isa sinumbu' nu kita Tomundo', kalana iwi-iwi' aijo' madi' tinimbali i tampat-tampat anu sulu-suluk.