YOHANES 18:18 - KITAB NU TUMPU ALLA LELE MA'IMAI'

¹⁸ Tempo'nyo aitu tempo' nu bakin, sahingga to posa-posaihon ka' ponjaga-ponjaga nomposuunimo apu da mingoba ka' aha minjohu i kiijo'. I Petrus nokiijo' ka' tinuminjo, minjohu hingga-hinggat tiba aha.

YOHANES 18:18 ပူးပေါင်းရင်းမြစ်များ

KAJADIAN 49:6

Aku madi' nanintuang i posa'angu'an nu aha binatanga', ka' suele madi' ninsoop i posa'angu'an nu aha. Kalana aha motambuha'mo sahingga aha nompateimo, nompengko'imo sapi' kalana molio kasanangan.

1 TOMU-TOMUNDO' 19:9

Kiita' mae i Elia i hoyotmo i uno nu liang. Lantas notataemo na Tumpu hi ia, “Apaa na nubau aiya Elia?”

MAZMUR 1:1

Mohumpak kabilahian na mian anu madi' mombatuki pokinde' nu mia anu ma'idek na kinyonyoanyo, madi' montiho mian anu baladosa' ka' madi' lewa' gandi-gandian tiba mian anu mompisala'i ka' mongalu Tumpu,

AMSAL 13:20

Mian anu mosangalu tiba mian anu pande saidi mae timbali pande; panyo mian anu mosangalu tiba mian anu ponga' saidi mae mohumpak kasilaka'an.

MARKUS 14:54

I Petrus aijo' mae majo'on nombatuki Yesus sampe ninsoop i kintan laigan nu imam daka'. I kiijo' mae i sinumuhang minjohu ohani apu nohingga-hinggat tiba to sulu-suludadu.

MARKUS 14:67

Salatan nontoa i Petrus minjohu ohani i apu, lewa'mo tinonto'annyo ima-ima' na ohup i Petrus ka' notatae, “Te misa' beleyum suele mosangalu i Yesus mian nu Nazaret aijo'?”

LUKAS 22:44

I Yesus talalomo hondo nongoa'i sansala i kinyonyoa, sahingga Ia nompaka balado'amo totu-totu'u. Liasa'-Nyo sumomo baso' jinumuju' i tano'.]

YOHANES 18:25

I Simon Petrus daagi' aijo' tinjo-tinjo minjohu. To mia-mian notatae hi ia, “Te misa' beleyum suele anu saja' mombatuki mian aijo'?” Panyo i Petrus nombahakon, koonyo, “Misa'!”

YOHANES 18:3

Saba' i Yudas namba i tampat aijo' nomboa sanggombu na suludadu Romawi tiba to pia-piangkuka na ponjaga Laigan nu Tumpu anu pinokau nu kapala nu ima-imam tiba to mia-mian Farisi. Aha nomboa toongon pimuhuk, sulu', tiba potong.

YOHANES 21:9

Salatan aha nilalobosmo mae lengkat i duangan, aha nontoa daagi' ko oba nu apu kiijo' mae ka' ikan aita' i bawonyo ka' roti.

SISIKON NU TO RASUL-RASUL 4:23

Salatan i Petrus ka' i Yohanes pinobebasmo, aha ninsusule'mo hi to sanga-sangalu nu aha ka' nonsisik iwi-iwi' anu tinaloakonmo nu to kapa-kapala nu imam ka' to pola-polaya' nu Yahudi hi aha.

1 KORINTUS 15:33

Boli o akali! Po'imboan anu ma'idek mongidei kalakuan anu ma'ima'.