YOHANES 18:12 - KITAB NU TUMPU ALLA LELE MA'IMAI'

¹² Lantas to sulu-suludadu Romawi tiba kamundannyo, ka' ponjaga-ponjaga nu Yahudi nohakopmo ka' nompungu i Yesus.

YOHANES 18:12 ပူးပေါင်းရင်းမြစ်များ

KAJADIAN 22:9

Salatan aha tinokamo i tampat anu pinoto'imo nu Tumpu Allah hi Abraham, ia nombaumo sa'angu' na mezbah tampat ponsombahkonan ka' pinotambunmo na kau' anu opapui aijo' aita' i mezbah. Lantas pinungunyomo na anaknyo ka' pinomale'nyomo i mezbah aita' i kau' anu opa-opapui aijo'.

KAJADIAN 40:3

lantas aha pinosoopmo i uno nu talungku' i laigan nu kapala anu monjagai laigan nu tomundo, i tampat suele i Yusuf tinalungku'.

MAZMUR 118:27

Tumpu, aijo'mo na Tumpu Allah, Ia manonong hondo hi kita. Inda mambamo da kita balonda molame'akon ka' montoongi panga' nu kau' ko honnyo, ka' montiikubi mezbah nu Tumpu.

MATIUS 26:57

To mia-mian anu nohakop i Yesus, nomboa Ia i laigan nu Imam Daka' i Kayafas. I kiijo' to gulu-gulu' agama ka' to pola-polaya' nu Yahudi binala gombumo.

MATIUS 27:2

Aha nompungu Ia, ka' nomboa Ia, lantas nombee'mo hi Pilatus, gubernur pamalentahan nu Roma.

MATIUS 27:27

Lapas aijo' to Sulu-suludadu i Pilatus nomboamo i Yesus ninsoop i laigan daka' nu gubernur, ka' iwi-iwi' na pasukan sinilimu'mo nontiikubi Yesus.

MARKUS 14:53

I Yesus binoa nokiijo' i laigan nu imam daka'. I kiijo' mae iwi-iwi' na kapala nu imam, polaya' nu Yahudi, ka' gulu' agama hau-haunyo balagombu.

MARKUS 15:1

Daagi' subu-subu hondo, iwi-iwi Mian Kopian nu Agama ka' kapala nu to imam-imam, to pola-polaya' nu Yahudi ka' to gulu-gulu' agama nombisalakon lia-lia'. Aha nompungumo i Yesus, lapas aijo' binoa nu aha na Ia ka' binee' hi Pilatus.

LUKAS 22:54

Aha nohakop i Yesus ka' binoa-Nyo i laigan nu imam daka', I Petrus nombatuki akaong mae majo'on.

YOHANES 18:3

Saba' i Yudas namba i tampat aijo' nomboa sanggombu na suludadu Romawi tiba to pia-piangkuka na ponjaga Laigan nu Tumpu anu pinokau nu kapala nu ima-imam tiba to mia-mian Farisi. Aha nomboa toongon pimuhuk, sulu', tiba potong.

SISIKON NU TO RASUL-RASUL 10:1

I Kaisarea daagi' ko samian na mo'ane sanggonyo i Kornelius. Ia samian na kapiteng nu “Tompukan nu Suludadu nu Italia.”

SISIKON NU TO RASUL-RASUL 21:31

Hau-haunyo anu mompokalangkabut aijo' mompagalamo mompatei i Paulus, mian nompoto'imo hi kapala nu suludadu nu Roma, tukoonyo songko-songko na Yerusalem kinalangkabutmo.

SISIKON NU TO RASUL-RASUL 21:37

Salatan mongka'oho'mo minsoop i uno nu tampat kajojoongan nu suludadu, i Paulus notataemo hi kapala nu suludadu aijo', “Pa' timbali na aku basisik sasaingoni' tiba kita Tuan?” “Apaa beleyum timbali mobasa' Yunani?” pinokilawa nu kapala nu suludadu aijo'.

SISIKON NU TO RASUL-RASUL 23:10

Pinainggagaan aijo' tinimbalimo dinaka' hondo, sahingga kapala nu suludadu aijo' nabuhukmo boli-boli i Paulus nupateimo nu aha. Jadi ia nonsai pasukannyo namba nongala i Paulus i totonga' nu to mia-mian aijo' ka' nomboa ia nokiijo' i kajojoongan nu suludadu aijo'.

TO MIA-MIAN KOPIAN 16:21

Sahingga ia i hakopmo nu to mia-mian Filistin ka' kinubatakonmo nu aha na matanyo. Binoamo nu aha na ia i Gaza, ka' pinungumo na ia nu lante' tambaga ohua', ka' pinosoopmo i talungku'. Ikiijo' mae i binee'anmo kalaja monggiling.